№ 5 хэрхэн №3 болсон нь

Хорвоо ертөнц эргэдэгээрээ эргэсээр удахгүй 2012 оны 12 сарын 21 өдөр болж дэлхийн сүйрэл болоход жил ч хүрэхгүй хугацаа болжээ. Тэрнээс өмнө амжаад №5-ийг №3 болголоо. Эхлээд №5 гэж хэн бэ гэдэг тухай хэлье байз. №5 гэдэг чинь нэг сайхан амьтан байдаг юм. Тэрний яг дээд талд нь Топ Оюунгэрэл, Одгэрэл гээд УИХ сонгоод өдөр бүр ТВ-ээр хараад сууж баймаар улс байнаа. Тэр 2-ийн дээр болохоор Синди хоёрдахь нэрийг нь мартсан байна. Гэхдээ тураалын төвийн Цэнд хэн ч билээ нөгөө зурагтаар "Синди гээд мөөмөө түкийлгэдэг" хүүхэн биш. АНУ хүүхэн нь, яагаав нөгөө уруул дээрээ мэнгэтэй хүүхэн. Тэгээд дараа нь би нээх арьсны өнгө ялгаварладаггүй хүн болох гээд Наоми Кээмбэл гэж хүүхнийг оруулаад байгаа. Гэтэл тэр Наоми Кээмбэл чинь зарцаа зодоод баахан дүрсгүйтсэн юм байна л даа. Уг нь дээр үед л дээ би саяхан мэдсэн юм. Тэгэнгүүт нь би хүн зоддог тэр хүүхнийг шууд байрыг нь доош нь унагаад хаяж байгаа юм. Харин саяхан манай нөгөө топ Оюунгэрэлийг ямар ч гэлээ нэг хөөрхөн хүүхэн ордог тэмцээнд юугаар нь ч юм бэ бас голсон гэнээ. Би ч угаасаа тэрийг сонсонгуутаа олны жишгийг дагаад бас өөрийнхөө эхний 5 хүүхнээс голоод хаятал манай нөгөө №5 шууд дээшээ шатгүй өгсөөд №3 болж байгаа юм даа. Үнэн азтай. Энэ завшааныг тохиолдуулаад би Дархан уул аймгийн орон нутгийн ТВ-ээр энэ тухай гаргадаг юм уу гээд бодоод л байгаа. Улсын тв-ээр гаргах гэхээр эфирын цаг гэнэ үү бас нэг юмных нь цаг нь дууссан гээд миараад байнаа.
Саяхан би 89 үсэгтэй нэг айхтар үг сураад. Тэгээд тэр үгийг хэлэхээр үхсэн амьтан амилдаг болохыг мэдлээ. Хүчит шонхор зах дээр явж байгаад санаандгүй нөгөө үгээ хэлсэн чинь эвдэж амжаагүй байсан үхэр, хонь, адууны махнууд амь орж давхилдаад лайтай юм болсон. Гай болоод амьтан гэхэд бэрх юмнуудыг буцааж унагаах шидэт үгээ мартаад баларлаа. Тэгсэн чинь нэг Чека авгай намайг шидэт үг хэлсэнийг мэдчихээд махны ченжүүдэд зааж өгөөд. Нөгөө хэд нь намайг шидэт үгээ хэлэхгүй бол ална мална гээд. Би урдаас нь ал ал намайг алвал энэ гачин юмнууд чинь энэ чигээрээ үлдээд та нар л хохь нь болно гэж хэлээд. Тэгээд Онцгой байдлын газрын Бэртлээтээр гэртээ хүргүүж шидэт үгнийхээ ерөндөг үгийг хэлж нөгөө айхтаруудыг дарлаа ш дээ.

Юу юугүй ёлка болох нь ээ

Ёлк ч болох нь байна ш дээ. Энэ жилийн ёлкоор ноднингийнхоос бага ёолноо. Ноднин яасан гэхээр 14 хоног амрахдаа яг 10 хоногт нь уусан байдаг шүү. 10 хоног уухаар чинь бас 10 хоног дагаад ёолсон юм болж байгаа юм. Харин одоо тэгж гэнэдэхгүйгээр ердоо л 12 сарын 31 өдөр 2 хундага, 1 сарын 1 өдөр 5 хундага татна гэж бодож байна. Гэхдээ цагаа болохоор юу ч болоо билээ тээ. Би урьдынх шигээ нэг амсаа л бол одоо болноо гээд зогсдоггүй яааааааг хэвээрээ байгаа. Одоо яаая гэхэв. Нээрээ засаг утас гэдэг юмтай болсон ш дээ. Тэр нь яадаг эд вэ гэхээр ажлын газраас мөнгийг нь төлдөг утас байгаа юм. Олон хүнтэй газар нэг дугаараасаа нөгөө дугаар руугаа залгаад босож мосоод л бөөн агаарын наймаа ярьж мариад л сүр үзүүлэхэд сайхан гэж. Нэг удаа худлаа утсаараа чухал царайлаад ид какарч байсан чинь жинхэнээсээ дуугарч балрах шахсан. Ямартаа л миний утас ярьж байхад дуугардаг болчихож гэж гайхаж майхсан дүр үзүүлж нтр. Аз болоход хажууд байсан согтуу гар наад утсанд чинь давхар дуудлага орж ирлээ гэж аминд орж уу. Сүүлийн үед унтаж байхдаа айхтар тамшаалдаг болсон байна. Тамшаалж байгаагаа өөрөө мэдээд байна ш дээ. Урд нь унтаж байхдаа хурхираад сэрдэг байлаа. Тэрний өмнө хар дарж зүүдлээд сэрдэг байсийн. Бүүр тэрний өмнө өлгийндөө шээгээд сэрдэг байлаа. Одоо нас ахих тусам өөр юу юу болохоор сэрдэг болох юм бол бүүү мэд. Би энэ №5-ийг яах вэ??? онгоцноос хоол аваад ирээрэй гэсэн чинь "bid saya ezneseer irsen xool gej 2 pirojki 1 ananastai talx baijuu, teriig daxij avj yaxiin shal ineedtei" гэж байгаа юм даа. Өгье гэвэл юу ч байсан аваад ирж болно доо. намайг энд хоол унд тамшаалах мамшаалах гэж байхад нөгөө муу Кимчи билүү Ким Чен Ир нас барсан байна ш дээ. Хөөрхий зайлуул. Яг манай нөгөө талийгаач шиг 69 хүрээд өнгөрсөн байгаа юм даа. Би 69 хүрээд нас барсан хүмүүсийг бүгдийг нь өрөвдөөд байдаг юм. Яагаад гэхээр өөрөө 1969 онд төрсөн болохоороо. 1969 онд дэлхийд гачин том нээлт болсон гэсэн ш дээ. Ямар гэж үү??? Секасын 69 байрлалыг нээсэн гэсэн. Тэгэхээр миний төрсөн он мундаг байгаа биз дээ ч гэх шиг хахахахахахахаха

Channel биш "№ 5"

Саяхандаа саяхан, нэг сайхан №5 хүүхэнтэй уулзмаар санагдаад эхэлдэг юм байнаа. Гэтэл нөгөө №5 чинь ёстой уулзахгүй гээд махийдаг байна шүү. Би эхлээд бээр авч өгье гэлээ үгүй гэж байна. Хужаа хоол, хуушуур, бууз идүүлье гэлээ Но шүү гэнээ. Уг нь хөөрхийг би дэлхийн дээрх хамгийн хөөрхөн хүүхнүүдийн дээрээсээ 1, 2, 3, 4 гээд 5 дахь нь нтр гээд овоо бодоод байдаг байсан чинь харин хүйтэнд даарахаас айдаг урд насандаа баавгайн сүнс байсан маягийн хүүхэн байдаг байгаа. Миний мэдэхийн л Наоми, Синди, Жулиа гээд хөөрхөн хүүхнүүд бас манай Одгэрэл, Оюунгэрэл нар ч дутахгүй өвөл нүцгэн гүйж явж харагддаг болохоор нь №5-ийг жаахан буу халья гэсэн байхгүй юу... Ер нь яваандаа №5-ийг УИХ-д нэр дэвшүүлье гэж бодож байснаа болиод хорооны засаг дарга хийлгэнээ. №5 ч хорооны байтугай дүүргийн засаг дарга элбэг хийх хүн л дээ. Гэхдээ баавгай шиг ичдэг болохоор төрийн ажил дүүрэгт завхарсан юм болох учраас хамгийн хол байдаг, хүн ам бага суурьшсан хороо юм уу суманд багийн дарга болгоноо. Нөхөр №5 эртнээс ичдэг цаг магаа багасгаад бие бэлдээрэй. Хороо, багийн засаг дарга болгочихвол худлаа үнэн хэнхэг царайлаад ичиж, унтах нь гайгүй болж магайдгүй. тэр үед нь л бээр ууж, хуцаа хоол, хуушуур, бууз хувааж идэхээс дээ...

Шинэ үг

Хэд хоног бодсоны эцэст шинээр 2 үг зохиолоо. Урд би ташна гэдэг үг хэрэглэдэг байснаа болиод "бөмбөрөн гургон" гэж хэлдэг болсоноо мэдэгдэхэд таатай байна. Бас рахи уух гэдэг санааг "тяпалдах" гэсэн үгээр илэрхийлэхээр боллоо. Тэгэхээр намайг "явж жаахан тяпалдаж байгаад дараа нь бөмбөрөн гургон хийе"гэж хэлвэл урдаас "тяпалдалгүй бөмбөрөн гургондие" гэж хэлж байгаарай...

Super Онигоо

Хуриманд явлаа. Хүмүүс бэлгээ өгөөд эхэллээ. Би өөрийнхөө ээлжийг болонгуут мөнгөтэй дугтуйгаа өгөх гэж байснаа андуураад хуримын урилгатай ирсэн дугтуйг нь хоосон өгч баларсан байгаа юм даа. Гэртээ ирээд мэдэж нтр. Балай юм болсон байна. Аз болоход ойрын хамаатан юм даа...

Гар утас

Супермаркет-т хамгаалагч хийх гэж байснаа болиод гар утас зардаг дэлгүүрийн хамгаалагч нийдэг юм байна. Эхлээд тэр гайхал "ухаалаг утас" гэдэг утаснаас нь аваад цэнэглээд, өөрийн утасныхаа сим карт хийж мийгээд баахан эргүүтэж байснаа хамгийн сүүлийнхэд нь өөрийнхөө симийг хийгээд өмд рүүгээ хийснээ таг мартаад тэр чигээр нь дээр нь суусан чинь байдаггүй ээ. Пүүг гэж дуугараад л алга болдог байнаа. Харин тэхх... Өглөө нь нөгөө дэлгүүрийн худалдагч ирсэнээ утас алга болсон гээд сүйд болдог байна ш д. Захирал махирал нь ч ирж байх шиг. Би утас үзэж байгаад .... оруулчихсан гэж хэлэлтэй биш. Тэгснээ цагдаа, магдаа болиод явлаа. Цагдаа нь утас хэн авсан гэж асууж байх юм. Мань тэгэнгүүт" тэр ухаалаг утсыг танай мулгуу цэвэрлэгч л хуссан" гээд гүрийж гарлаа. Гэтэл нөгөө цагдаа их зэвүүн 9988 гэснээ миний дугаарыг залгаад хаяасан чинь байдаггүй. Нөгөөдөх чинь орсон газрынхаа яг үүдэн дээр байж таараад их эвгүйтэж байх шиг... За за худлаа тоглосон юм. Утасны дэлгүүрт хамгаалагч хийгээд утас хусаад тэндээ хадгална гэж байхгүй шүү.

Хий үзэгдэл харав

Сүүлийн үед гэнэт хий үзэгдэлтэй тааралдах боллоо. Counter Strike тоглох болсоноос хойш хаа сайгүй араас хөөгөөд, булан мулан болгоомжтой сууж гарахгүй бол тас буудуулах гээд байх шиг болж. Эртээд бас нэг хий үзэгдэл гарч ирсэнээ намайг бөөрний чинь чулууг аваад оронд нь эрдэнийн чулуу суулгаж өгье гэж байсан. Лаг баян наацан. Бас нэг хий үзэгдэл надад 150,000,000 хэд болсон бэ? үгээр бол зуун тавин мянган доллараар хийл хөгжим зарна гэж зовоогоод. Би тэрнийг нь тоглож чаддаг бол бас яхав гэхсэн. Браьсан бол эвдэх нь гарцаагүй юм надад тийм их үнээр зарна гэдэ бол үнэндээ мангар л байхгү юу. Хуучин хий юм үздэг байхдаа миний юу юу хардаг байсаныг миний блог амтархан уншигчид бүгд санаж байгаа гэдэгт итгэлтэй байгаа ч давтан хэлье гэж бодож байна. Эхэн үедээ Тетрис тоглоом 1 биш 5 эгнээгээр хар хурдаараа унадаг байснаа сүүлдээ нэг рулетнээс 3-5 бөмбөг зэрэг харвадаг байсан. За ер нь удахгүй галзуурах юм байлгүй...

World vs MGL

Америкт зул сарын баяраар оймсон дотор бэлэг хийж өгдөг бол Монголд цагаан сараар оймс бэлэглэдэг...

Оросууд архийг ямар нэг юмаар даруулга хийж уудаг бол Монголд даруулгагүй ч ууж болдог. Багшаасаа сайн уудаг...

Германд бугуйн цагийг хэрэглэх гэж зүүдэг бол Манайд үдээс өмнө, үдээс хойш гэсэн хоёрхон цаг байдаг болохоор Монголд цагийг гангарах гэж зүүдэг...

Америкт хамгийн том баяраараа цацагт хяруул нухаж иддэг бол Монголд баяр болоход хамгийн том сүүлтэй ууцаар ширээгээ чимээд дараа нь муутгаж устгадаг...

За ингээд бичмээр юм байвал коммент дээр үлдээнэ биз маний залхуу хүрлээ.

Хайран 520 ...

Мөнгөө гээчихээд харамсаад байгаа юм бишээ, хэдэн үнэн тэнэг гаруудын өмнөөс харамсаад барахгүй байнааааааааа... Тэр хэдэн тэнэгийн дотор мэдээжийн хэрэг нэг хужаа, гурван орос (Иван Дурак) бас хоёр хаанахын ч юм бүү мэд тэнэг орсон байх юм. Монголоос уг нь намайг оруулж болох л доо яагаад гэхээр намайг нэг хүн дандаа Мангар гээд байдаг юм. Гэхдээ би нөгөө хэдэн тэнэгийг бодвол арай гайгүй юм болохоороо баахан эрчүүдтэй орохгүй л дээ...

Саяхан интэрнэт ухаад (ухаж болдог ч юм уу) сууж байсан чинь бүхэл бүтэн 6 эр хүнийг ангараг гариг руу нисгэх дасгал хийж байна гээд нэг саванд оруулаад 520 хоног, 17 сар хийгээд хаясан юм байна. Уг нь хэрэг хийчихээд 17 сараар таслагдсан хүмүүсийг оруулсан бол ялаа эдлэнгээ хажуугаар нь дасгал хийчихгүй юу. Гэтэл зүүв зүгээр явж байсан хүмүүсийг хийчихээд баахан горьдлого болгож байснаа "за за та нарыг нисгэх гэснээ болиод өөр хүмүүс нисгэх боллоо, үгүй бол та нараас 3 хүнийг нь явуулна нөгөө гурав нь үлд" гэвэл хахахахаха жинхэнэ хулхидуулсан юм болно ш дээ. Мань шиг амьтан бол аль хэдийн нисэж ирээд баатар болоод баахан одон медаль, генерал цол, улсын хангамж, тусгай хамгаалалт, алдар нэр гээд баахан сэрүүн зүүдэлж байгаад нисгэхээ болилоо гэж дуулвал шууд амиа хорлоноо. 520 хоногт чинь цагаан сар, шинэ жил, наадам, төрсөн өдөр мөдөр хэд хэдэн удаа болоод өнгөрнө ш дээ. За тэгээд санхүүгийн тусламж хичнээн ч удаа үзүүлж болно бас санхүүгийн тусламж нас харгалзахгүй эгч нараас хэдэн ч удаа авч болно. Архи, пиав лав хэдэн авдрыг ууж болох байлаа... Нээрээ хайран 520 хоног тэдний өмнөөс үнэн харамсаж байнаа. За тэгээд дасгалаа хийгээд нөгөө хиймэл пуужин дотроо сууж байхад авгай мавгай нь хүн юм болохоороо бас амьтан хүнтэй юу яаамаар болж л таараа... аягүй бол санхүүгээр тусалж бариад адиггүйтсэн л байгаав Нөхөр нь хөөрхий амьтан сансарын баатар маатар боллоо гээд сууж байдаг эхнэр нь хахахаха бодсон чинь инээд хүрээд болдоггүй ээ. Би лав муу Бурамтай чатлаж байгаад уур хүрэхээр ID, утасны дугаар мугаарыг нь дэлээтлээд, 3 хоногийн дараа нөгөөдөхөө үгүйлээд тэсэхгүй дахиж сэргээж сүйд болдог. Гэтэл мань 6 гар хахахаха гэр орныхонтойгоо хязгаарлагдмал цагаар интэрнээтээр харьцдаг байсан гэнээ. Хөөрхий амьтад. Сансарт нисгэвэл бас дахиад 520 хоног болно. Тэнгэр муудлаа гээд 520 биш 600 хоног болвол ёоооёоо бодохоор өрөвдөөд, инээд хүрээд байх юмаа. Ер нь ийм урт хугацаагаар нэг юманд явах бол гэр бүлээ цуцлуулчихвал амар ш дээ. Эргээд ирэхэд сууя гэсэн хүүхэн хар түмээрээ байна. Ёстой тэр түмэн хүүхэн дундаас шилж байгаад сууна... За ингээд балайраад эхэллэээ хөөрхий. Эсвэл хамт нисэж байгаа залуусаасаа гайгүй царайлагтай нь дотно харьцаа болж нтр хихихихихи ингээд балайраад байх юмаа болилоо...

http://chuhal.mn/r/987

Дээр байгаа линкийг эхлээд дараад үзээрэй. Тэр нээрээ яагаад 3 сартай жирэмсэн байгаа юм бол??? Яагаад 2 юм уу эсвэл 4 сартай жирэмсэн биш байгаа юм бол??? Бүүр 5 юм уу 6 эсвэл 7 сартай жирэмсэн байсан бол гоё байхгүй юу? Яагаад гэвэл ердөө л 5 юм уу 6 эсвэл 7 сартай жирэмсэн байгаад гол утга нь оршино. Ер нь хэн гэдэг хүүхэн хэдэн сартай жирэмсэн байх нь тэр хүүхнийг жирэмсэн болгосон хүнд хамааралтай болохоос бусад хүмүүст тийм их чухал байдаг юм болов уу??? Эсвэл тэр жирэмсэн болсон хүүхэн өөрийгөө би одоогоор жирэмсэн боллоо, намайг энэ удаа жирэмслүүлж чадаагүй нь 9 сарын дараа эргээд нэг үзээрэй, дараагийн жирэмсэн болгох эзэн нь та ч байж болно гэж байгаа юм болов уу??? Уг нь байгалынхаа жамаар жирэмсэн болж байгаа эмэгтэй хүн нээх сонин биш байлтай юм. Тэрний оронд Гамбино жирэмсэн болжээ гэвэл лаг болно ш д. Гамбиног Бурам нэг шүргээд жирмэслүүлжээ гэж байвал хүн болгон уншаад зарим нь муу Гамбиног "хөөрхий амьтан, одоо хаагуураа төрнөө" гэж өрөвдөх ч юм уу. Эсвэл "тэр Бурам гэж адтай амьтан юмаа, Гамбинод бөмбөг хийчихэж" гээд гоё ш дээ... Ер нь хэн гээч хүүхэн хэдэн сартай жирэмсэн болсон тухай бүртгэж байдаг бие даасан яамны статустай байгууллагатай болмоор юм. Тэр яам нь өөрийн гэсэн вээбтэй. Тэгвэл би вээбийг нь уншаад "энэ хүүхэн ч найдваргүй боллоо, харин тэр хүүхэн найдвартай" гэж мэгээд суухгүй юу. Үгүй бол хүүхнүүд би тэрнээс жирэмсэн болмоор байнаа гээд вээб дээр нь саналаа бичээд тэрнийг нь уншаад очиж жирэмсэн болгоод л... энд тэндгүй баахан завгүй хүмүүстэй болно ш дээ.

Panchan

Эртээд нэг эргүү солонгосыг хулхидсан тухайгаа бичихээ тааг мартсан байна ш дээ. Сүүлийн үед огцом мартдаг болоод байгаа юм байна. Ямартаа л ажлынхаа нэг хүүхэнд цалин буухаар Морозко морожин авч өгнө гэж хэлэх гэж байгаад мартаад хадуурч давхиад бензин колонк авч өгнө гээд донгосож байхав дээ. Миний цалинд багтаад байдаг бензин колонк гэж хаа байхав дээ??? Бас нэг таньдаг баагий өөрийнхөө авгайг загнаад өгөөрэй гэж захиад, мөнгө хүртэл өгсөнийг нь мартаад баахан магтсан байгаа юм. Магтуулсан хүүхэн эргээд нөхөр дээрээ очоод өөрийгөө баахан магтуулсанаа яриад, нөгөө танил маань өгсөн мөнгөө буцааж нэхээд баларч байнаа. Би чамайг загнахаа мартаад магтцан байна гэлтэй биш тээ. Гэхдээ зав гарвал загнахаас, хүний мөнгө авчихаад загнахгүй байлтай биш бас авсан мөнгөө буцааж өгөлтэй биш. Тэр муу хүүхнийг нээрээ загнахын өмнө эхлээд удам судрыг сайн судлаад бас сайн үздэг хүнээр ирээдүйг нь үзүүлж, харуулж байгаад болсон, болох юмыг нь бүгдийг нь хамруулж загнах юм хуна. Тээр нөгөө хангүг саран хулхидсанаа бичих гэж байнаа бас мартаад загналт магналт болооод явж байна.

нэг таньдаг баагийн таньдаг солонгосоо надтай танилцуулна, гоё хоол хийгээд байж байгаарай гэхээр нь Солонгос бараа зардаг дэлгүүрээс баахан юм эхлээд авсын. Гэхдээ тэр дотор нь кимчинээс өөр мэддэг юм байгаагүй л дээ. Омлек, могой жараахай, хар, бор өнгийн үрэл за ер нь гачин гачин юм байсаан байсан. Тэгээд үхрийн мах шараад, будаа жигнээд хүлээж байсан чинь нөгөө со гар ирлээ. Хийсэн хоолоороо дайллаа. Нөгөө баагий чинь намайг анх удаа тогоо барьж байгааг мэдчихсэн юу яасан хоёр савхадсанаа таалагдаагүй юмуу яаав больчихлоо... Тэгснээ хажууд нь хүмүүс идээд байхаар яаж бас зүгээр суухав гэж бодох шиг болсоноо нөгөө солонгос бараанаас авсан кимчинээс нэг савхадсанаа Woow болоод явдгийн. Яав ийв юу болов??? гэж мэл гайхсан чинь ийм сайхан кимчиг ээж л хийдэг байсан, монголд ирээд хэдэн жил болоход дандаа гачин кимчи идэж байсан гээд хариугүй уйлах нь ээ. Тэгэнгүүт нь гэнэт онгирмоор болооод би наадахыг чинь хийсэн гээд шаачихдаг байгаа. Яаж хийсэн бэ гэхээр нь яахав дээ тээр жил Солонгост семинарт явж байхдаа гадаа нэг ажима хийж байхыг хараад сурчихсан гээд хэлчихсэн. ТВ-ээр харж байхад ажима нар кимчигээ гадаа хийгээд л байдаг ш дээ. Тэгдэг юм байх гээд хэлчихсэн ш д яадгийн... Тэгсэн чинь нөгөө со чинь дахиад байна уу гэж асуудаг юм даа. Ямар азаар би тэр кимчиг нь бүгдийг нь тавгалааад савыг нь гаргаад хаясан байсан юм бэ??? Хэрвээ тэгээгүй байсан бол дахиж гаргаж өгөх гэж байж хөргөгчөө нээгээд баригдахгүй юу. Би тэгэнгүүт нь нээх сүрхий царай гаргаад хөргөгчөө нээснээ "нээрээ дууссан юм байна, нээх иддэггүй болохоороо жаахан хийдэг" гэж мэгээд таарсан. Хэрвээ тэр хангүг надад кимчи хийж өгөөч гэх юм бол 3000-аар дэлгүүрээс аваад 5000-аар шахнаа. Шинэ бизнэсийн зам ингээд нээгдэж байгаа юм даа. Аз хүү байвал ёоз хүүгээр цохиноо гэж...

ӨӨ нээрээ мартадаг болсон толгойд ямар эм, мэм, кимчи мимчи сайн бэ, мартахаасаа өмнө асуухгүй бол мартаад хэдэн жил болох байх. За тэгээд хэллээ ч гэсэн нэг уншаад л дахиад мартчих байх доо.

Сесуритү

Өнгөрсөн шөнө цас орж хоноод өнөө өглөө сайхан байх чинь... Балай чинь бичих гэж байсан юмнаасаа шууд хадуураад эхэлдэг юм байна. Ингэж болохгүй шүү. Хэлэх гэсэн юмаа ийш тийш нь бултуулалгүй шууд л хэлж байх хэрэгтэй гэж байгаа. Хэрвээ намайг ямар нэг өөртөө үйлчилдэг супермаркетын хамгаалагчаар ажилла гэвэл дуртай зөвшөөрнө. Энгэр дээрээ "Сесуритү" гэсэн бичигтэй гуцас өмсөөд л өөрийгөө цөлийн шуурга ажиллагаанд ороолцсон ахмад дайчин гэх ухааны юм болгож бодоод л ... Ердийн ажлын цаг дуусангуут миний ажлын цаг эхлэнэ. Эхэндээ энд тэнд юм дуугарвал шуурхай очиж үзээд уйдах хүртлээ идэвхтэй царай гарганаа яаадгийн. Тэгээд жаахан уйдаад нойр хүрээд эхлэвэл гар утсаараа хэсэг тоглоно. Тэгээд дахиад уйдаад эхлэх юм бол тэргэнцэр дотор нь орж суугаад супермаркет дотуур баахан давхина бас. Халууцахаараа крант кола ууж сэрүүцнэ. Хэд хэдэн удаа ээлжинд гараад хүмүүстэйгээ танилцаад эхлэнгүүт ид шидээ гаргана ш дээ. Хамгийн түрүүнд нь камерын бичлэгт ордоггүй цэгүүдийг олоод тэндээ хамгийн үнэтэй коньяк нууж ууна. Ууж дуусааад яааг тасрахаасаа өмнө нь дотор нь шингэнээ юүлж өгөөд буцааж сайхан таглаад байранд нь тавина. Бас шоколадны зуурмаг гэдэг билүү Нескуйк-ийн нэг лаазтай юмыг ганцаараа бялууртлаа цохиод өтгөнөө оронд нь шахаж орхиод цэвэрхээн таглаад тавчихаар болоод өгнө. Лангууны хамгийн араар тавьчихсан байхад намайг өөр пост руу шилжүүлтэл бараг баригдахгүй байх. Гол нь хамгийн үнэтэйгээс нь хэрэглэх хэрэгтэй. Хямдхан байвал хүмүүс аваад дорхноо баригдаж гай болно. Болдог бол миний хамаг юмаа хийсэн шил, савтай бараа авсан хүн нээгээд ямар царайтай болохыг нь харах юмсан. Хэрвээ цагдаагийн дарга, эсвэл цагдаагийн даргын даргад бэлэг болгож авсан бол балрах юм байна. Дорхноо нөгөө шил, саван дээрээс хурууны хээ мээ аваад тасарчихсан байх юм бол нөгөөдөхөө арилгахаа мартаад жинхэнэ домог болж алдаршсан юм болно. Сонин монин дээр гарна, бүүр какарвал ТВ8ийн шөнийн толь нтрээрч гарч магадгүй. Камер руу нь харж байгаад болсон явдлаа нууж хаахгүй хэлнэ ш дээ. Яагаад хамгаалж байсан бараагаа шамшигдуулсан бэ гэж асуувал өнгөрсөн ч байсан хамаагүй "төрсөн өдрөө тэмдэглээд" гэж хэлнээ. Иргэний үнэмлэх дээрээс төрсөн өдөр шалгаад "төрсөн өдөр чинь биш байна гэвэл" эргүүлээд "тэр үед энэ супермаркет-ын хамгаалагч болоогүй байсан" ч гэх юм уу эсвэл дараа жилийнхээ төрсөн өдрөө угтаж тэмдэглэж байсан юм гээд л болоо ш дээ.

Миний ажил

Шинэ 7 хоног эхэлжээ. Хэрвээ өнөөдөр градустай юм амсахгүй л бол энэ 7 хоног тэр чигээрээ уухгүй байх. Хэрвээ амсах л юм бол тэр чигээрээ гударсан юм болно гэж бодсоор түрүүний 7 хоногийг эхэлдэг юм байна. Тэгсэн чинь өнгөрсөн 7 хоногийн эхний өдөр амсаагүйгээр барахгүй хамт архи уух гэсэн хүнтэй гадаа бараг зодоон хийж уулгүй 7 хоног боллоо. Уг нь ууя гэсэн саналыг 1000% дэмжээд, 2 гараа дээш нь өргөдөг хүн нээрээ юу болов??? Нэгнийгээ сайн явахад атаархдаг муухай юмнууд бас байх юмаа. Архи гэдэг юмыг бараг мартаад 7 хоног болох гэж байхад яаааг 7 хоногийн сүүлийн өдөр, орой унтахын өмнө ажил хэрэгч санал тавьдаг нээрээ...

Мартсанаас мал мэнд үү гэгчээр нөгөө Last Christmas дууны клип дээр дуусных нь өмссөн байдаг шиг дээлтэй болсон ш дээ. гэхдээ цасны бандгар гутал олоогүй. Гэхдээ ороолтыг нь олсон юм байна. даанч зүүгээд явахаар хөөрөөд байх юм.

Манайхан нээрээ гусах юм таарвал юу ч байсан хамаагүй гусах юмаа... Эртээд нэг сэтгүүл уншаад гэвтэж байгаад хана дагаж ургадаг тасалгааны цэцэг гэр оронд байвал өвчин зовлон дууддаг гэж байхыг хараад гэртээ байсан нэг тийм цэцэгийг орцондоо гаргаад цонхон дээр тавичихаад эргэж ороод усалдаг хүн болох гээд эргээд гартал гялс алга болсон байгаа юм даа... Ердөө л варены шилэнд ус хийх хооронд ш дээ. Тэгэхээр манай орцонд өндөр мэргэжсэн кааяа байна, тэр кааяатай танилцах юмсан. Сайн кааяа таньдаг хүн байвал хэлээрэй, танилцаад мэргэжлээ дээшлүүлэх хэрэгтэй байна. Анхаарал тавьсан явдалд баярлалаа...

Юун ёлк юун цагаан сар

Өчигдөр л ёлк боллоо гээд байсан чинь тэрнээс супер юм болох гэж байна. Төрсөн өдөр мөдөр гэсэн локал шинж чанартай юм биш интехнейшнл агуулгатай асар том юм болох гээд байна. Манай нөгөө Болороо Бөэжин явах гэж байна. 6 сараар таслагдсан гэсэн үү 6 сар сууна гэв үү гальт нэг сар мартай юм хэлсэн. Сайн мэдэхгүй болохоор инээд хүрээд байх юм аа ядаж байхад. Гэтэл нөгөө налчий Баатар алс газар явж алт цуглуулна гэсэн тэр чигээрээ алга болсон. Хааяа сураг сонсохоор Фижи байна уу Соломоны арлын далбаатай усан онгоц дээр усан цэрэг хийж байгаа гэж дуулдах юм. Тэгж байж халимны хоол болох вий дээ. Дэмийрч явж байгаад эм сармагчинг хүүхэн гээд балрах вий. Нөгөө Зоригоо гадаадад эх орон нэгтэндээ тусалдаг хүн болох гээд дэлгүүр дагуулж орчихоод эр хүнд таарах размер байхгүй гээд эмэгтэй өмд өмсүүлж байна гэсэн. Алгаа хампаан Эрхүүгийн зах дээр элэг нэгтнүүдээ нэг хэсэг овоо хулхидсаан. одоо лам болоод нүглээ наманчилж байна гээд явж байна гэсэн. Сураг сонсоход хэд хэдэн хүүхэнг ариутгаж байна гэж байгаад янз бүр болоод авсан байсан. Хүн хэлэх яахав... Тэр жил зад наргиад сэрсэн чинь нэг хар авгайн өвөрт сэрж нтр... хэлийг нь ойлгох юм биш... ай лаав маав гээд байсан. За тэхээр нэг иймэрхүү болчимгүй юмнаас л хол байгаарай гэж Болороодоо захия. захих яахав гол юмаа дараа захинаа. Гөөнгийг нь өгнөө...

Ёолк

Нэг мэдсэн чинь ёолк болох гэж байна ш дээ. Ямрав дээ? Хэдэн жилийн өмнө ашгүй баяр болох нь ууж алдана даа гээд хоног тоолон хүлээдэг байсан чинь энэ жил мууд нтр орохгүй нээх гачин байх чинь. Уг нь ёолк болхын өмнө өмсөх гонжоомоо бэлддэг байсан бол энэ жил Жорж Майклын дуун дээр гардаг шиг нээх гоё өнгөтэй ноосон цамцаар гангарнаа. Гол нь цасны памбагар гуталтай байвал бүүр лаг. Бас зах нь хагас эргэдэг урт пээлник өмснө. Өмсөнө өмсөнө гээд байдаг гэтэл өмсөх пээлник, ноосон цамц, памбагар цасны гутал нь хаа байнаа? Хаа байнаа ч гэх шиг хаа нэг газар байж л байгаа. гол нь тэрнийг авах мөнгө нь хаа байна??? 12 сарын 25 хүртэл хэсэг лааз, шил, усны сав цуглуулж болох юм байна. Бас төмөр, зэс гээд дэл сул гэвтэж байгаа юм таарвал хусаад байхад болох байлгүй дээ. Бас хэрэглээгээ жаахан хязгаарлахад учир бий. Өдөрт нэг хайрцаг алтан навч татахаа болиод газар унсан модны навч түүж нунтаглаад татахад бас хэдэн цаас цааш нь хийх боломж байна. Сая амралтаар 2 хоног унтсан чинь нуруу муруйсан байх юм. Ер нь өвддөггүй хүн чинь баярлаад ч байх шиг гэж балайтвал нээрээ балай юм болно шүү.

Интэрнэт тасраад утаснууд бүгд ажиллахаа болиод

Ингэж байснаа нэг өдөр гэнэт интэрнээт тасраад гар утаснууд бүгд ажиллахгүй болоод нийтийн тээврүүд үйлчлэхээ болиод, дэлгүүр хоршоо өдөрт нэг, хоёр цаг ажилладаг болоод бар сав бүгдээрээ хаалгаа бариад эхэлвэл яах бол? за тэр интэрнээт, гар утас ч яамай байна. бар, дэлгүүр хоёр л асуудал болно доо. Би угаасаа оочерт дуртай юм болохоороо авах юмгүй ч байсан оочерлож гарна. харин манай ажлын залуу яах вэ гэхээр байна ш дээ флоторын цаасны голд олон линз суулгаад од дурандаж эхлэнэ гэсэн. сайхан завтай баагий шүү. баагий биш бамбуковын медведь ш дээ нээрээ.

Өөр юм бичив

Ай ку гэж нэг айхтар юм байнаа. эртээд дэлгүүр хэсээд ангайгаад явж байсан чинь нэг эрээн цоохор юм харагдлаа. худалдагчаас нь энэ чинь юу юм гэсэн чинь ай ку хөгжүүлдэг гэдэг байгаа. мань тэгэнгүүт ай ку гэж нэг юм байна. байх байхдаа бүүр хөгжүүлдэг юм байна гэж бодоод ямаршуухан юм байдгийг нь мэдэх гээд чамд хөгжүүлсэн ай ку байна уу гэцэн чинь бүүр ай кугүй нтрээ дуудуулаад аймаар юм болсон. күй нээрээ надад тэр нь байсан бол юу гээд л хүнээс асуугаад загнуулаад байхав дээ. тэгсэн мөртлөө тэр нарийн худалдагч хөгжүүлдэг юмыг нь зарж байж ядахдаа хөгжиж сүйд болоогүй ай ку ч байгаам даа. тэгээд энэ тухай ажлынхаа залууд хэлсэн чинь миний харсан юмыг анхан шатны ай ку хөгжүүлдэг гэдэг юм байна. тэгэхээр тэр ай ку гэдэг юм хэд хэдэн шаттай, зэрэг зиндаатай гачин юм байнаа. мань шиг зав гарвал пиав, сээгэсээс өөр юм боддоггүй хүнд тэр ай ку нь байдаггүй юм шиг байна. Олон улсын ай кугүйчуудын холбоо гэж байвал монголын нийт ай кугүйчүүдийн эрх ашгийг хамгаалаад хэсэг байж байгаад УИХ-д ай кугүйчуудийн төлөөлөл болж сууна гэвэл ямарав??? зурагтаар гарах бол юм мэддэг хүн шиг сууж дүр гаргахгүй дүнкүү царайлаад амар ш дээ. ер нь эцэг эхээс өгсөн нэрээ хүртэл айкугүйжав гэж солиулдаг ч юм уу даа. та нар миний хэлэх гээд байгаа гол санааг ойж байна уу??? ай ку сайн бол ажил хийлгэх гээд байдаг юм. харин ай ку бага гэвэл хүнд зарагдахгүй гоё байхгүй юу

Аравдугаар сарын синдром

Хорвоо дэлхийд Ерөтөнцийн эзэний хүү төрсөнөөс хойш яг 2011 жил болоод бас ч үгүй 10 сар гараад 14 хоног болжээ. Гэтэл би өнгөрсөн сараас хойш муу блогтоо юм бичээгүй байдаг байна ш дээ. За тэгэхээр өнгөрсөн хугацаанд юу болоод өнгөрвөө гэхээр 1 сарын турш өдөр өнжөөд уугаад байлаа. Сүүлдээ нойрондоо дийлдээд энд тэнд явж байхдаа унтчих гээд байдаг болсон байна. Ямартаа автобусанд ороод шууд суудал хайж эхэлж байгаа юм чинь. Өглөө эрт суудал элбэг харин орой суудал пиг дүүрэн. гачин гачин царайны юмнууд сандал эзлээд лаглайгаад сууж байхыг нь харахаар уур хүрээд барьж яваа юмаараа ороолгомоор санагдаад байдаг гэж байгаа. Өчигдөр тэгсэн чинь яав? 4-р ангийн бололтой нэг охин автобусанд ороод сул гарсан суудал болгон дээр бусдаас түрүүлж очиж суугаад яг зурам шиг санагдаж нтр үү. За тэр ч яахав. Би иргэн хүнийхээ хувьд мөнгөө төлөөд нийтийн тээврээр үйлчлүүлж байхад огт мөнгөө өгөөгүй байж сандал дээр нь ялхайчихаад хөөрхий тэр муу кондуктор авгайг газар доор ортол нь загнаж байгааг харлаа. Та нар намайг хэнийх нь талд орсон гэж бодож байна??? Би хэнийх нь ч талд ороогүй. Зүгээр л манай монголчууд хаа явсан газраа нэгнийхээ дээр гарах гээд үзэлцэж байдгийн нэг хэлбэр гэж бодоод өшөө их хэрэлдээсэй гэж бодож байгаад 2 буудал илүү явсан байгаа юм даа. Автобусанд суухдаа олон юм боддог гэж байгаа. Хамгийн эхлээд гэнэт газар хага үсрээд манай автобус битгий уначихаасай, хэрэв газар хага үсэрвэл жолооч залуу тэр дор нь тоормоз гишгээд хаалгаа нээж чадах болов уу? За хаалгаа гялс нээдэг юмаа гэхэд би год харайгаад гарч чадах уу гэх мэтийн юм бодож байснаа Путин дахиад ОХУ ерөнхийлөгч болохгүй бол амиа хорлох уу? ӨАБНУ-ын ерөнхийлөгч Жакоб Зума 4 эхнэрийнхээ нэрийг хооронд нь хольж дуудаж балраад авгай нартаа загнуулдаг болов уу? Францын ерөнхийлөгч Жак Ширак шүүхээс ялгүй гараасай хөөрхий минь, АНУ хуучин ерөнхийлөгч Билл Клинтон Моникаг яг хэдэн удаа ямар байрлалаас яасан бол нтр гээд дандаа томчуудын тухай бодно ш дээ. Ерөнхийлөгч боддог гэдэг чинь цаагуураа намайг хэзээ ч юм бэ Ерөнхийлөгч болж магадгүй гэсэн нигууртай. Хэрвээ кипок холбооны ерөнхийлөгч баавар шиг ямар нэг юмны ерөнхийлөгч болвол бүх ерөнхийлөгч нарын хийсэн хийж байгаа ирээдүйд хийх, хийж магадгүй болох бүтэхгүй бүхнийг заавал хийж үзнээ. Нөгөө хүшгордог хүний тухай бисэнгүй. Бичүүлмээр бол заавал ерөнхийлөгч болоод дээр нь нэг бүтэхгүй юм хийгээрэй. Тэгвэл би бичнээ. УИХ-ийн гишүүн шиг амлая...

Fitness-д явж байна

Хар нялхаасаа суудлын ажил хийсэн над шиг амьтны биеийн галбир ямар байдгийг таахад үнэн хялбархан билээ. Мэдээж гүзээ урагшаа хэвийн хэмжээнээс хэтэрч сунасан буюу унжсан байна. Өгзөг хавиараа арагшаа тонтойсон байх нь тодорхой. Заримдаа хөл их нарийхан байдаг боловч ихэвчлэн майга байдагт эргэлзэх хэрэггүй. Ийм хэлбэртэй этгээдүүд эртхэн хөдөлгөөнд орохгүй бол гэдэсний тойрог 100 см-ээс ихсэх юм бол балраа гэж мэд. Хорт хавдар шууд тусна гэнээ. Энэ айхтар юмыг дуулаад хөдөлгөөнд явахаар шийддэг юм байна. Хөдөлгөөн гэхээр элдэв нам, эвсэл хөдөлгөөн биш янз янзаар хөдөлж хөлсөө гаргахыг хэлж байгаа юм ш дээ. Хөдөлгөөнд явахын тулд эхлээд машинд суух хэрэгтэй. Машинд суухгүй бол хөдөлгөөний газар руу явган явах юм болно. Явган явах юм бол хөдөлгөөнд явах хэрэггүй ш дэээ. Хөдөлгөөн хийдэг газраас хамаарч хүмүүсийн зэрэг зиндааг тогтоодог юм байна. хэрвээ үнэ нь бага байвал их муу хөдөлгөөн юм гэж ойлгож болно. бас байр их чухал. подваалд байдаг хөдөлгөөн нь агаар муутай учраас тусгүй, харин давхар дээшлэх тутам чанартай гэж ойлгож болно. Миний явдаг хөдөлгөөн орон сууцны нэгдүгээр давхарт байдаг учраас подваалынхаас арай дээр. гэхдээ зөндөө олон юмнуудтай заримыг нь юу гэдгийг нь би мэдэхгүй. гэхдээ их гоё гялалздаг төмрөөр хийсэн. за тэр ч яахав. Гол нь яаж хөдөлдөг вэ гэхээр эхлээд баахан дугуй жиидэг юм. уг нь тэнд алхдаг замтай л даа. гадаа алхаж болох юм чинь тэнд алхаад хэрэггүй байх гэж бодоод би жиидэг гэж байгаа. жииж байхдаа гадаа дугуй унаад хүний цүнх булаагаад зугтаж байна гэж бодоод улам хурдалж өгнө ш дээ. 30 минут дугуй жийхээр хар аяндаа залхуу хүрээд эхлэж байгаа юм. тэгэнгүүт нь босоод хэвлий гэдэг дасгал хийнээ. тэр нь яадаг вэ гэхээр дээшээ харж хэвтэж байгаад тэр хэвээрээ өндийдэг юм. хэд хэдэн удаа хийвэл сайн гэхээр нь нэг оройжин хийсэн чинь байдаггүй ээ маргааш нь гэдэс гачин болоод үйлээ үзсэн. дараа нь өөр вандан сандал шиг юман дээр хэвтэж байгаад хөлөө өргөдөг юм. уг нь хэвлий гэдэг нэг нэртэй мөртлөө 2 юм хийгээд энэ фитнэсийн нөхөд дасгалын нэр бодохоосоо залхуурсан шиг байгаа юм. баахан хөдөлгөөний тухай бичсэн чинь гэнэт залхуу хүрээд уналаа. ер нь нэг иймэрхүү юм болдог гээд л бодчих... эцсийн эцэст саунд хэсэг сууснаар хөдөлгөөн дуусна даа

Онгоц

Онгоцоор ажилдаа явдаг байснаа больсон чинь сүүлийн үед нисдэг байсан маань үгүйлэгдээд байх боллоо. Оочерлож зогсож байгаад ачаагаа хэллүүлж бүртгүүлээд дараа нь өмссөн хувцас, малгай, төмөр юмнууд, тэлээ мэлээгээ тайлж зад шалгуулаад хэсэг 00 өрөөгүй том өрөөнд сууж байснаа онгоцонд суугаад нисэх ч бас л догь гэж байгаа. Хамгийн сонирхолтой нь онгоц нисэх гээд хар хурдаараа давхиж байхад хүмүүсийн царайг харах байдаг юм. Зарим нэг зүрх муутай хүмүүсийн нүдэнд ингээд л дууслаа гэсэн бичиг байдаг бол, овоо зоригтой гаруудын духан дээр дугуй нь хага явчихгүй байгаа даа энэ одоо гэх мэтийн дүрслэл харагддаг. Хүмүүсийг энэ мэтийн хувиа хичээсэн бодолдоо автаад байж байхад би цонхон талд суусан бол тэнгэрт байдаг "Бурхан"-ыг харах, дотор эгнээнд суусан бол онгоцны үйлчлэгч хүүхний төрөлхийн согогыг олох ажил хийдэг байлаа. Хэрвээ үйлчлэгч нь эрэгтэй бол хийх юм олдохгүй жаахан уйтгартай. Орон нутгийн нислэгээр нисэх үед хамгийн гоё юм бол хоол. Өгсөн хоолыг нь хусчихаад дахиад нэгийг гуйж аваад бас хажуудаа сууж байгаа хүнийг нэг хоол аваад өг гэж нэг хэлж үзээд тэр хүн ичээд байх юм бол энэ хүн дахиад хоол идье гэж өмнөөс нь авч идэх гоё байдгийн. Тэгээд кола мола-г нь уулгүй хармаандаа хийгээд буусныхаа дараа нээх дуутайгаар онгойлгосоноо уухгүй худлаа барьж явж тэнэгтдэг гэж байгаа. Хүн өөдөөс нэг балгуулчих гэсэн харцаар харах юм бол шууд хөөстэй юутай хээтэй нь бүгдийг нь залгиад хамраараа хийг нь гаргангаа хэхрүүлэх үү ёстой янзтай. Энэ бол хүний онгоцоор нисэхдээ хийдэг юм. Хувьдаа онгоцтой бол нисэхгүй ч байсан гэсэн өдөрт нэг удаа нисэх орж онгоцоо хэсэг харна, тоосыг нь арчина, дугуйг нь өшиглөж үзнэ. Ойрхон хүн явах юм бол харцаараа хажиглана. Бензин хийдэг савыг нь нээгээд доторх бензиныг нь хэмжиж үзнэ. Тэгж болдог ч юмуу бүү мэд. За тэгээд нисэх болвол утас, мэссэнжэртээ байгаа хүмүүс рүү би маргааш тэдэн цагт ниснэ, намайг хараарай гэж баахан какарна. За тэгээд ниснэ дээ. Нисэхдээ дүрэм журам хамаагүй шууд хотын дээгүүр нисээд нөгөө Чинбат шиг "Аав аа, Магсар гуай, Бурам-аа", "Би" гэнгүүтээ эгц дээшээ ниснэ... Хамгийн сонин нь Чинбат гэртээ орж ирж хэлчихээд цонхон дээр очингуутаа онгоцоо дээшээ нисгэдэгт л нууц нь байгаа юм. Би харин тэгж какарч чадах болов уу???

Харанхуйд усанд орсон нь буюу усанд орж байхад гэрэл шатсан нь - 2

Шампуньд хорссон нүдээ усаар зайлахаар эргээд ухартал байдаггүй ээ арагшаагаа дагзаараа тас хийтэл уналаа. Нүдээ аньсан хэвээрээ зүтгэсээр байгаад крантандаа арай хийж хүрээд угааж хараа оров. Тэгэнгүүтээ өөрийгөө ямар харагдаж байгаа бол гэж бодоод толинд хартал "Ээ бурхан зүг орой минь" үнэн хөгийн амьтан харагдаж байх юмаа. Бөөн хөөс болсон, тарган, гүзээ нь урагшаа сунаад унжчихсан, жаахан алцандуу, үс нь өрвийчихсөн, тэгээд майга, бас тэгээд бөгс нь тэрүүхэндээ тонтгор наацан, хамгийн марзан нь тог тасралт, хальтарч уналтны шок нүүрнээс нь бүрэн арилаагүй амьтан байж нтр. хахахахахахаха бодсон чинь дахиад инээд хүрээд уналаа.

Угаасаа ухаант хүн төрлийг олж төрсөний хэрэг юу билээ гээд галын өрөөний ширээн дээрээ байдаг 3 ширхэг лааг авч асаагаад угаалгын ажлаа төгсгөсөнөөр асуудлыг бүрэн шийдсэн билээ.

За нэг иймэрхүү юм боллоо.

Харанхуйд усанд орсон нь буюу усанд орж байхад гэрэл шатсан тухай

Ойрдоо нээх сайхан урт нэртэй юм бичээгүй санагдахаар нь ийм туульсын нэр бодож олов. Улам сонирхолтой болгох гэсэн ч юм биш яг ийм явдал боллоо. Бүтэн сайныг бүтнээр нь сайхан үр ашигтай өнгөрөөмөөр санагдлаа. Тэгэхээр нь гэрээр дүүрэн вок саван байгаа хэрэг юу билээ гээд хэсэг гар, саван, нидрүүлэгээр зэвсэглэж аваад хэдэн цамцаа угаалаа. Угаасаа ариун цэвэрч юм болохоор зах, ханцуй нь гайгүй байнаа. Харин гүзээ байдаг хэсгээр ширээнд тулдаг юм уу яадгийн бага зэрэг борлосон байх юм. Бас яаж зүгээр байхав энгэр хавиараа кетчуп, соус энэ тэр байнаа. Хүмүүс хоол идэхдээ сэрээгээрээ идэх гэсэн юмаа их чанга дарж, нэвт сүлбэдэг шиг байгаа юм. Би угаасаа зөөлөн сэтгэлтэй болохоор хөөрхий тэр талийгаач болсон үхэр, хонийг өрөвдөөд сэрээгээ аяархан зоодог юм уу яадгийн тавагнаас өргөөд ам хүрэх замд мултарч унаад зарим нь тавганд, зарим нь ширээн дээр буудаг. Ширээн дээр буусныг нь яс юман дээр дотроо харамсаж байгаа ч өнгөн дээрээ юм үзсэн хүн шиг тоохгүй царайлж байгаад явдаг. Харин тэр тавганд буцаж унасан нь их хорлонтой, нөгөө соус, кетчуп дээр унаад цамцны энгэр баллаад хаяж байгаа юм даа. Энэ мэтийн хөгийн юмнаас болоод сүүлдээ дандаа хуушуур, пирожки авч иддэг болсоор нүүр харлаад, ходоод эвгүйтээд байх болжээ. За тэр ч яахав. Одоо гол юмандаа...
Угаалга хийсээр байгаад өөрийгөө угаахаа хариугаа мартжээ. Тэгэнгүүт нөгөө орос дэлгүүрээс авсан шилмүүсний үнэрт далайн давснаасаа онгоцонд хэдэн атга хийж байгаад усныхаа халуун, хүйтнийг термометр барьж тохируулж нээгээд овоо ихсээд ирэнгүүт нь ороод суучихлаа. Эртхэн орж суухгүй бол ус нь их болчихвол ванн давж сагаад дараа нь арчих гэж ядаргаа болдог юм. Хэсэг давстай усанд сууж өөрийгөө шөл болоод байна уу эсвэл ариун цэвэр сахиж сууна уу? гэдгээ олж мэдэх гээд оролдож байхдаа толгойгоо шампуниар хөөсрүүлээд дөнгөж дуустал дуустал дуустал
Тэр бүр хүмүүст тохиолдоод байдаггүй хувь тавилан надад тохиож манай ванны өрөөний гэрэл шатжээ. Усаа хаагаагүй хэр их болсоныг бүү мэд, саван, алчуур, таавчиг хаалга хаана байна мэдэх юм байхгүй. Гэхдээ эр хүн зоригтой бол чоно яадаг билээ... Шууд босоод онгоцноос усаа савируулсаар гарлаа. Нойтон хөлөөр плитан шалан дээр хөл орж буй хөөрхөн унага шиг тэнцэж ядсаар хаалгаа баримжаагаар олж нээлээ. Хаалга нээхдээ нүдээ зэрэг хартал хөөс нүд рүү шуугин орж ирлээ. (үргэлжлэл буй)

Тэрэлж явжээ

Хагас сайн өдөр тэрэлж явжээ. өглөө босоод явна гэж хөөрөөд юу ч идэлгүй гарсан чинь байхгүй шал согтоод баахан мултарч мултарч солирч байгаад ирсэн бололтой. За ер нь тэгэх гэж л уудаг юм чинь яадгийн гэсэн шүү юм бодсон шиг өөрийгөө тайтгаруулсан шигээ сууж байгаа. Өнөө орой бас хуримтай тэнд одоо яаж паактлахыг даанч хэлж мэдэхгүй юм. маргааш ажилтай болохоор бага уухыг бодно доо. гэхдээ мэдэхгүй ээ мэдэхгүй наана нь олон юм бодохоор бүтэхгүй юм.

"The Wall" концерт

Дэлхийд нэртэй одын концерт жинхэнэ утгаараа шоу болдог юм байна. Манайд Ариунаа, Камертон хоёр л дөхүүлдэг гэж хэлэхэд болно. за тэр дүгнэлт үнэлгээ өгөх ч яахав. Эхлээд юу болсоноос нь яринаа. Эхлээд байна ш дээ ингэлээ. Яав гэхээр юу л даа явсаар байгаад стадионд нь очлоо. Тэгээд илүү авсан билетээ шагаллаа. 106 евро-ийн билетийг 180-д шахлаа. дараа нь дотор нь ороод явчихлаа. Билетийн тоо нь яг суудлынхаа тоогоор байнаа. Хямдхан билет авсан хүмүүс тайзны урд бөөгнөрөхгүй, шатаар суухгүй харин хамгийн ард зогсоогоороо үздэг юм байна. Концерт эхлэхийн өмнө дэлгэцэн дээр нь тэр стадионд болох концертын хуваарийг харин ч нэг гаргах шиг болж байнаа. Таньдагаас Д.Ж. Бобо, Боб Дилан, Ринго Старр нар байна. тэгж байтал гэнэт гэрэл унтарч тас харанхуй болсоноо гал гарч тэсрээд дайн уу юу вэ гэмээр юм боллоо. За за тэнд ямар тоглолт болсоныг хард диск-ээ авч ирээд надаас хуулаад аваарай. Хамгийн их таалагдсан юм юу вэ гэвэл: "Every gun that is made, every warship launched, every rocket fired, signifies in final sense a theft, from those who hunger and are not fed, who are cold and not clothed" гэсэн үгийг нөгөө айхтар том ханан дээрээ гаргасан нь сэтгэл хөдлөм байлаа. Яахав тэгээд үзмээр бол хэлээрэй. Үзүүлнээ

Хэсэг нөхөд

За нөгөө айхтар концерт хамт үзсэн хүмүүсийн төлөөлөл нэг иймэрхүү. Эхний тэр талхан сахалтай гар гэрмаанд гэрмаан хэл сурч байгаа канад гэж байгаа. Хажуу талых нь хар цамцтай нь болохоор дэмий тэнэж яваа канад мужаан. Намайг мужаантай буу халж байхад талхан сахалтай нөхөр ирснээ канад дуудлага сонсоход сайхан байна. Та нар Канадаас ирсэн үү нтр гээд сүйд болдгийн. Мань өөрийгөө бараг канад гэснээ Ванкувер Кноксын логотой жажигалкаа гаргаж үзүүлж какардаг юм байна. За тээр доор сууж байгаа 3 хүүхний наад 2 нь Шивээдээс, цаана нь байгаа гараа арзайлгасан хүүхэн нутаг оронд нь бослого хөдөлгөөн болж байгааг ч хайхралгүй ирсэн гэсэн. Нээрээ сири гэдэг улсаас ирсэн гэсэн. 20 цагт эхлэх концертэнд хаа байсан 10 цагт ирсэн гэдгээ хэлж байгаа нь энэ юм гэнээ. гэхдээ мань хэдийг тэр концерт үзсэн гэж бүү бодоорой. 10000 хүний суудалтай стадион дүүрээд дээр нь хүмүүс зогсож үзэж байсан гэжуайгаа...

Пудвоолкны дэлгүүр

Хамтлагийн зурагтай пудвоолкны өвчтэй юм болохоороо хамгийн түрүүнд зардаг газрыг нь хайгаад хэсэг манаргалаа. Аз болоход миний орох хаалганы хажууд хэдэн гэрмаан зараад зогсож байнаа. Уг нь над мэтийн хүмүүст үнэгүй өгч болно доо. Гэтэл нарийндаа гатсан юмнууд чинь зарж дургүй хүргэдэг байна ш дээ. Одооо яаая гэхэв авч таарч байгаа юм чинь. Ядаж байхад мангар үнэтэй. Жирийн дэлгүүрт пудвоолкнууд 15-20 евро байхад мань хүний пудвоолк 30-40 гэж байгаам даа. Тэр ч гайгүй бүүр ном нь 80 гэж байсан. Сайн харах юм бол яг миний толгойны ар талд байгаа түлхүүрний оосорыг 12-оор зарж ч байх шиг. Канделариа гээд нэг айхтар авгай байдаг даа тээ? Тэрний уут шиг юм 20 гэж байхаар нь аваад хаясан гэж байгаа. Тэгсэн мөртлөө хайрлаад талх, малханд явахдаа барихгүй байгаа ш дээ. Өө тийн бас TRUST US (Trust нь та нарын бодож байгаа биш шүү) гээд нэг туг авсан юм байна. Пудвоолк бас дээр дурьдсан юмнуудаас бүгдээс авсан ш. Үнэн шукатай байна уу???

Зарлалын самбар

Өмнөх блогт нэг анниномус гэдэг нөхөр намайг худлаа авч өгч байна гээд коммент үлдээжээ. Итгэх эсэх нь өөрийнх нь хэрэг боловч би энэ зургийг заавал харуулмаар санагдлаа. Гэхдээ та нар миний зургийг биш болж өгвөл тэр амаа аймаар том ангайж байгаа зургийг хараарай. Нөгөө Р.Уотерсын концертын зарлал гээд ойлгочих. Би угаасаа заваан санаатай юм чинь урд өдөр нь концерт тоглох газарт очиж хэр удаан явж очихоо шалгасан юм. Тэгж явахад зарлалын босоо цилиндер юман дээр энэ плакат байгаагүй, харин яг концерт үзэх гээд очсон чинь юу вээ нээрээ газар сайгүй наачихсан байлаа. Гэрмаан хүмүүс үнэн чанартай цавуугаар наадаг юм билээ. Хүний нүд хариулж байгаад хуулах гэсэн чинь салахгүй шараа болгож нтр. Тэгсэн гэрмаанууд яаж байна гэхээр плакатыг нь 20 евро-оор зардаг юм билээ. Нөгөөдүүл нь үнэн дуулгавартай наацан, мөнгөөрөө авч ч байх шиг. Мань мэт нь шууд хуулах ухааны юм бодоод харайж байх шиг. Даанч наалдан падыг гамгүй хэрэглэдэг юм билээ.

Лайтай үнэтэй жорлон

Мэдээж ууж, идэж явсан болохоор боловсруулж дууссан хүнсээ (ялгадас нтр гэхгүй байгаамаа бас) гаргах нь дамжиггүй билээ. Мюнхенд харин ч нийтийн жорлон гэдэг юм хаа сайгүй байнаа. Ялангуяа метрон дотор бараг айлын хаус шахуу жорлон байх юм. Ордог баатар болох гэсэн чинь үнэ нь монгол төгрөгөөр бараг 1800 шахаж алсаан. Үгүй нээрээ 70 евро цээнт гэхээр тийм байгаа бид дээ? Яахав тэгээд хүний газар өмдөндөө юу яалтай нь биш мөнгөө төлөөд орж байгаам чинь. Өмдөндөө боловсорсон хүнсээ гаргавал Гамбиног гэхгүй Монгол л гэнэ ш дээ. Өмдөндөө яасан Монгол гэж хэлүүлэхгүй гээд жунгаа, битнам, хангүг нтр гэж үзнээ бас. 70 цээнт төлсөн жорлондоо ортол юуу вээ? хэдэн ч төрлийн 00 цаас хананд нь өлгөөтэй байв аа??? Хамгийн бүдүүн ширхэгтэйгээс авахуулаад торгон зөөлөн булбарай цаас хүртэл байлаа гэж. За тэгээд ийш тийшээ явах бол заавал нийтийн жорлонд нь ороод зураг хөргийг авч байгаарай. Чадвал над руу майлдээрээ ч гэх шиг элгийн нь авнаа яаанаа.

Гай бол гай л байдаг байхгүй юу

Би гэж нэг донгио царайлсан юм хэд хэдэн удаа жаахан халамцуу явж байгаад цагдаа ахтай тааралдаад хармаа хотоо ухуулж бүүр зажилж байгаад дараа дахиад зажилна гээд сожсон бохио хүртэл үлдээлгүй хуу хамуулж байлаа. Тэгсэн гэрмаанд цагдаа нь хүрч ирээд татаж байгаа тамхийг хүртэл үнэрлдэг манай цагдаагаас ч шинжгүй царайны гарууд байнаа. Нөгөө түрүүн ярьж байсан япон нэртэй итали хүүхэн, англи залуу хоёртой гонзгойрч байсан чинь турсаганууд харин ороодог тамхи гаргаж ороож адиггүйтээд, тэгсэн цагдаа нь хүрч ирээд үнэрлэж мүнэрлээд бараг татах нь ээ. тамхийг нь үнэрлэхийнхээ өмнө бас худлаа паспорт, маспорт шалгаж балайраад. Ядаж байхад би паспортоо буудалдаа орхисон байсан болохоор нөгөө муу ороодог татдаг хоёр гайг дотроо монгол, орос хоёр хэл дээр газар доор ортол нь харааж байгаа юм чинь. Аз болоход гэрман цагдаа ах намайг хүн байна чинээ тоогоогүй. Дараа нь нөгөө 2 гайгаас салаад явж байтал жинхэнэ гайны царайны хүн гэж явах ч хэрэггүй хэдэн юмнуудыг ирийтэл нь хананд тулгаж зогсоож байгаад хамаг юмыг нь шалгаж байхыг хардаг юм байна. Тэгснээ өөртөө аягүй гутарч нтр үү. Хүн гэмээргүй юмнуудыг шалгаж байж намайг тоож шалгахгүй болохоор нь гомдмоор байгааз дээ???

Арнулф штрассе -102 буюу А энд О хотел

Богооноос буугаад газрын зураг ч болохоороо хүнээс буудлын хаягаа харуулаад асуухаар баахан алхаж гарлаа. Хар үүрээр буусан болохоор надад зам зааж өгнө гээд хэн зогсож байх билээ. Явж байтал нэг хүн хуурчихааргүй царайтай нэг өвөөтэй тааралдаад асуусан чинь мань буудлаасаа хаа хол хэтрээд явсан байдаг байгаа. тэгээд буудал байдаг гудамж руу эргэтэл яг натай адилхан үүргэвч мүүргэвч болсон 2 юмтай тааралдлаа. Нөгөө хоёроос Мюнхений ориг хүнийх шиг дуугаар А энд О хотел хайж байна уу гэсэн чинь тийм гэнээ. Тэгэнгүүт нь хамт гараад гишгэлээ. Тэдний нэг нь Итали хүүхэн гэхдээ яаж ч бодсон Маюми гэдэг япон нэртэй, нөгөөдөх нь Руперт гэдэг англи залуу байнаа. Харахад шаал хөгшин мөртлөө жинхэнэ нас нь шал хүүхдээрээ дөнгөж 16 гэнээ. Золигнууд чинь интернэтээр танилцаад Греект амраад одоо Германыг үзэх юм байхаа. Г үсгээр эхэлсэн орнуудаар явж байгаа бололтой. Удахгүй Гятад орох биз. За тэгээд алхсаар байгаад буудалдаа ирээд цаг хартал дөнгөж өглөөний 7 болж байнаа. Гадаа бороотой, онгцонд тухгүй унтсан болохоор халуун усанд нэг булхаж аваад нойроо ханатал унтаад дараа нь орой болтол дэмийртлэ тэнэх төлөвлөгөө гаргаад өрөөндөө ороё гэтэл 15 цаг хүртэл өрөө гарахгүй гэнээ. Золтой л англиш хэлээр Ф уншсангүй. Төлөвлөгөөндөө жаахан өөрчлөлт хийж аваад үүргэвчээ юм хадгалдаг өрөөнд нь хийгээд гарлаа. Эхлээд баруун тийшээ алхлаа. Тэгсэн замын нөгөө талд Бэнцны логотой байшин байнаа. Гаднаас хараад байтал эхний 4 давхар нь тэр чигээрээ бэнцээр дүүртэл чихсэн байнаа. Тэр байшинг тойроод алхаж байтал нэг хүнсний дэлгүүр байнаа. Яваад орсон чинь үнэн марзан үнэтэй наацан. Савтай ус шилтэй пиавтай адил үнэтэй. Нөгөө сүйд болоод байдаг гэрман шнапсууд чинь уснаасаа ч хямдхан байх шиг...тамхи нь харин тасархай үнэтэй. Яаахаараа ч тэгж үнэлдэг эдийн засагчид байдгийн бүү мэд. Дэлгүүрт орсных наймаа хийж 6 шил пиав авлаа. Тэрнийгээ уучихаад жаахан халаад дахиад пиав авах гээд буцаад орсон чинь худалдагч нь урдаас уусан пиавныхаа шилийг яассан гэдгийн. Одоо үнэн гоё. Буцаж гялс гараад шилээ хаясан газраас нь аваад орсон чинь тэр дор нь 3 евро эргүүлж өгч нтр. Бүүр толгой эргэж ч байх шиг. Согтоод бишээ, баярлаад. Яагаад гэхээр 86 цэнтээр авч уусан пиавны оронд эргүүлээд 50 цент авна гэхээр пиав нь уснаасаа ч хямдхан болоод байгаам биш үү??? Тэрнээс хойш "SAFE WATER, DRINK BEER" боллоо ш дээ. Тэрнээс цаашаа зогссон газраа пиав уугаад явж байтал ашгүй нэг юм 15 цаг болж би буудалдаа орлоо. 15 гэдэг чинь манай цагаар 21 юм даа. Нойр их хүрч байна гэж жигтэйхэн байв. Өрөөний хувьд дотроо ванн, жорлонтой жаахан том л болохоос яг манай блок байваа хөөрхий.

Мюнхен хотын тухай...-1

Онгоцноос буулаа хөөрхий. Бөэжинд байдаг өвөр монголчууд шиг өвөр гэрман байхгүй болохоор намайг хэн ч манай буудалд буу гэж шахсан ч үгүй. Ядаж байхад өглөө хар үүрээр 5 цагт буусан юм чинь байсан нэг өвөр гэрман нь унтаж байсан байлгүй. Нэг онгоцоор ирсэн хятадуудыг гэрманууд харин ч нэг шалгах шиг болж байнаа. Англиш хэлтэй ганц хужаа хүүхэн л өөрийгөө ямар ч юмны дарга гэнэв нэг юм яриад л паспорт шалгаж байгаа хүмүүсийг нь тойрч гүйгээд байнаа. Тэгсэн тэр онгоцоор тэр хятадуудаас гадна 4-5 япончууд явж байсаныг ямар ч проблемгүй тамгаа тас тас хийтэл дараад оруулчихлаа. Тэгэнгүүт нь мань ард нь гараад зогсолгүй яахав. Тэгсэн харин намайгаа бас нэг гятад гэж бодсон уу яасан хаана буухав? яах гэж ирсийн гэх юм шалгаагаад уналаа. Би яахав дээ концерт үзэх гэж ирлээ, тэгээд шууд ниснэ. Нутагт удахгүй наадам болно, уясан морио уралдуулна, шинэ торгон дээлээ өмсөөд стадион тойрч хуушуураа идээд араас нь айраг ууна. Тэгээд гүйлгэнэ аз болвол яахав шингээнэ гэх ухааны юм ярьсан чинь цэв цэнхэр нүдтэй гэрман хүүхэн штампаа дарлаа. С банн гэж үнэн хөгийн унаа байнаа. Хүмүүс нь билет аваад байхаар надаа нэгийг гээд авчихлаа. Тэр с банн гэдэг нь уг нь богоон юмаа. Гэхдээ үүдэн дээр нь проводник гэж хүн алга. Зүгээр л ногоон гэрэлтэй кноп дээр эрхий хуруугаа дарангуут хаалга нь нээгэдж байх жишээний. Билет авсан юм чинь нэг бүдүүн гэрман авгай юм уу эсвэл нэг туранхай өвөө хүрч ирээд билэт шалгах юм бодсон чинь хэн ч шалгадаггүй байгаа. Хайран 10 евро ч гэж бодох шиг. За тэгээд л давхиад байлаа. Явж байсан чинь гэнэт зогсонгуутаа хов хоосон богоонд чанга яригчаар гэрман хэлээр" за одоо тийм буудал дээр ирлээ. Баруун талдаа багзаалтай учраас зүүн талын хаалга нээгдэхгүй. Дараагийн буудал тэр" гэж байнаа янз нь. 3 буудал хэртэй явж байтал нэг их амаараа дүүрэн маниадан шүд яралзуулсан эр ороод ирлээ. Тэгснээ миний хажууд ирээд суухаар нь дээрэмчин байх нь, дайны үед олсон маниадаараа шүд хийлгээд тэгээд одоо намайг дээрэмдэх нь гэсэн бодол тарихнд харван орж ирлээ. Тэгсэн чинь нөгөө баагий чинь намайг нээх эелдэгээр хаанаас явна вэ гэж байна. Би урдаас нь Made in Mongolia гэх ухааны юм хэлсэн чинь Уаау тийм үү гэх шиг болов. Би яаж зүгээр байхав дээ өөрөө гэрман уу гэж асуутал Булгаар ухааны юм хэллээ. Тэгэхээр нь багадаа үзэж байсан "Километр бүрт" киноны Сергейгийн жинхэнэ нэрийг хэлээд дээрээс нь тэдний хаан нь байсан Тодор Живков гуайн нэрийг хэлсэн чинь манийг үнэн ухаантай олон хүн таньдаг хүн байна гэж бодох шиг болсон. Тэгснээ нөгөө баагий чинь насаараа энд амьдарч байна. Одоо ажилтай гээд буугаад явчихлаа. Явж явж байтал миний буудал болоод ирлээ. Энэ буудал дээрээс хонох зочид буудлаа олно доо гэсээр буулаа... Энэ зураг дээр байгаа ордонг Мариен Платз гэдэг юм билээ. Өглөө бүүр эрт энэ ордоны хажууд очвол Турк мурк, филипин милипин, витнам митнам гэсэн хачин царайтай юмнууд цэвэрлэгээ хийгээд зогсож байдаг юм билээ. Харин өдөр болохоор шар толгойтой, цэнхэр нүдтэй ориг германууд нь пиав уугаад дуугаа дуулаад сосискоо шарж идээд байдаг гэж байгаа.

Мюнхен хотын тухай...

Бөэжингийн нисэх буудалд онгоц нисэхээс яг 15 минутын өмнө давхиж очоод дотуур нь бараг 50 км/ц хурдтай ниссээр байгаад арай хийж суулаа. Энэ тухай тусдаа бичнээ. Яг л кино гэсэн үг. За тэр ч яахав... Онгоцонд хажууд сууж байсан гэрман залуугаас танай хотын нэрийг англи хэлээр бичдэг шиг Мюник гэх үү эсвэл манай хэл дээр уншдаг шиг Мюнхен гэх үү гэсэн чинь Гэрман хэл Монгол хэлтэй хачин адилхан болж таардаг юм байна. Яаж байна гэхээр тэд нар ч бид нар ч адилхан МЮНХЕН гэдэг болж таарлаа. Буудлаас гараад тааралдсан болгонтойгоо монголоор ярьвал яадаг бол гэх ухааны юм бодонгуутаа хажуудах гэрмааныгаа хөөе хампаанаа гэсэн чинь урдаас нүдээ бүлтийлгээд хараад уналаа. Энэ туршилтыг хийж үзээгүй бол олон хүний дэргэд балрах байхгүй юу. Миний явсан газар болгонд ууж, идсэн, инээж наргисан хүмүүс байлаа. Тасартлаа согтоод гудамжиндаа яахаа алдсан нь ч байх юм. Тэрнээс гадна манай хотын гудамжаас нарийхан зам дээр тэр олон машин тэргүүд нь түгжрэхгүй байгаа нь их таалагдлаа. Гарцан дээр ногоон гэрлээр зам хөндлөн гарч байхад гэнэт гарч ирээд дайрчих гээд давхидаг жолооч байдаггүй юм билээ. Түүнээс гадна улаан гэрэл асаж байхад зам дээр машингүй ч байсан хүлээгээд зогсоод байдаг гэж байгаа. Би эхлээд машин харагдахгүй байхаар нь зам гарсан чинь нөгөө талд зогсож байсан гэрмаан хүн намайг яаааг "сайхан мал явж байна даа" гэсэн харцаар харж байгаам даа. Би ч бас хааяа гарцгүй газраар зам хөндлөн гарч байгаа хүнийг харахаараа "хөдөө нутагтаа хонь, ямаан сүргээ хариулж байгаа малчин л ийм байдаг байх" гэж боддог. Шөнө унтахгүй юмаа гэрмаан хүмүүс. Шуугилдаад л юугаа ч ярьдаг юм бүү мэд. Пиаваа ч уух шиг болноо харин ч. Маниус бол ууж байгаа биш уухыг оролдож байгаам билээ. Тэд хэдийг ч уусан хэрэлдэхгүй, зодолдохгүй бас агсан тавьдаггүй юм шиг байсан. Гэртээ бол тавьж л байгаа л даа. Гадаа харин агсрахгүй байсан. Казино ч харин 5 алхаад байх шиг байнаа. Ороход паспорт нэхэхээс өөр бэрхшээлгүй. Эхэлж 1 казинод ороод блак жак тоглоод 30 евро алдаад хажууд нь орж тоглоод 80 хожингуутаа бөөн баяр. (үргэлжлэл буй)

PEK-MUN

Хампаан цааш нисэхээр онгоцондоо суулаа. Миний хажууд 1 герман, тэрний цаана цэвэр хөдөөний тариачин хужаа суудаг юм байна. Нислэг ч яахав 10 гаруй цаг боллоо. Энэ нислэгийн нэг онцлог нь өгсөн пиав нь тэс хүйтэн байснаас гадна нэг ч өвөр монгол эсвэл өвөр герман үйлчлэгч байгаагүй бүгд хятад хүүхнүүд байлаа. Нислэгийн ихэнх цагийг унтаад өнгөрөөдөг юм байна. Үүр цайхын үед цаана сууж байсан хужаа хачин муухай дуугараад тасралтгүй 15 минутын турш, бараг " цаг гаруй хэхэрдэг байгаа. Лав бүх Дундад иргэн улсын хэхрэлтийн аврага байхаас зайлахгүй. Тэрэндээ үнэн дадамгай байсан гэж байгаа. Мань хэхрээд эхлэнгүүд нь байдал эвгүйцэж байна гэж мэдээд Ай под-оо чихэндээ хийсэн харин тэр хөөрхий герман залуу "Лаа лаа лаа" гэж байгаа нь нүүрэн дээр нь зурагдсан даа.

Сайн хүн болноо-1

Зах орсоноос гадна "Хаалттай хот" орсон юм байна. Яг мартах гэж байна ш дээ. Орчихоод нөгөө гайхал Хуанжу гэгийг хайгаад давхисан чинь адилхан хүүхнүүд байнаа. Сайн харахаар арай ч биш ч юм шиг. Чи Хуанжу гэг мөн үү гэж асуух гэхээр хэлний мэдлэг хүрэхгүй энэ ч мөн юм болуу, тэр ч мөн юм уу гэсээр байгаад орой болгоод хаясан. Уг нь том юмаа. Гэхдээ нээх дуу алдаад яамар гоё юм бэ гээд дуу алдчих юм харагдаагүй. Гэхдээ Бернардо Бертолуччи энд явсан гэж бодохоор сэтгэл хангалуун байлаа. Хаа сайгүй муухай үнэртэй тамхиа баагиулж явдаг хужаа нар харин хааны ордон дотроо нээх татаад байхгүй (нусаа нийхгүй, шүлсээ нулимахгүй, хүнд, хөнгөнөөр бие засахгүй) нь харин авууштай санагдсан. Яахав дээ бас хаа нэг эрхээ хязгаарлуулдаг газартай байх нь хужаа нарт зүгээр ш дээ.

Сайн хүн болноо

Өмнөх блог дээрээ муу хүн болж баахан идэж ууснаа сийлсэн болохоор одоо сайн хүн болж явсан тухайгаа туурвинаа. Нэгэнт идэж, ууж ханасан болохоор (1 удаа идээд болсон юм бол биш) зах гарахаар шийдлээ. Бөэжин хотын газрын зураг авсан болохоор төөрнө гэж айх юмгүй дарж гарлаа. Халуун гэж тамтаггүй хөлсөө арчаад л хусаад байлаа. Тэгж байгаад нэг харсан чинь зах нь бололтой байшинд орлоо. тэнд бөөний, ширхэгийн худалдааг манай хятад ахан дүүс нэг хийх шиг болж байнаа. Хамгийн марзан нь 1 шоорт аваад өмсөх гэтэл хажуу талдаа хармаатай шоорт байдаггүй. Нэг худалдагч гууния-аас асуусан чинь "Нэту каламаан" гэдэг юмаа. Каламаан гэдэг нь одоо хармаа шүү дээ. Өө тэр гууния үнэнхүү өөртөө итгэлтэй оросоор ярих юмаа. Таны өмнө миний нэг ороод гарсан захын хаяг харагдаж байна. тэгсэн чинь энэ захын нэг лангуун дээр хойд хөршийн девушка наймаа үсэргээд зогсож байдгийм даа. Овоо ш дээ. Нутагтаа мафийнханд алуулах аюулгүй байвал...

Бөэжин шарсан нугас идсэн нь-2

За тэгээд мунхаг ухаандаа нэгхэн ширхэг нугас яаж 500 янзын лавиа болдог байнаа гэх ухааны юм бодож байтал харин нэг нугасаар ч биш бүүр нэг сүрэг нугасаар ч хийдэггүй болж таардаг юм байна. Гятадууд нээрээ лайтай байгаан шүү ганцхан амьтнаар тийм олон янзын хоол хийдэг гэхээр... За тэр ч яахав. Энүүний өмнөх блог дээрх зураг бол миний эхлэж хуссан бүхэл нугасны мах гэдэг хоол гэнээ. Тэрнийг яаж хийдэгээ харуулаагүй болохоор тэгсэн ингэсэн гэж худлаа мулт үсрээд яахав. Эхлээд бүхэл мах гэдэг шиг нугасаа бүтнээр нь авч ирснээ нэг гятад тогооч заазуураар яах ийхийн зуургүй шулаад тавьчихаж байгаа юм. Дараа нь ясыг нь авч явснаа жижиглээд шөл гаргаад ирдэг юм байна. Шулсан махыг нь гуриланд ороож байгаад завсараар нь ногоон сонгино хийгээд дээрээс нь учир нь үл олдох олон амлагчаас нь холиж хийж байгаад цохиж гарлаа. Араас нь шөлөө уусан чинь тэр их халуунд тэгээд тэр айхтар мөлжүүртэй махтай шөлнөөс болод нөгөө хөлс чинь сад тавьдаг байна ш дээ. Шал тоохгүй гууния салпетка гялс авчраарай гэх ухааны юм хашигрчихаад цохиод л байлаа. Удаагүй байтал одоо энэ зураг дээрх нугасны махан филле гэгчийг аваад ирдэг юм байна. Амсаад үзээд гал түймэр үү, хор уу, миний захиалсан хоолыг өөр хоолоор андуураад орхив уу гэх мэтийн түмэн асуултаар өөрийгөө булсан юм боллоо. Нэг том хазсаныг хэлэх үү амаар дүүрэн гал маналзаад араас нь 3 аяга хүйтэн ус, 2 шил хүв хүйтэн Цинтао ууж байж дарж нтр... Ер нь бол сайхан ч идсэн. Тооцоо хийх боллоо. Бүхэл нугас, нугасны шөл, нугасны махан филле, 5 Цинтао пиав, бас бус шалиг ногоо нийлээд нэлээн хэдэн төгрөг болсон. Яг хэд болсоныг нь хэлэхгүй өөрсдөө очиж идээд мэдээрэй за юу

Бөэжин шарсан нугас идсэн нь

Угын ухаан жаахан мулгуу, дээрээс нь ховдог нь дэндсэн амьтан болохоор Бөэжинд буусан цагаас эхлээд шарсан нугас идмээр санагдаад болохоо байлаа. Тэр нь газар сайгүй байдаг ч юм шиг эсвэл бүүр огт байдаггүй ч юм шиг болохоор нь интэрнэтээс бусад газраар явж өөрийн биеэрээ хайж гарлаа. Манай хотод хаа сайгүй хуушуур, буузны гуанз байдаг шиг юм бодоод захны нэг гуанзанд ортол пүү пай үнэр танар гэж нийтийн жорлон шиг юманд ордог байна ш дээ. Арай л ухаан тавьчихалгүй гараад ганцхан ангайгаад залгичихмаар жижигхэн бургэр хийдэг МакДоналдс орж, 5 бургэр, 6 дэгдээхэйн жигүүр хамж идэж мөстэй кола 2 аяга ууж хэсэг гол ороод цааш явлаа. МакДоналдсын бургэр гэж үнэн хариугүй хоол байнаа. 3 унгаад л гэдэс хоов хоосон шалчийгаад унаж байгаам даа. За тэгээд яваад л байлаа яваад л байлаа явж явж байгаад нэг харсан чинь "Peking Roast Duck" хоолон гэр гэсэн хаяг таардгийн. Мань үхтлээ баярлан хариалгаад орсон чинь нэг айхтар үнэртэй амтай хужаа нэг юм яриад байнаа. Мэддэг бүх нанхиад хэлээ хамж байгаад " Во зунгуо буждуо, мэ ёо, тэмбүү доо" гэсэн чинь ойлгох шиг болсон. Ойлгох ойлгохдоо тэр хужаа " харахад адилхан хужаа юм байж яаж маяглаад байгаа хужаа вэ?" гэж бодсоор ойлгосон байхаа. Одоо гол юмандаа орий. Нэг жижигхэн хүүхэн бас хальт англиш, орос хэлээр яриад надад гадаад хэлний мэдлэгээ гайхуулан алдангуутаа менюгээ өглөө. Аз болоход меню нь зурагтай болохоор идэх хоолныхоо зургийг заадаг хүн болох гэсэн чинь хариу нь үгүй жаахан нугасаар 500 төрлийн хоол хийдэг гэнээ. Күй бүүр гайхуулчихийн байх чинь вэ (үргэлжлэл буй)

Hard Rock Cafe Beijing

Түмэн уул, мянган голыг гаталсаар маний хөл зорьсон газар болох Бөэжин хотын Hard Rock Cafe-д авч ирлээ. Яах вэ дажгүй... Юмных нь үнэ бусад хужаа гуанзуудыг бодвол 3 дахин өндөр үнэтэй л юм. Гэхдээ үнэтэй хоол идэж, үнэтэй пиав уух чинь шаал анги юм билээ. Сакуранаас бүүр өөр гэж ойлгож болно. Тэндхийн дэлгүүрт нь харайлгаж ороод саравчтай малгай, хоёрын зэрэг пудоолк бас яаж зүгээр гарахав гээд тэмдэг хүртэл авсан. Худалдагч, зөөгч нар нь гальт англиш хэлтэй наацан нтр... Шоппинг хийцэн алхаж явсан чинь AC/DC -ийн "Thunder stroke" явж мань муу Дандар дүүгээ учиргүй санагалзан даган дуултал худадагч нар нь намайг ориг Брайн Жонс байна гэж бодцон байж билээ.

Манай далбаа ба Мао дарга

Манийг онгоцноос буутал манай эндхийн халуунаас тэс өөр дотор бачуурмаар чийглэг халуун угтан авлаа. Хамаг хөлсөө дуслуулсаар Тиан минь (уг нь чамин гэвэл болох юм) талбайд хөл тавьтал манай улсын далбаа Мао даргын өмнө "тавган дээр тавьсан хоол шиг" намирч байх юмаа. Гэнэт зэвүү эгдүү хоёр зэрэг хөдлөх шиг болоод хажуудаа байсан хужаагаас (уг нь зайлуул өвөр монгол) - Яахаараа манай далбаа танай талбайд байна вэ? гэтэл - Ар халхын агуу ноён Бэөжин газарт ирсэн ба гэдгийн. Маний аялал, манай хааны айлчлал эндээс эхэлдэг юм байжээ. Би ч яахав Бөэжин нугас идэх гэж ийшээ ирсэн гэж байгаа харин хаан маань харин харин бэр болсон хүүхнээ авах гэж ирэв үү эсхүл эндхийн ганц худагт суугаа цуутай хүүхнээ эргэх гэж ирэв үү??? Чөтгөр бүү мэд лаа...

Ай хөөрхий Бөэжин нисвээ

Ах данзан ээлжийн амралтаа аваад дотроо тэлбэзэртэй, нилээн хэдэн 00 өрөөтэй онгоцонд суугаад Бөэжин гараад нислээ. Нисээд л байлаа нисээд л байлаа. Ам цангаад байхаар нь уух юм гуйсан чинь гачин бүлээхэн болцон пиав өгч нтр... Тэр ч яахав хамгийн марзан нь ар, өвөр нь ялгаагүй монгол хүүхэн л бол монгол хүүхэн гэж танигддаг юм байна. Энэ зурган дээр цаана нь зогсож байгаа гуунияаг ямар Цэцэг ч гэлээ монгол нэртэй өвөр монгол гууния байлаа. Тэднийг танихад үнэн амархан, яг маниусын дунд байдаг муугаа мэдэхгүй их зантай, бас тэгээд жаахан хямсгар төрх нь илчлэд өгч байгаа юм. Айр Чайна-д Ней Мэнгу байнаа байна...

Хүн гэж нээрээ янз янз байх юм доо (гайхшралын хөндийд)

Хүн гэдэг нээрээ үнэн янзын амьтан юм. Тун цөөхөн хэд нь хорвоо ертөнцийн амьдралыг туулахаасаа өмнө таньдаг болсон байхад зарим нь өөрийнхөө мах цусаар туулж байж нэг таньдаг хүмүүс байна. Гэтэл амьдралыг хэд хэдэн удаа урсгалыг нь сөрж нэг үзэж, уруудаж хоёр урссан ч таньдаггүй хүмүүс ч байх шиг. Миний таньдаг нэг хүн байлаа гэж саная. Саная ч гэж дээ тэр хүн миний яг хажууд одоо сууж л байна. Би түүний гэр бүл, хувийн амьдралыг 3 хүүхэдтэй гэдгээс өөрийг мэдэхгүй хэрвээ амьдрал руу нь өнгийгөөд харах юм бол хичнээн аймаар байх бол гэхээс зүрх шимшрээд байдаг юм гэвэл уншигч авгай та бүүр яадгаа алдсан өрөвдмөөр түүх ярих нь гэж бодож байна уу??? Анх харахад тэр хүн бусадтай адилхан иддэг, уудаг, инээдэг, уйлдаг юм билээ... Гэхдээ түүний бусдаас ялгардаг юм нь юу вэ гэхээр хэн ч юу ч ярьсан боломж гарвал давж гарах гэж зүтгэх нь үнэн өрөвдөлтэй. Жишээ нь: Лапланд гэж нэг улсын тухай хэн нь ч билээ ярьдаг юм байнаа. Амьдрал сайхан, юу юу ч гэнэв бараг л бүгд очиж үзсэн хүн шиг ярьдаг юм байгаа биз дээ. Тодруулбал очиж үзээгүй юмаа гэхэд очих бүрэн боломжтой хүмүүс ярилцаж байсан юм. Гэтэл манай хампаан гэнэт юу гэсэн бэ гэхээр "Манай ээж залуудаа Лапланд залуутай явалддаг байсан" гэдэг байгаа. Хүнээс давж л байвал тэр ээж, мээж өөрийн удам судар хог дээр унах хамаагүй гэж байгаа. Хөөрхий тэр ээж ...

Саяхан би хөдөөний ажлаасаа гарна гэж зүтгэсэний хүчинд ч гэх юм уу эсвэл аз дайраад төвд ажиллах боллоо. Гэтэл нөгөө хүнийг төвд ажиллахыг санал болгосон болоод явчихдаг юм даа. Ажлын санал болгосон хүн нь миний сайн найз гэж байгаа. Ноцтой байгааз???

Эртээдхэн бас нэг сонин үзэгдэл боллоо. За за болий хэнийг ярьж байгааг олон хүн мэдчихвэл хөөрхий амьтан шараа болно. Гэхдээ түүний тухай яриулмаар бол утасны дугаар хэвээрээ ш дээ.

Roger Waters-I

Нөгөө концерт үзэх юм болоод байтал дарга намайг ээлжийнхээ амралтын үеэр 7 хоног ажиллаад өгөөч гэж гуйлаа. Мань угаасаа мөнгөний сонирхолтой юм болохоороо юу гэж татгалзахав шууд л за гэж байгаа юм чинь. Мөнгө нээрээ дурлахгүй байхын аргагүй сайхан шүү. Мөнгө гэхээр Аргентум гэдэг мөнгө нь биш доллар, евро, иен, юань, рубль төгрөг гэдэг нэртэй гадаад хэлээр бол мани мэдэхгүй ээ мони ч юм уу??? Оросоор л лав дээнги гэдгийн. Доллар дотроо бас учиртай... хаа хамаагүй африкт байдаг аль ч улсын билээ доллар нь дандаа саятын дэвсгэрээр байдаг юм гэсэн. Тэр хог нь тэгээд хачин ханшгүй бүүр 250 саятын доллар гэж байгаа мдаа. Хүмүүс нь хэд хэдэн саятын дэвсгэрттэй мөртлөө хөгийн ядуу гэсэн. Хохь нь хохь нь, хэнд хамаатайн... Заяагүй юмнууд. Харин Ам доллар евро, мёвро бол дажгүй ш дээ. Дээр үед онэ доллар хармаалаад явж байгаа хүн харахаар кола, үлээдэг бохь аваад өгөөч гэж гуймаар санагдаад байдаг байлаа.

Рожер Уотерс гэснээс Roger Waters The Wall гэсэн бичигтэй пудоолк олж өмсөхгүй бол бүүр болохгүй нь ээ. Хэсэг AC/DC гэж өвдөөд өмдний тэлээ, цамц, зангиа, бүүр зарим нэг цамцны товчин дээр хүртэл AC/DC лого байдаг болсон. Ер нь хүн нэг юманд үхэн сонирхвол үхтлээ л сонирхох хэрэгтэй ш дээ. Шал худлаа соёлын ордны хэдэн дуучдыг дагаж намираад яахав. Дэлхий мэдэхгүй юмнуудыг дуучид гэж бодож яваад яахын??? Нээрээ энэ хэдэн монгол дуучид Улаан-Үд, Эрээнд очоод концертоо нэг тоглож өгөөд өөрийнхөө зурагтай баахан пудволк хийлгээд зарвал бас гайгүй мөнгө олно ш дээ. The Jаvkhlan Live Tour гэж мэцэн байвал бас би хүртэл өмсөөд бүдүүн гэдсээрээ нүүрийг нь малийлгаад гоё байхгүй юу. Гадаад хүн тааралдвал The Javkhlan best нтр гээд бас мултарна доо.

Эртээд нөгөө оросын ДТВ үзээд сууж байсан чинь нэг согтуу гарыг цагдаа ах барьж аваад нэрийг нь асуудаг юм байна. Нөгөө согтуу баагий үнэн баавартай гэж байгаа:-чамд бол Ромын пап гэхэд болно гэж авдаг байна ш дээ. Тэр нэвтрүүлгийг үзсэнээс хойш яг 72 цагийн дараа мань нээх гоё юм бодцон явж байсан чинь гэнэт харанхуйгаас "Бамбай" (Бамбай гэж юу болохыг мэддэггүй нь мэддэгээсээ асуугаад мэдчихээрэй) нэр ус чинь хэн бэ гэдэг юм байна. Мань аймаар цочсон ч гэсэн миний толгой тэр үед сумнаас хурдан ажиллаж би лаг баавар царай гаргаад:-Чамд бол Далай лам гэхэд болно гэж хэлснээ тэнэг юм шиг инээд хүрээд үхтлээ инээсэн. Инээгээгүй байсан бол итгэх ч байсан юм билүү муу бамбай яахав дээ тээ? тэхх...

Roger Waters

Явах явах цаг боллоо, хонгор минь гэдэг дууг Камертон дуулсан болохоос Рожер Уотерс дуулаагүй. Яг тэр дуун дээр гардаг шиг Рожер Уотерсыг үзэхээр явах хоног улам ойртоод байдаг. Рожер Уотерсыг үзэхийн тулд эхлээд тоглолт үзэх газраа сайн судалсан байх хэрэгтэй гэж байнаа. Жишээ нь мань эрийг Москвад юм уу Бээжинд тоглосон бол хичнээн ойрхон ч байсан очихгүй (хампаан улаан Москвад тоглосон). 1-рт зэрлэг согтуу оросууд нүдэндээ харагдсан хар толгойтой хүмүүсийг үзэж чадахаа больсон байна. Бүүр арилжааны ТВ-ээр нь хүртэл гарч байна лээ.

Хужаа нар болохоор бээжин дууриа үзээд какардаг болохоос дэлхийн од хэн ч байсан огт тоохгүй үнэн хайнга юм билээ. Тэр жил яав? Нөгөө домогт Жимми Пейж, олимпын хаалтын үед шувууны үүр гэдэгт нь очоод "Диваажингийн шат" дуугаа дуулаад дуусангуут нь мань сэтгэл хөдлөөд шүгэлдээд босоод ирсэн чинь гав ганцаараа баахан жунгаа нарын дунд нүд болсон ш дээ. Харин олимпын нээлтээр Сара Брайтман хужаа дуучинтай дуулсан болохоор хэдхэн хужаа алга таших шиг болж байсан. Даанч тэгэхэд миний хажууд Сара Брайтманыг мэддэг монгол хүн Н.Энхбаяраас өөр байгаагүй. Бүүр О.Цолмон ч мэдэхгүй юм шиг байсан, нөхөр нь л солгой хоолойгоор "Хагацья гэж хэлэх цаг болжээ" гэдэг дууг нь аялсан чинь санах шиг болсон.

2002 билүү 2003 онд монголд Назарет гээд рокын аваргуудын нэг ирдэг байхгүй юу. Билет нь гадуур 5000 гэж байснаа дараа нь 1000, бүүр сүүлд нь 150 болж билээ. Юун доллар? Төгрөгөөр байлгүй яадгийн...

Нэгэнт л хөгжим ярьж байгаам чинь бас нэг марзан юм санаанд ороод хэлэхгүй бол болохгүй нь ээ... Нэг их дэгжин хүүхэн манайд ажилд ордог юм байна. Тэгэнгүүт нь нөгөө хүүхэнтэй юм ярьмаар санагдахаар нь тэсэхгүй "ямар хөгжимд дуртай вэ?" гээд асуучихлаа. Нөгөө хүүхэн чинь урдаас "Сонгодог" гэдэг юм байна. Овоо ш дээ гэх ухааны юм бодогдоод "хэний ямар зохиолд илүү дуртай вэ?" гэсэн чинь харин "би тэгж нэр усыг нь тогтоож өөрийгөө зовоодоггүй, гоё бол гоё гэж боддог" гэснээ нээх уртаар хонины мах үнэртүүлээд хэхэрдэг байна ш дээ. Дого анай нээрээ ална шүү...

Рожер Уотерсыг концерт тоглож байна гэж миний нэг таньдаг гадаад ноднин намар хэллээ. Тэгэхээр нь интернетээс хайсан чинь гараад ирдэг юм даа. Эхлээд өө ямар гоё юм бэ гэх ухааны юм бодож байснаа МИАТ-ын онгоц нисээд очдог хот, улсад тоглох нь уу гээд хайсан чинь Бээжин, Сөүл, Токио-оос бусдад нь тоглох нь ээ. Тэгэнгүүт нь шууд 2 билет захиалдаг гэж байгаа. Концертын билет ч яахав хүрээд ирлээ. Германы виза гэж нэг асуудал гарлаа гэж бодож байгаад шаардсан юмнуудыг нь бариад очсон чинь 4 хоноод ир гэлээ...

Хэлсэн цагт нь яваад очсон чинь "хэдүүлээ явж үзэх гэж байна вэ?" гэж асуухаар нь "ганцаараа" гэх ухааны юм хэлсэн чинь визаны хүүхэн үнэн гайхсан уу яасан эсвэл "тэнэг гар уу үгүй юу" гэсэн байдалтай харсанаа виза дарсан паспортыг минь өгч нтр.

Харин онгоцны билетны охин болохоор намайг Рожер Уотерс (Pink-Floyd)-ын улаан фээн гэж мэдэхгүй зүгээр л мөнгөө багтааж ядсан баагий байна гэж бодох шиг болсон. Үгүй бол намайг концерт үзнэ гэж яваад очсон газраа шууд харлах гэж байгаа хүн байна ч гэж бодсон байж магадгүй. За тэгээд намайг юу ч гэж бодсон ер нь хэнд хамаа байнаа...

Та минээ нэг мэдсэн чинь хавар цас ороод тэгснээ хариугүй зун болох гэж байх чинь... Зун болохоос өмнө зуныг яаж өнгөрөөх талаар эдийн засгийн тооцоотой сайхан төлөвлөгөө байх хэрэгтэй юм бус уу??? Би өнөөдрөөс эхлээд энэ тухай бодож эхэллээ. Чухам яаж өнгөрөөхөө тэгж байгаад хэлнээ...

Cash Machine

shинэ жилийн үед нэг их хайранд уярсанаас хойш тувтан хайраар амьсгалж, хайраар хооллож, хайраар дуулж, хайраар унтаж, хайраар алхаж, хайраар нисэж (Аэромонгол, Изинис биш), хайраар бодож, хайраар хувцсаа угааж, хайраар..., хайраар... хайргүй юм нэг үгүй боллоо.

Тэгсэн чинь урд шөнө хоёр нөхөр, миний хийдэг юмыг хийж байна гэж зүүдлээд босоод ирлээ. Та нар намайг хайраар амьдарч байгаа болохоор тэр хоёр хүнийг хайр хийж (make love) байгаагаар надад зүүдлэгдсэн гэж бодоод сонирхол чинь соотойгоод ирэв үү? Болдог л хэрэг... Яагаад хоёр хүн нэг нь эрэгтэй нөгөөдөх нь эмэгтэй эсвэл хоюулаа эрэгтэй юмуу, үгүй бол хоюулаа эмэгтэй байж хайр хийж болдоггүй юм бэ??? Тэгээд ер нь хоёр хүн нийлж байж хийдэг юм гэхээр л та нарын толгойд нөгөөх л орж ирж байгаа даа, заваан зуснууд дандаа заваан заваан юм бодноо... тэгж яривал тэрнийг чинь ганцаараа, хоюулаа, гурвуулаа тэрнээс ч олуулаа хийж байхыг нэг ахын аймаар олон эгчтэй тоглосон киноноос үзэж л байлаа.

Миний хийдэг юмыг нас, хүйс, арьс, өнгө, гарал үүсэл, шашин шүтлэг, тогтоосон тоо хамаарахгүй хүссэн хэн боловч хийж болдогоороо нэг онцлогтой. Бас тусгайлан бэлдсэн байр, орон сууц ч хэрэггүй. Орц морц, гудамж, хаана ч хамаагүй хийнэ. Үнэн задгай наацан.

За нээх олон юм шалчиганаад ч яахав. Тэгэхээр би юу хийдэг байсан бэ гэхээр Мөнгөдөх гэдэг сайхан тоглоомоор тоглодог байлаа. 1, 2, (эхний 2 зоосон мөнгө чапак гээд тоохгүй) 5, 10, 15, 20, 50, 1 төгрөгийн зоосыг давхарлаж тоогоор нь дээш харуулж өрж байгаад дээрээс нь чулуу, шаариг мэтийн бөөрөнхий хэлбэртэй, ойх магадлал ихтэй биет (донжуур)-ээр цохиод сүлдтэй талаар нь харуулвал тэр мөнгө миний ашиг болно. Гэрийхэнийхээ өгсөн талхны 1 төгрөг 40 мөнгөөр тоглоод алдаж ч байлаа, авч ч байлаа. Авдаг болохын тулд сайн донжууртай байх хэрэгтэй. Зарим нэг сайн донжуурыг үнэ хайрлахгүй авах нь зөв. Сайн донжууртай байхад орц, байр, гудамж, сургуульдаа хамгийн сайн тоглоомчин гэдэг нэртэй болно ш дээ.

Хэрвээ дэлгүүр явуулах бол хариулт задгай мөнгийг нь авах болзол заавал тулгаж бай. Дараа нь ёндооныхоо задгай мөнгөөр үзэлцээд олсон мөнгөөрөө “Бушхүүгийн үлгэр” “ХХ зууны далайн дээрэмчид” мэтийн канууг үздэг байлаа ш дээ. За бараг анхны казино шахуу юмуу даа хаашаа юм.

Нэг хэсэг тоглож олсон мөнгөө цуглуулаад байсан чинь бүүр 60 төгрөгтэй болж нтр. Дээрээс нь 15 төгрөг ааваасаа зээлээд 75-ын дугуй авч унаад би нээрээ бүүр багын шукатай амьтан байжээ. Тэгээд зээлсэн мөнгөө төлөх болсон чинь унжиж мунжаад хэсэг муриж үзээд. Хувааж өгч новшроод байгаа юм аа. Манай аав ч гэж аав. Зүгээр л 15 төгрөг өгчихгүй бас зээлүүлээд бас дээрээс нь хүү мүү ярьж мариад бас нээрээ...

Ээж овоо хоншоортой байсаан. Манийг мөнгө зээлүүлээч гэхээр татгалзахгүй, бас зарцуулалт, тооцоо мооцоо ч гэхгүй шууд өгнө ш дээ. Тийм ч учраас миний цэцэг бэлэглэсэн анхны хүүхэн болж байгаа юм даа. Үнэн азтай...

7-р ангид ороод үзэл бодолд мөнгөтэй л бол сайхан амьдарна гэсэн ойлголт улам бат бөх орж ирлээ. Нөгөө улаан номертой даргын хүүхэд байхгүй ээ бүүр муушигчидыг дагаад гэртээ тогтохоо больж эхэлсэн гэж байгаа. Өдөр хичээл тараад л 4 орцны Шижир атаманыд ороод тоглож байгаа хүмүүсийг хараад суучихна. Тоглоомчдын тамхийг нь асааж өгч 5-10 төгрөг олно. Хааяа нэг тоглож байгаа гарууд 00 орж хожсон мөнгөө сожих хооронд нь модыг нь барьж тоглоно. Нөгөө тоглоомын дон галзуурахад дөхөөд бүүр зүүд нойронд орж ч байх шиг. Шөнөжин ханан артай орос хөзөр зүүдлээд ийм модоор гарвал ингэж дараад тэгж татаад ёоо бичиж байснаа шууд сонин болж байна ...

Оюутан боллоо. Хойно очоод стипенд авахгүй 3-5 сар зөвхөн тоглож олсон мөнгөөрөө амьдраад болж байнаа. Гэтэл найгүй хорхойтой тоглоомчин болох нь байна шүү энэ хүү чинь гэсэн мессеж халх руу очоод, тэр мессеж авсан аав дараагийн онгоцоор хойноос ирж, үзэл суртал, хөдөлмөрийн бус орлого, шорон гяндан хэсэг ярьж байснаа, цаа буга, санта клаус 2-оос өөр хүнгүй Мурманск руу цөлдөг гэж байгаа. Тэнд нь надаас өөр Монгол байхгүй болохоор ямар тольтойгоо тоглолтой биш хэсэг сатаарав. Ном ч овоо үзлээ. Хорхой ч алга болж байх шиг...

Тоглоомын хорхой орос хүүхэнээр солигдож эхэллээ. Хүүхэн, бол хүүхэн. Монгол, орос, гятад, гэрмаан, аангил, бүгд адилхан. Аман дээрээ хайр, любовь, во ай ни, liebe & love, гэж байгаа ч гэсэн цаанаа л эдийн засгийн хувьд асар их хөнөөлтэй нь мэдэгдээд байнаа.

Маний өмнө бөөн толгойн өвчин тулгарч ирж нтр... номоо үзээд донгио царайлаад байх уу? Хүүхнүүдтэй зугаалаад байх уу?? Эсвэл мөнгө олох уу??? Гэхдээ мөнгө олох гэж ажил хийж өөрийгөө тамлуулах уу???? Өөртөө таатай байдлаар мөнгө олох уу????? Шийдвэр гаргах цаг ирдэг юм байнаа. Яаж шийдэж байна гэхээр номоо үзэж гавал болохгүй ч гэсэн юм мэддэг больё, эр юм болохоороо хүүхэнтэй зугаалья, мөнгө ольё гэхдээ хүн харахад ажил хийж байгаа юм шиг мөртлөө өөртөө таашаалтай байдлаар тэрнийгээ арвижуулья ...

Покер гэж нэг сайхан спорт байнаа. Бэлтгэл хийж байна гэж жин хасаж, нэмж янз бүр болохгүй. Гүйж харайхгүй. Сайхан тамхи татаж, жүүс ууж байгаад л тоглодог. Жүүс нээх уух хэрэггүй. Шээх гээд босох үед хөгийн юмнууд ширээн дээрээс мөнгө хусаад байдаг юм. 18-22 цаг тасралтгүй тоглож дуусаад 5000-ээс дээш дэвсгэртүүдийг хармаандаа чихэээд гарахад төрдөг тэр сайхан торгон мэдрэмж юутай таатай... алдсан ч сайхан байдаг юм аа инээд хүрээд, нээх жаргалтай гэж...даанч миний покерын карьерийг рулет гарч ирж таслан балартуулсан харамсаад баршгүй ээ.