Яаая даа байз

Царцуу бууз халуун буцласан усаар даруулаад лавьцан чинь хариугүй гялтайх нь ээ. Мөрөөрөө гэр орондоо гялтайхгүй ажил дээрээ гялтайж амьтанд лай болох вий дээ. Дотор пял пял хийгээд уудлаад гаргаад ирвэл ийийийийй аймаар юм харагдах байх аа. Хөдлөхөөс дургүй хүрээд байх чинь дуу зохиож дуулдаг ч юм уу??? Үхэх гэж байж дуу зохиох нь байна ш дээ. Үхэл, дуу гэснээс нээрээ би ажил дээрээ тугдайх юм бол миний шарилыг ийш тийш нь явуултал Пинк Флоидын "Dark Side of the Moon" альбомийг тасралтгүй явуулаарай гээд хамт ажилладаг залуудаа хэлсэн чинь :эртхэн шиг өгчих юмыг яаж мэдэх вэ гэсэн ш дээ. Бас эртээд гайтаж ганц хуруутаад эмчид үзүүлээд хагалуулах юм болсон чинь нөгөө альбом чинь хаана байгаа билээ гэдэг байгаа. Эд нээрээ ална шүү.

Бууз гэдэг хоолыг буцалсан устай идүүзэй

Буруу рультэй тэрэгнийхээ будгийг нь битгий халцлаарай

Шөл гэдэг хоолыг шөрмөсөөр хийж болдоггүй юм

Шөвгөр хоншоортой гутлынхаа лакыг нь битгий халцлаарай

Цуйван гэдэг хоолыг цуглаж суугаад идээрэй

Цунами болохын цагтаа цугаараа яваад зугаатайдаа... лайтай дуу болох юм шиг байнаа. Утгыг нь ухаад үзэх юм бол хоол хамаагүй идэж байгаад үхвээ ард чинь өмч хөрөнгө чинь хүний аманд орох нь байна шүү ч гээд байгаа юм уу ер нь ойлгох аргагүй гүнзгий сэтгэгчийн бичсэн далд агуулгатай болох нь шиг байна. Энэ дууны утгыг ойрын 50 жилдээ л хэрнийн хүн тааж гаргахгүй байх оо гэж найдаад сууж байхаас.

Хайлаас гэдэг мод нь харааны үзүүрт сүүмэлзээстэй

Хажууд суугаа бүсгүй нь санааны мухарт хадгалаастай

Тоорой гэдэг мод нь Торонтогийн бирж дээр байдаггүй

Тогосоо хүүхний нэр нь Толгойдын буудал дээр цуутай... гэвэл хайр сэтгэлийн сэдэвтэй дуу болж магадгүй юм байна. Өдрийн хоолны дараа нэг хэсэг ийм юм бодож хэсэг сууж байгаа ажилдаа эргээд орохоор лаг гимнаастаг хийсийм шиг болно ш дээ.

Би хүн хартай танилцах юм бол блог млогоо хэлэхгүй хэлчүүл намайг жааханаар барахгүй сумтай Дашкаагийн хамаатан гэх байх. Нөгөө үхэх гэж байсан гар чинь шал өөр юм бодоод эхэлвээ хөөрхий. Дууны ид шид ч агуу юмаа.

2009 оны 10 дугаар сар гарлаа.

Саяхан л ёлк молк болоод л хөөрөөд л, хөөрхөн хүүхнүүдийг шилэн тирко, гоёлын даашинз, сортой үстэйгээр нь хараад шампанск уугаад сууж байсан чинь нэг мэдэхэд 10-р сар гарчээ. Яасан ч хурдан юм, ёстой гялс явдаг байна ш дээ. Энэ хугацаанд юу хийсэн юм бэ гэдгээ эргэн харах юм бол лав л А4 цаасаар бараг 4000 орчим хуудас цаас бичиг баримт орчуулсан юм байна. Бас 30 гаруй литр сүүгээр цацал өргөж газар дэлхийгээ алтан нар, алиман сартай нь баясгасан гэж байна, хэрэв болдогсон бол энэ ертөнцийн бүх од, гаригуудад сүүгээр цацал өргөх юмсан. Өчигдөр гар утсаа ажил дээрээ санамсаргүй орхиж гэртээ ирээд утасгүй байхын ид шидийг нэг мэдрэх шиг боллоо. Уг нь амар юм аа. Зарим хүмүүс төрөхдөө л утас шөрмөс атгаж төрсөн юм шиг нэг их шүүрс алдаад л " Яаж утасгүй болдог байсан юм бол оо... " гээд л байдгийн. Болоод л байх юм билээ. хэн залгах бол, хэнээс мээсэж ирэх бол гэж догдлоод байхгүй юм. Бас оператороос ирүүлдэг мээсэжийг бөөн горьдлого тээсэн харцаар унших гэж сэтгэл хөдлөхгүй нь сайхан санагдлаа. Гар утсыг сэрүүлэгтэй цаг, тээтрис, ЭМПИ-3 болгож ашигладаг байсан бол харин цагийг цагаар нь, тээтрисийг тээтрэсээр, ЭмПИ-3 ийг ЭМПИ-3аар нь ашиглаад харин ч дажгүй байнаа. Ер нь комьпютерээ бичгийн машаан болгоод шуудан холбоог и майл болгоход болохгүй юм алга. Гар утастай байх чинь хүнд худлаа хэлүүлээд байдаг гэдгийг мэдэх үү? Нэг хүнтэй уулзах гээд болзсон байлаа гэж саная. Чамайг очихгүй удаад байвал уулзах гэсэн хүн чинь залгаад хөөе хаана байна гэхэд нь чи гэрээсээ гараагүй ч байсан гэсэн өө би унаанд суугаад бараг очлоо гээд л худал хэлдэг нэг жишээ байна. Эсвэл ажил хөөцөлдөж байгаа нэрээр энд тэнд очоод пиав миав уугаад сууж байхад чинь хаачив ийчэв, яав ийв гээд дарга даамлууд залгахаар хүнийг нь хүлээгээд сууж байнаа гэж бас нэг худал авдаг хоёр жишээ байна. Үгүй бол илүү тухлах хэрэг болоод утсаа салгаад сууж байхад чинь баахан залгаад дараа нь яагаад утсаа салгаж балайраад байгаа юм бэ гэвэл батарей суугаад гэх мэтээр худлаа яриулах үнэн шалтгаан болох юм аа. Ер нь гар утснаас болоод худал ч дээрээ бүр худалч болж гүйцэх нь. Үгүй бодоод байсан чинь хэзээ л нэг их үнэнч байж чадаж байлаа доо. Аргагүй Пионерт элсэхдээ л тангараг өргөхдөө үнэнч байна гэж ямар ч бодлогогүй хэлж байсан юм байна. Цэрэгт тангараг өргөхдөө бас нэг муу санаандаа юм хум боддог болцон байлаа. Мах цусаараа элгэн халуун нутаг орноо харийн дайснаас хамгаална ч гэнэ үү цэрэг эх орны сэдэвт маршын дууны үг шиг саак үгнүүдтэй. Тухайн үедээ карантийнаас гараад яаж ийж байгаад чөлөө аваад гэртээ очоод бүтэн нойртой хонох билээ л гэх ухааны юм боджийсан уу гэхээс хаанаас дайсан ирээд миний мах цусыг бараад унах тухай лав бодож ч байгаагүй юм байна. Цэргийн тангараг гээд ярьсан чинь нээрээ 10-р сард цэрэг татлага болдог ш дээ. Болж л өгвөл явахгүй байхыг бодох хэрэгтэй. Генерал менерал нь л болохгүй юм бол хайран нэг жилээ тэнд үрэх хэрэг юу байнаа??? Тэгээд ч манайх шиг улсад генералын хэрэг байгаа ч юм уу даа. Цэрэгт очиж хал цэргүүдэд задартлаа амбаардуулж байхын оронд лам, хоньчин, барилгачин, УИХ-ын гишүүн, сонгогдоогүй ч гэсэн нэр дэвшигч, баабник, бөө, бөбөөчин гээд л ер нь юу л бол юу хийж болно ш дээ. 10 дугаар сард уулархаг хангай газарт өвөл болдог бол говьд халуун намраараа л байдаг. Хятадын визгүй усны шувууд энэ тэнд өвөлжчих газар хайгаад л байдаг бол олон удаагийн визтэй юм уу архаг хил зөрчигч шувууд болохоор тоохч үгүй хил даваад нисээд өгдөг гэж байгаа. Саяхан манай эндээс нэг тогоруу гадаад тогоруунд дурлаж, тэгээд гэрлээд хамтдаа гадаад руу нисэж очоод 3 сар болж байна гэсэн байх юм. Очсоноосоо хойш агаар ус нь таарахгүй байгаа юм уу яасийн жин хассан гэнээ. Аймаар сэргэлэн тогоруу тэр чинь, хэрвээ таргалаад жин нэмээд эхлэх юм бол нөхөр тогоруу нь тоохгүй ч байх юм уу эсвэл нутгийн анчин тааралдаад аа энэ "Made in Mongolia" тогоруу байна, махыг нь иднээ гэвэл балрана ш дээ. Юун нөгөө гадаад тогорууны хэл сураад дэгдээхэйнүүддээ зааж маах юм болно биз дээ. Би тэр тогорууг удахгүй өндөглөнө гэдэгт огт эргэлзэхгүй байгаа. Би оюутан байхдаа 10 сар гаргаж байж хойшоо сургуульдаа явдаг байлаа. ТМС-ын бацаанууд, цэргийн сургуулийн архичид, нэхмэл, оёдол, нийтийн хоолны хүүхнүүд бүгд хичээлдээ сууж байх үед "гэгээн зөвлөлт орны" элгэн дээгүүр төмөр могойн гэдсэнд суугаад Сибирийн цасанд дарагдсан ширэнгэн ой дундуур өвлийн өвгөн тааралдуул сайн байна уу, Дед мороз харагдуул здравствуй, с новым годом, Санта бугануудтайгаа үзэгдвэл Hallo, Happy New year гэж хэлнэ гэж бодоод л явдаг байлаа.

Энэ жил чинь нээрээ нөгөө намрын дунд сарын 17 өдөр нь 10 сард таарч байгаа юм гэсэн. Энд тэнд баахан хурим болж тасарсан, агсарсан гарууд олон тааралдах байх. Надад хүртэл хуримын урилга 3 ирсэн гээд л бодчих.

Хуримлаж байгаа залууст эхнэрээрээ ямар хүүхэн сонгох талаар бас хэдэн үг хэлэхгүй бол хэл загатнаад болох юм биш. Хамгийн гол нь эхнэр болох хүүхэн чинь доорхи шаардлагуудыг л хангасан байвал болно. Үүнд:- Нүд нь 6-12 pixel resolution, Гар нь 2,4MHz хурдаар ажилладаг байх, толгой нь 160GB HDD сэтгэж, 512MB санах ой тогтоолттой тархитай бавал таарах бөгөөд GF, Wife форматуудыг хурдан хөрвүүлэх чадвартай, дээрээс нь Sofa 10.1, OntheDesk 7.0, IntheCar 1.4 зэрэг программууд дээр маш чадварлаг ажилладаг байх юм бол тасарчихжээ л гэнэ ш дээ.

Дээрхээс үзвэл өнгөрсөн 9 дүгээр сарын бичсэн юмнууд маань голдуу хүүхнүүдээ доош хийсэн зүйл сараачсан байх юм. Тийм болохоор 10 дугаар сарыг арай феминист агуулгатай зүйл бичихээр төлөвлөж байна.

Цаашилбал энэ 10 дугаар сар нь ерөнхийдөө секс одтой порно сар болох төлөвтэй байна. Өдрийн нар өглөөний тавилт дуусахад мандаж, үдшийн секс эхлэхэд жаргана. Хол яваар одогсод 2-3 бэлгэвчтэй явбал зохимжтой. Эл сард эрүүл мэндийн шинжилгээ өгч ямар өвчин туссанаа мэдэж эмчилгээ эхэлбээс түргэн илаарших нигууртай. ДОХ туссан хүмүүс эртнээс шавар эмчилгээ хийлгэж газар шороондоо дасаж байгууштай бөгөөд өнгөний өвчин авсан хүмүүс " үүнээс хойш бэлгэвч хэрэглэж байя" гэсэн тарнийг 108, удаа чанга уншиж эрэгтэй хүн төмсөг рүүгээ эмэгтэй хүн зүүн хөхөө үлээх хэрэгтэй болохыг блогийн эхэнд байгаа од эрхэсийн зургаас тодруулан харна уу.

Ум сайн амгалан байх болтугай. Амээн, Аллах Акбар

Би чамд хайртай

Өглөө бүрийг эртлэн босоод чам руу тэмүүлдэг. Биднийг холбох гүүр болсон чатандаа “Ээ бурхан минь энийг зохиосон тэр алдартанд өдөр бүр талархая” гэж гараа өргөж байгаад орилох надад маш таатай санагддаг. Мэйл бичих гэдэг бол миний хийдэг ажлаас илүү хүндтэй ажил. Яагаад? Хайртдаа үг үсэг бүрийг чамбай нь аргагүй сэтгэлээсээ бичдэг болохоор. Тийм ээ. Би чамдаа хайртай. Чи минь хайрлахгүй байхын аргагүй хүн шүү дээ. Өөрийн гэсэн имижтэй, өргөн мэдлэгтэй, хэлний тал дээр би ярихгүй ээ мундаг байх ажил нь ч тийм хойно. Сэтгэл сайтай, өрөвч, рокер, хамгийн гол нь мэдрэмж сайтай. Намайг маш сайн мэдэрдэг. Юу хэлэх гэж байгааг, ямар сэтгэлийн эмоцоор хандаж байгааг хүртэл мэдэрдэг торгон мэдрэмжтэй. Чинийхээ зургийг гаргаж харах болгондоо энэ хүний дотор юу нуугдаж байгаа бол гэж өөрөөсөө асуух нь элбэг. .... Гарыг чинь барьж мэдрэхийг маш их хүсдэг. Чиний энх амгалан байх дүрийг чинь би харах дуртай. “Чи минь байгаа болохоор аз жаргалыг надад бэлгэлэдэг, Чи минь байгаа болхоор амьдрал минь гэрэл гэгээтэй” ... дуу явж байна. Хайр гэж хэзээ ч дуусдаггүй сайхан мэдрэмж. Энэ мэдрэмжээр чамайгаа хайрлаж сэтгэлийн жаргал эдэлж байгаа би чинь азтай хүн.

Аминд тустай зөвлөгөө, андуураад байна андуураад байна.

Өнөө өглөө Баасан гарагт хэрхэн шоуны сэдэл гарган санаачлагатай байх тухай бичсэн чинь халуураад охид, хүүхнүүдтэй баардах тухай бичмээр санагдаад зүгээр суулгадаггүй ээ. Бас ядаж байхад сүүлийн үед би блогны гарчигнуудаа уртасгах халууралд ороод байх шиг байна. Юуны өмнө огт танихгүй хүүхэнтэй бааранд орох гэж байгаа бол эхлээд долоо хоногийн Тэрбишийн зурхайг нэг харах хэрэгтэй гэжийгаа. Олон нийтийн газарт хөнгөн зугаацахад нигууртай гэсэн өдрийг сонгох нь аминд өлзийтэй шүү. Болох болохгүй хамаагүй өдөр сонгоод паактлавал би хариуцахгүй шүү. Охид хүүхнүүдийг баранд оруулж найрахад заавал баасан ах, эгч нарын төрсөн өдөр байх албагүй, харин хамгийн гол нь чи өөрийн гэсэн тодорхой хэмжээний гөөнгөтэй байхад л болоо. Хамгийн эхэнд нь чиний хувцаслалт гэж нэг чухал асуудал байнаа. Над шиг бие хаатай бол ВХ шиг хувцаслаад хэрэггүй ониго болно цаашаа. Өмсөх хувцас чинь тасарч унаад сэгсрүүлэхэд гарзгүй ч бас өвгөнтийнх шиг хямд байж болохгүй шүү. Бас хүний пүүз, пудвоолк, өмдөөр гангарч болохгүй. дараа нь эзэн нь өмсцөн явахыг нөгөө хүүхэн чинь хараад чамайг миялна гэдгийг санагтун. Тэгээд ч хулмас, шивэр бас бус юмтай болчихвол чи л арилгах гэж ядрана. Бас хэт кипок, хэт рок байж болохгүй айлгаад үргээнэ. Хичнээн үндсэрхэг байсан ч гэсэн жанжин малгай, дээл өмсөөд бааранд хүүхэн дагуулж орж насаараа онигоонд оров оо. Хувцсаа сонгоод авцан бол орох бараа олох хэрэгтэй. Орц, морцны подвалд байдаг, нутгийн индианууд цуглардаг газарт орох гээд хэрэггүй. Гол нь цаад обьектод чинь л таалагдах газар байвал болно. Танихгүй хүүхэнтэй уулзах гэж байвал "гуя дагаж хүзүү" гэж нэг үг байдгийг санаарай. Уулзий муулзий гэчихээд өөрөө биш өөр хүн уулзуулах гэж байгаа юм шиг хажуудаа нэг дагуултай хүрээд ирдэг юм шүү. Яаж байгаа нь тэр вэ гэвэл дараа нь чамайг ямар хуу залуу вэ, яаж хувцаслаж вэ гэдгийг чинь хэлэлцэхээс гадна 00 орцон хойгуур нь чамайг ууж байгаа юманд нь димедрол хийчих нь үгүй гэдгийг харуулах гэж байгаа юм. Хэрвээ тэр хүүхэн чинь нэг "хүзүү" дагуулаад ороод ирвэл баардалт - уулзалтаа шууд делей юмуу кансел хий. Харин хамт ирсэн хүүхэн нь "хүзүү" биш ориг "гуя" байвал хамаагүй тэсээд л суужий. Юм захиалах боллоо. Тэнэгтээд гэртээ байгаа юм шиг сүү мүүтэй цай май захиж болохгүй шүү. Тээр жил нэг гарыг харж байсан чинь баранд танилцсан хүүхэндээ Да Ху Ван гэдэг бэлэн гоймон, чанасан аарцтай авч өгч байсан шүү. Тэгэхээр юу захиалж уух вэ гэвэл үндэсний үйлдвэрлэлээ дэмжээд Боргиодох уу гэж асуу. Тэгье гэх юм бол спиртны дутагдалд ороход тун ойрхон болцон байна гэсэн үг. Тийм хүүхнүүд тасраад агсан тавих гээд байдаг юм. Гэхдээ эртээд 2 хүүхэн тус бүр тав таван Боргио хусаж байхыг хараад Мандухай цэцэн хатныг биширдэгээс илүү шүтэх шахсан. Усны үхэр шиг цөлдөг хүүхнүүд байдаг, тэдэнтэй зэрэгцэж ууж байж хөлд нь чирэгдэв дээ. Танилцах уулзалт чинь нэр ус нтр гэж байгаад ажил, сургууль авдаг цалин дээр хүрээд ирлээ. Энэ үед яах вэ??? Бишээ тэгж огт болохгүй. Ямар эх сурвалжаас мөнгөтэй болдог, хэдий хэр их орлого олдог тухайгаа хэзээ ч ярьж болохгүй шүү. Хэрвээ чи өөрөө ажил хийж махийж хэдэн цаас олдог бол наад хүүхэн чинь чамайг нэг их тоохгүй, өөр гөөнгөлөг залуусыг эргүүлэх гээд байж магадгүй. Харин бяртай айлын хүүхэд байгаад тэрнийгээ хэлчих юм бол чамд таалагдахгүй байсан ч гэсэн наалдах гээд насны там болно ш дээ. Тэгж хөлдүү газарт хөрөнгө оруулалт хийгээд юухэв. Тэрний оронд Фрийдланд ахаасаа жишээ ав. Хаа байсан Канадаас халуун говьд ирээд гөөнгө хийнэ гээд байна ш дээ. За тэгээд захиад байхад цалин цавагаа хэлж балрав даа. Тэрний оронд харин наад хүүхнүүдээрээ л буруулаад байх хэрэгтэй. Мэддэг, мэддэггүй ямар ч хамаагүй сэдвээр ш дээ. Путинг Монголд ирэхэд нь буу халж байсан, Бушыг ирэхэд нь унтсан гэж ярих юм бол гайхах хэрэггүй. Тэгсэн юм байх гэсэн тэнэг дүү царай гаргаад л сууж бай. Хэрэв чамайг сонин юм ярь гэвэл чиний өмнө 2 зам тулгарна. Наад хүүхэн чинь чамд таалагдаж байгаа бол Эрээн, Улан-Удэ ороогүй байсан ч олон газар явж үзсэн царай гаргаад Петербургийн тосонд шарсан үхрийн махны амт, Бангкокын бараан зах дээрээс авсан жийнсний хармаа нь уранхай байсан, Таж махалыг тойроод дүүрэн согтуу хулигаанууд байдаг, Вашингтонд очсон чинь Барак Обама гэртээ уриад авгайгаараа бууз хийлгэсэн гээд л явж өгөх хэрэгтэй. Харин уулзаж байгаа хүүхэн чинь таалагдахгүй бол өөрийгөө 13 ноймерийн автобусны эцсийн наад талын буудал дээр байдаг 3 давхар цагаан байшингийн хурцын бүлэгт харьяалагддаг гэх ч юм уу эсвэл долоон буудал орох замын зүүн гар талд, алсад харагддаг 1 худаг гэдэг цагаан байшинд орж, гарах сонирхолтой, бүр болохгүй бол эмс охид огт сонирхдоггүй, залуус хөвүүд шохоорхохоо болиод удаж байгаа, гахай нохой л анхаарал татдаг болсон гэх мэтээр ярьж өг. Үр дүн нь чиний хүссэнээр л болно гэж мэдээрэй.

Одоо хамгийн чухал нь ямар ч эмэгтэй хүнтэй уулзахдаа ойрын үед "Улаан тууз" эмнэлэгт өгсөн шинжилгээний (-) Negative буюу сөрөг гэсэн хариутай бичгээ авч явах хэрэгтэй шүү. Хотел мотел орох болоод янз янзын хүсэл төрөх юм бол би ийм бичгээр шагнуулсан гэж ирээд л гаргаад харуулах юм бол цаад хүүхэн чинь чамайг цусны шинжилгээнд орохдоо айдаггүй баатар зоригтой залуу байна гэж бодохоос гадна эрүүл байна гэж дүгнэнэ. Энэ дүгнэлт нэгэнт гарсан бол чиний өмнө Бранденбургийн хаалга биш юмаа гэхэд нийсэхийн цагаан хаалга нээгдлээ л гэсэн үг. Харин чи эргүүтээд улаан туузын бичиг нэхэж тэнэгтэж болохгүй шүү. Тэрний оронд надад Траст байна гэж хэлээрэй. За за чамд хэрэг болох ч юм уу үгүй ч юм уу баахан л юм бичлээ. Хэрэг болдог юмаа гэхэд чи над шиг анхны уулзалтаар хүүхнүүдийг ... чадаа ч уу үгүй ч үү.

Фрайдэй иивнинн (for boys) Лаг инглиш гарчигтай наацан

Зиак, миний блогоор орж, гарч байдаг хатагтай Сувдууш 007 надад хэд хоногийн өмнө баасан гарагийн тухай заавал нэг юм бичих сэдэл өгсөн билээ. Ажаад байхад сэдэл гэдэг юм чинь амьдралд маш их нөлөө үзүүлдэг юм байна л даа. Жишээ нь би орцныхоо үүдэнд СӨХ-ийн дарга авгайтай санамсаргүй тааралдахдаа газар хэвтэж байсан чихрийн цаасыг аваад хогийн сав руу хийсэн чинь гай болж нөгөө авгайд субботникийн сэдэл өгөөд нэг хэсэг байраараа ажил тарсаны дараа хаварт нь шороо, намарт нь навч, өвөлд нь цас цэвэрлэсэн юм болсон ш дээ. 5 өдөр санаатай болон санамсаргүй гаргасан үйлдлүүд тэр чигээрээ төрсөн өдөр тэмдэглэх сэдэл болж байгаа юм даа. Хэний байхав дээ Баасан ах гэдэг хэзээ ч уулздаггүй хүний төрсөн өдрийг нэг хэсэг тэмдэглэдэг байснаа МҮЧАХолбоо байгуулагдсанаас хойш Баасан эгчийн төрсөн өдөр болгоод тасралтгүй тэмдэглэж байгаа юм чинь. Ажил төрөл хийдэггүй гарууд өдөр болгон Баасандаж байдаг болохоор тэднийг нийтэд нь байнгын бүтэн сайн өдрийнхөн гэж ялгаж болно. Харин хувийн болон хувьсгаалын салбарт тоотой хэдэн насныхаа өдөр хоногийг зориулж буй ахан дүүс маань ажлын долоо хоног дуусаж байгааг заавал тэмдэглэхгүй бол аз хийморь нь доройтох нигууртай болохыг зурхайч Тэрбиш, шар зурхайч Намсрай нарын аль алиных нь зурхайд дурайтал буудаг гэнээ. Жирийн ардууд ч яахав байгаа хэдэн халтар төгрөгөө бариад нүдэнд дуулаахан, сэтгэлд ойр байдаг хүүхэн, залуусаа сугадаад л мөнгө нь финиш болвол зээлээд ууж болох найдвартай гэсэн пааб руугаа дарнаа. Баасан гарагийн шоуны дараалал бусад өдрүүдийнхийг бодвол маш их онцлогтой байдгийг та бүхэн надаар хэлүүлэлтгүй мэддэг ч гэсэн шинээр архаг шоучидын эгнээнд элсэн орж буй дүү нартаа хандаж хэлэх хэдэн үг байнаа. Өмнө нь та нар сургууль дээрээ багш, хичээлийн эрхлэгч үгүй ээ нийгмийн ажилтан гэдэг хүнийхээ хараан доор бүжиг танц хийдэг л байсан биз. Яахав хөвгүүд чинь эцэг эхээсээ гонисон хэдэн төгрөгөө нийлүүлж байгаад Гомбооноос арай дээр юм болгож хусаад, том хүн болсон мэт сэтгэж таахалздаг байсан бол Баасан гуай нарын төрсөн өдөр бол өөр шүү. Юуны өмнө сэдэл заавал байх хэрэгтэй. Дүү хүү дөнгөж сургуулийн ширээнээс араас боссон бол ах нарыгаа сэдэл гаргахыг хүлээх хэрэггүй өөрөө эхэл. нэр хүнд чинь суга өснө гэж мэд. Цагийн зүү 16:00 заангуут хэзээний том эр шиг за ах нар бие халаалтаа эхлэх үү гээд үз. Тэр олон дотор чинь хөнгөн жингийн боксчин Сэрдамба шиг юм хүлээж авахдаа сэргэг хүн ч байгаа бас Бат-Эрдэнэ аврага шиг яах гэж байгаа нь мэдэгдэхгүй бүрхэг тэнгэр шиг дүнсийсэн хүн ч байгаа. Тийм болохоор тэдэнд нэгэн жигд энэ үгээ хүргэхийн тулд 10децибелийн давтамжтайгаар, хэний ч ойлгох элементарны хэлээр дугараад үз. Энэ бол сэдэл, хариу үйлдэл Сэрдамбаас ч, Бат-Эрдэнээс ч хүлээх хэрэггүй, санаачлагыг гартаа авах хэрэгтэй. Үүний тулд хэн нэгнээс санхүүгийн тусламж авалгүйгээр гадуур хувцсаа өмсөөд дэлгүүр ороод нэг шил юм авах хэрэгтэй. Одоо нөгөө сэдэл чинь санаачлага болж байгааг анзаарч байгаа биз??? Дэлгүүрээс авч болохгүй юмны жагсаалтыг урьдчилан бэлдсэн байх нь дээр шүү. Төлөвлөгөөгүй хийсэн бүх юм алдаа болдог гэдгийг мартаж болохгүй. Жагсаалтанд Солонгосын лаазтай беер, шилтэй Боргио, 150 зэргийг оруулах ёстой. Харин авч болох зүйлд алтан мөнгөн түрүүнүүд, бүх төрлийн Чингэсүүд, ядарсан үед бол хараа, ерөөл гэх мэт. Дэлгүүрээс ажил дээрээ ирээд боссуудын нүднээс далд, богино хугацаанд багтаан, авч ирсэн нанчидаа зооглох хэрэгтэй. Өрөөндөө уувал баларна шүү. Тэрний оронд 00 өрөөнд орж байгаад нэгэн зэрэг дугтарч болдог. Гэхдээ 00-оос бөөнөөр гарч явах нь бусдад сэжиг авахуулах сэдэл болдог учраас ээлжлэн 00-д орж байгаад татах нь дээр. Хэрэв авсан архи чинь ихдээд нуух газар олдохгүй бол суултуурын ард байдаг ус хуримтлуулдаг бочкин дотор сайн таглаад хийчихсэн байхад хэр баргийн хүний санаанд ордоггүй юм. Санаачлагыг эргээгээд сэдэл болгох хамгийн амархан арга юу вэ гэвэл ердөө л уусан архиныхаа шилийг харж байгаад ОДОО ЯАХ УУ??? гэхэд л болоо. Бага зэрэг халсан гарууд бар, пааб гэх болно. Тэр үед нь утасныхаа сэрүүлгийг ч болсон дуугаргаж байгаад охинтой ярьж байгаа юм шиг ганцаараа ярьж жүжиглэ. За энэ чинь жинхэнэ сэдэл ш дээ. Сэртэндэх дуртай гарууд бол шууд л юун хүүхэн мүүхэн бэ гээд л эхлэнэ. Тэр үед нь шууд хөлд нь ороод, давхар ачаад болохгүй бол цупари хийгээд архагуудаа нам унагах ёстой. Яажсаад байх юм юу байнаа. Манай курсын нэг хүүхэн л манай эндээс хүнтэй танилцуулж өгөөч гээд байгаа юм аа. Уг нь аймаар хөөрхөн хүүхэн даанч манийг тоодоггүй юм гэхэд л сэдэл чинь эргээд санаачлага болно ш дээ. Тэгэнгүүт өөрийгөө царайлаг гэж тооцдог гарууд дуудчих барьчих, уулзий муулзий болоод хар аяндаа чамайг тойглоод баасан гарагийн шоуны эхлэл тавигдаж байгаа юм. ҮҮнээс цаашхи асуудал ах нарын мэдэлд орж, чи караоке, диско, билльярд, амралт, сауна гээд хаашаа очмоор байна тэр газраа хэлэхэд л алтан загасны үлгэр шиг хар аяндаа бүтээд эхлэнэ гэж мэд. За дүү нар ахынхаа өгсөн зөвлөгөөг нэг л удаа ашиглах хэрэгтэй шүү. Олон давтвал утга нь алдагдаад дэмий юм болно. Байз миний динхуа дуугарч байна. Хэн нэгэн нь сэдэл өгч байж магад...

Миний гүн сэтгэлгээ буюу сахарын донтолтоор бичсэн гаж өгүүлбэрүүд

Сая сууж байсан чинь гэнэт миний цусан дахь сахарын хэмжээ огцом доошоо унадаг байна ш дээ. Сахарын хэмжээ багассаныг яаж мэддэгийг мэдэх үү? Хүмүүс болохоор сахараа шалгадаг багажны зүүгээр хурууныхаа өндөг рүү шууд хатгаад л тэрнийгээ шинжлээд байдаг юм билээ. Харин би чихэрлэг юм идмээр санагдахаар л цусан дахь сахарын хэмжээ буурлаа гэж боддог. Хамаг эд эрхтэнээс тархи руу одоохон босоод ёотон ч хамаагүй тас тас хазаад ид гэсэн коммандууд тасралтгүй өгөөд би яг пулемётны амыг цээжээрээ хаадаг Матрасов шиг суугаад гүрийгээд байсан чинь бардаггүй ээ. Нүд мүд гялтагнаад нэг өрөөнд хамт суудаг охин хүртэл айгаад наацан: ах аа та зүгээр үү гэхэд нь л нэг юм ухаан орж босож нтр үү. Ёо тэгээд босоод оффисынхоо хөргөгчийг нээгээд хэн нэгний мартаад үлдээсэн ямар нэг чихэрлэг юм байна уу гээд хайдаг баатар болсон чинь харин Монфрешийн алимны жүүс хүв хүйтнээрээ намайг уу, намайг уугаарай гэсэн шиг байж байнаа. Энэ реклам биш шүү зүгээр л гялтайхын даваан дээр гараад жүүс ууж зүгээр болсон хүн зовлонгоо хуваалцаж байгаа нь байхгүй юу. Та нар намайг гашуун нясуун юманд уургын морь шиг ч юм уу эсвэл нэг амсахын бол вибратордоод дайрдаг гэдгийг бараг бүгд мэдэх болохоор сая алим малим, сахар махар жүүс мүүс гэсэн чинь нээрээ лав гайхаж алдарсан байхаа тээ. Цэнгэлийг хараад байсан чинь яг гайхсан шинжтэй сууж байна ш дээ. Ха ха ха... Эртээд нэг бүтэн сайн өдөр ТВ хараад л сумо гэж гайтай хүмүүс байх юм даа, дал гарсан ээжээр минь хоол хийлгэхгүй хамаг ажлыг алдуулаад гэсэн шүү юм бодоод хэвтэж байсан чинь гар утас маань дүнгэнэн дуугарлаа. Зохиолчидын чих л утасны дууг жингэнэн дуугаргаж сонсдог бол би утасныхаа дууг цаанаас залгаж байгаа хүний ярих ярианы сэдэвт тохируулан сонсоод байдаг юм. Хэрэв хүн надаас ямар нэг юм гуйх гэж байгаа бол миний утас хичнээн чанга дээр нь тавьсан ч дуугарахгүй ш дээ. Яагаад гэвэл надад хүнд май гээд илүүчлээд байх юм байхгүй болохоор миний утас тэр залгасан хүнийг цагаа барж надтай ярилгүй дараагийнхаа хүнээс гуйлгаа яаралтай гуй гэсэн санааг дипломат аргаар илэрхийлж байгаа юм. Хэрэв хоолойгоо татан инээдэг хүүхэн залгахыг мэдэх юм бол миний утас хамгийн сүүлийн оронгийн дугаарыг залгахаас нь өмнө заримдаа дуугарах гээд байдаг золиг шүү бас тэгж байгаад. Эсвэл ажлаас ч юм уу хамт ажилладаг хүн залгавал шууд л гувганан дуугарна ш дээ. Харин тэр удаагийн дүнгэнэн дуугарсан шалтгааныг би шууд л ГТВО гэдэг хүн надад ямар нэг хөгийн санал тавьж хөөрөн баясахаар уриалан дуудаж байна гэдгийг утсаа авахаас өмнө мэдэрлээ. Мань хампаан залгангуутаа шууд л урд шөнө зүүдэлсэн зүүдээ халаад эхэлдэг байгаа. Би лаг зөнч царайлчихсан яриаг нь анхааралтай сонсоостой...

ГТВО-ийн ярьсан зүүд:

Мань хүн их хачин зүүд зүүдэлсэн байх юмаа. Зүүдийг нь яриулаад байсан маш примитивний хэрнээ сентименталь шинжтэй байгаа нь их онцлогтой байгаа юм л даа. Өөрийг нь тойроод баахан цагаан даашинзтай охидууд эргэлдээд байх юм гэнэ. Тэгсэн чинь манай нөхөр босоод явах гэсэн чинь гаагаанаас өөр хувцасгүй байх юм гэнээ. Гэтэл нөгөө охидуудын тоо бүр нэмэгдээд л нисэж дүүлээд л лайтай юм болж байна гэнээ. Яг ийм зүүд зүүдлээд сэрэнгүүтээ над руу залгасан гэнээ.

ГТВО-ийн ярьсан зүүдийг би тайлбарласан нь:

Цасан шуурга цаг хугацаа нь болоогүй байхад орох юм байна гэдгийг би гаагаатайгаа сууж байгаа ГТВО болон улам нэмэгдэн цугларах цагаан даашинзтай охидтой холбон үзэж хэлсний дараахан нь буюу сая 9 сарын дундуур хойд нутгаар гэнэт айхтар цас орж нтр. За ер нь ингээд сахарлаг юм хусахаар ингээд солиотой юм бичээд эхэлдэг юмаа. Сүүлийн үед блог млогоо харахаар уур хүрээдд байх болж. Хамгийн гол нь хэрэв намайг нас барангуут энэ блог ингээд л интернэт дотор тэнэг юм шиг байж байх болов уу??? Хэрэв байх бол хэдэн жил байж чадах бол??? Би нас барсанаасаа хойш 800 төрөлдөө хонь монь, болж байнаа эргээд ирэхэд байх болов уу??? Байсан ч гэсэн би таних уу гэсэн үнэнхүү философлог асуултууд урган гарч ирээд байх юмаа. Зарим нэг гэгээрсэн баагий /маркшейдер баагий биш шүү/ нар хүн төрлөхтнийг яаж зовлонгоос ангижруулах вэ гэж боддог бол би бас тэднээс дутахгүй юм бодоод нааж байна ш дээ. Сүүлийн үед хүүхэн мүүхэн сонирхол татахаа болиод дандаа л сахар махар долоомоор санагдаад байдаг болсон байна ш дээ. Энэ бол гүн донтолт мөн үү гэнэ үү???

Saya minii deegyyr 2 xeree xootsoldon nislee. Yagaad xootsoldood baigaa yum boloo geed xaraad baisan chin durlaldaa shataad niseed bsan yum bish, xarin neg xeree ni nogoo xereeniixee olson goe yumiig zamaas ni bulaagaad bultax gazraa oloxgyi ami naana, tam tsaana yum bolj baisan bololtoi. Bulaagaad zugtaj baigaa ni manyaver ynen saitai yum bna. Baildaanii ongotsnii nisgegch nariin xiideg yxliin gogtsoog mash chadvarlag xiij baix yum. Xarin xooj baigaa ni arai turshlaga muutai yumaa. Shuud xoshuugaaraa gazar xatgan unax ni orovdmoor. Xooj baisan xereeni chas odor baisan bololtoi. Xoorxii ter xeree xooson xotsorloo. Getel baruun talaas bas negen tsoglog xeree xoldoo 00-iin tsaas orootsolduulsaar nisen irlee. Tyyniig bi aj axuich xeree bna gej bodoj bna. Udaxgyi xyiterch ovol bolox gej baixad ter xeree shig ger ornoo dulaalax xeregtei. Neeree manai end 00 tsaastai xeree baitugai yum taaralddag geech. Erteed gadaa zogsoj bsan chin byr tasartlaa uusan xeree ireed zad agsarch baigaad yavsan geed l bodchix…

Ogloo zam dagaad yavj baital minii ertnii tanil yneg guai taaraldlaa. Yneg namaig zog tusan xaraad tsever Melbourniin ayalgaar “G’day Mate” gej mendleed xeseg dagan shogshiv. Bi Mongol ynegtei englisheer yu yarix ve gej bodolgyi shuud l: baga shig balairaad bgaarai! Major Drilling (Australiin company) xeden ormon deegyyr xool xaij yavsaniigaa Australi xeree bolloo gej bodoogyi biz gej shiryyn duugaar asuulaa. Getel nogoo yneg chin doroo 2 ergeldsenee Gambino ingeed yneg ailgax geed bdfag yum aa. Jaaxan idex yum baival ogchix gej baix yum…

Olsson ynegnii nydiig bi mash anxaaraltai xarlaa. Zailuul ter xoxyyl xeden gavartai boloxiig ni shuud oilgov. Tegeed bi xoolnii tsynxee uudlaad 2 zysem steak, 3 burger, 4 hot dog ogloo. Yneg tegsen chin shuud Adidas tsynxee gargaj ireed uutlax zuuraa amandaa tyvd xeleer dyngenetel nom unshaad exellee. Bi ch bas bagadaa xural nomiin gazart suuj baisan yum boloxoor yu unshij baigaag ni sonstol : avsan ogsondoo olzii bolog, avgai xyyxen chin tsarailag baig, avdag tsalin chin odroor osog, ajil xodolmor chin amjilttai baig gej bainaa…

МАЗЗЗЦЗХ

Уншигч авхай та энэ олон үсэгнүүд юу гэж байгаа бол гэдгийг мэдэх гээд хорхой чинь гозолжоз байгаа бол наашаа анхаарлаа хандуулна уу. Энэ бол миний шинээр үүгсэн бий болгож байгаа залуучуудын бие даасан байгууллагын нэрийг товчилсон байгаа юм. ХХ зууны Монголын түүхээс харж байхад улс төрийн бүх хүчнүүд өөрийн гэсэн залуучуудын байгууллагатай байсан бөгөөд хамгийн анхных нь мэдээжийн хэрэг МАХН-ын дэргэдэх МХЗЭ буюу би гишүүнд нь элсээд жил бололгүй хөөгдөж сард 15 мөнгөний татвар төлөх аюулаас мултарч байж билээ. Эвлэлээс хөөгдөөд буцаад пионерийн гишүүн болох юм байх гэсэн чинь буцааж авдаггүй юм билээ. Уг нь бас эргээд ямар нэг байгууллагад элсчих санаатай Пионерийн баясгалант тангараг гэдэг юмыг цээжилэх гээд овоо сууж байсан юмсан. Тэгсэн чинь 1990 он гараад МХЗЭ ч байхгүй Пионер ч байхгүй хэдэн жил болох шиг болсон ш дээ. Харин хэдэн жилийн өмнөөс МАСЗХ гэлүү мөнгө иддэг хэсэг залуус гараад ирсэн гэсэн. Мөнгө уухгүй ш дээ зүгээр л барьж сууж байгаад л халбага сэрээдэд унадаг юм байхаа. Тэгсэн чинь тэр мөнгө иддэг залуусыг намнах гээд бас нэг нам нь дэргэдээ залуусын байгууллагатай болсон гэнээ. За тэр бусдын явдал ч яахав... Харин миний байгуулах гэж байгаа МОНГОЛЫН АЛДСАНЫГ ЗАСАЖ ЗАЛРУУЛЖ ЗАЛХААН ЦЭЭРЛҮҮЛЭХ ЗАЛУУЧУУДЫН ХОЛБОО нь бол үнэн хийтэй гаруудыг нэг дор цуглуулахаас үйл ажиллагааныхаа бүртгэлийг эхлүүлнэ гэж байгаа. Манай холбоо ямар нэг намд харьяагдахгүй бөгөөд Үндэсний Ардчилсан Марксист Социалист үзэл баримтлалыг чиглэлээ болгон дэмжих болно. Манай байгууллага нь Мао-ийн улаан хамгаалагчид, Монголын Бошгыг хамгаалах залуучуудын эвлэл зэрэг бурууд маш хурцаар шүүмжлэлтэй ханддаг байгууллагуудын залгамж халаа болох ариун зорилготой билээ. Түүнчлэн үндэсний уламжлалт ёс заншлыг үргэлжлүүлэн хадгалахын тулд гар хүндрүүлэх явдлыг сэргээн, парлиаметат засаглалыг татан буулгаж одоо байгаа болон огцорсон бүх гишүүдийг буруугүй байсан ч гэсэн залхаан цээрлүүлэх болно. Төв цэнгэлдэх хүрээлэнд цэмбэний үйлдвэр байгуулж хүмүүсийн нас хүйсийг харгалзахгүй цуглуулан ажиллуулж, бүх иргэдийн хөрөнгийг хураан, Иди Амин, Муамар Каддафи, Аугусто Пиночет, Эво Моралис, Уго Чааваас нараар лекц уншуулан аливаа өөрт таалагдаагүй зүйлсийг хийрхсэн залуусын хүчээр даруулж байх болно. Энэ байгууллагын хүндэт гишүүнээр сая огцорсон экс Ерөнхийлөгчөө залаад араас нь бизнетворк сайтын зарим нэг гишүүдийн саналыг харгалзахгүй элсүүлж авна. За за шал аймаар хар дарсан зүүд шиг юм бичивээ хөөрхий...

Шинэ 7 хоног эхэллээ

За, өнгөрсөн долоо хоног нь 7 хоногтой байснаараа маш их ач холбогдолтой долоо хоног болж тун их ач холбогдолтойгоороо ач холбогдолтой байлаа. Харин шинээр эхэлж буй энэ 7 хоног хэд хоногтой байхыг одоогоор хэлэх боломжгүй байгаа нь тун харамсалтай байна. Юу боллоо ч гэсэн сүүлийн 6 жил хүлээгдэж буй хөрөнгө оруулалтын гэрээ батлагдах магадлал өндөр байгаа гэдгийг Энхтайваны хонхны дэргэдэх мэргэчид, зурхайчид, үзмэрчид санал нэгтэй хэлж байна. Бодвол тэдний хэн нэг нь өөрийнхөө хүнийг Саарал ордонд шургуулсан эсвэл эвлэрсэн билүү хамтарсан билүү засгийн газрын бүрэлдэхүүнд багтдаг намуудын байранд оруулсанаас зайлахгүй. Буддын шашны сүм хийдүүдэд Гэрээний юм, хөрөнгө оруулалтын даллага зэрэг номуудыг сүсэгтнүүд өргөнөөр уншуулж байхад, Ертөнцийн эзэн Есүс Христийн цуглаанууд, Мормон, Католикууд Шинэ, Хуучин гэрээнийхээ хажуугаар хөрөнгө оруулалтын гэрээ гэсэн шинэ бүлэгтэй Библийн судар шинээр гарган итгэгчиддээ тараасан гэж сонсогдлоо. Харин Мусульман шашны мечетүүдэд шинээр нээгдэх ил, далд уурхайнуудад ажиллах боловсон хүчнүүдийг адислах эрхийг олж авахын тулд Ариун Меккагаас хамгийн алдартай Молла залж ирүүлсэн байгааг дуулгахгүй орхиж болохгүй. Өвдөж, ядарч эмчлүүлж ирсэн Ерөнхий сайдынхаа гэгээн дүрийг ард түмэн харж, энэхүү гэрээнээс сунтагийн адис хүртэн амьдрал ахуйгаа дээшлүүлэхийг нэн хүсэмжлэн ханцуйдаа залбирч байгаа дүр зургийг хот хөдөөгүй харж болох бөгөөд харин хотын зүүн дүүргийн иргэд өөрсдийнх нь залбиралыг шатсан байрны нурангид өртүүзэй хэмээн сэтгэл тавгүйтэж байгаа тухай манай явуулын сурвалжлагч сансарын холбооны иридиум утасныхаа батарейг харамлалгүй хэлэх нь сонсогдлоо. 9 жилийн турш цэнхэр дэлгэцээр өдөр болгон гардаг байсан угалзан хамартай хүний мэдэлд байдаг хэвлэл мэдээллийн хэрэгсэлээр хөрөнгө оруулалтын гэрээний талаар сөрөг агууллагатай мэдээллийг улиг болтол ярьж байгаа ч цэнхэр дэлгэц ширтэгчидийн дунд явуулсан судалгаагаар дийлэнх нь дээр хүний мэдлийн ТВ-ээр Боролдойн цаг үзэхэд таатай бөгөөд нойргүйдэлд орсон хүмүүс шөнийн цагаар гардаг уран сайхны киног талархан үздэг гэсэн байна. За үүнийг улгасан энэ долоо хоногт улс даяар хэдэн шинэ хүүхэд төрөх хийгээд хичнээн хүн өөрийн зардлаар бурханы оронд очих тухай тус тусын таамагийг хэлцсүй гэсээр төгсгөл болгоё.

P.S. Тааврын хариуг 976-11-12345678987654321 утсаар гадаадаас авах ба дотоодоос 987654321234567879 утсаар хүлээн авах болно.

Уянгын явуулаагүй захиа

Би энэ мөчийг маш удаан хүлээлээ. Хүссэн юм хүзүүгээр татах мэт болж би маргааш гэхэд хүний хань болох гэж байна. Хүүхэд байхын л энэ мөчийг янз бүрээр мөрөөдөж байсан боловч цагаа болоход тэр мөрөөдлөөс минь огт өөрөөр бүх юм эргэв. Би уг нь хайртай хүнтэйгээ л гэрлэнэ гэж мөрөөддөг байсан бол хань болж байгаа энэ хүнийхээ төлөө гал, усанд орно гэж хэлж бол үнэхээр чадахгүй гэдгээ бараг танилцах үедээ л мэдэрсэн. Юм гэж сонин шүү... Хамгийн их хайрлаж, хүсэж, зүүд нойрны минь хан хүү болж байсан тэр хүн маань өдийд юу хийж байгаа бол? Хэрвээ хотод байгаа бол номоо уншаад гэртээ сууж байгаа болов уу эсвэл бидний хамтдаа дандаа ордог, өөрийнх нь хэлдэгээр үхэн үхтлээ эндээс салахгүй гэдэг байсан уушын газартаа шар айраг шимэн улайсхийгээд сурсан зангаараа гар утсаараа оролдоод сууж байгаа болов уу? Хөдөөнөө байгаа бол нисэж байгаа шувуудын жиргээ, салхинд найгах өвсний ганхааг зурж байгаа зургандаа шингээх гээд хамаг ур чадвар, ухаан санаагаа ширгээж байгаа даа. Ямар ч гэсэн тэр намайг өнөөдөр хуримаа хийж байгааг мэдэхгүй байгаа...

"Уучлаарай" гэдэг үгийг хэлэх битгий хэл сонсох ч дургүй сонин хүн шүү. Нэгэнтээ би ажилтай байгаад холбоо барьж чадсангүй гэдгээ хэлэхдээ хэд хэдэн удаа уучлаарай гэсэн чинь миний урдаас өрөмдөх мэт харснаа наад үгээ дахиж битгий хэлээрэй гэхэд нь завгүй байсан ч надтай холбоо барьж байгаарай гэж хэллээ хэмээн ойлгож байв. Гэтэл тэр маань хэнд ч ажил гардаг болохоор заавал ийм зүйлд уучлал гуйх хэрэггүй гэсэн юм билээ. Харин би түүнийг нь ойлголгүй хэд хэдэн удаа уучлаарай гэж хэлсэний дараа тэр: хэрэв уучлал гуйх байсан юм бол бодлогогүй юм хийгээд хэрэггүй гэснээс нь хойш больсон санагдаж байна.

Анх түүнтэй танилцахад л тэр өөрийн гэсэн ертөнцтэй болох нь шууд мэдэгдэж байлаа. Хэдийгээр төгс төгөлдөрийн дээд биш ч гэсэн түүнд эрхэмлэн нандигнах зүйлтэй, тэрнийгээ хэнээс ч нуудаггүй, өөрийгөө зөв илэрхийлж чаддаг болох нь анзаарагдсан билээ. Жирийн танилийн хүрээнд түүнтэй харилцаж байхаар би тэр үед шийдэж байсан ч нэг л мэдэхэд түүнд уусаж, төд удалгүй хайртай болж гэдгээ мэдэрсэн. Юу хүсэж, бодож байгаагаа зөв илэрхийлж чаддаг тэр занд нь автаад би хайртай болжээ гэдгээ хэлэхэд урдаас минь "намайг хэзээ ч битгий орхиорой" гэсэн нь хайртай гэдэг үгийг хүртэл хамгийн энгийнээр ойлгуулж болдог юм байна гэсэн бодол төрүүлж билээ.

Амьдарч байгаа хэв маягийг нь анзаарах юм бол ямар ч идэвхигүй, бараг уйтгартай гэж хэлмээр санагдах боловч түүний сэтгэлд хүнийг өөрөөсөө илүү хайрлахын утга оршиж байдаг нь тун гайхалтай. Гэтэл надтай маргааш гэрлэж нөхөр минь болох залууд түүнтэй зэрэгцүүлэх юм юу ч байдаггүй. Миний хайртай хүн надтай гэрлэх санал тавихгүй болохоор л би энэ залууд зөвшөөрсөн юм. Мэдээж би асар ихийг алдаж байгаа гэдгээ мэддэг ч 30 нас гарсан намайг үүнээс цааш хүлээвэл юу болохыг хэлж ч мэдэхгүй байна гэж бичиж байтал миний утсанд алсын дуудлага орж ирлээ...

Хулгайч болноо яадийн

Өглөө босоод ирсэн чинь гэнэт хулгайч болмоор санагдлаа. Зүгээр нэг хоёр юм хусчихаад нуугдаад байдаггүй, ёстой жинхэнэ ориг хулгайч болмоор санагдаж байна шүү бүр. Гэхдээ юуны хулгайч болох вэ байз??? Хармааны хулгайч болдог юм бил үү? Даанч хуруу богинохон ядахад удаан хөдөлгөөнтэй болохоор зузаан түрийвчнүүдийг хүний энгэрийн халаас эсвэл цүнхнээс хусах гээд чадахгүй баригдаад балрах байх. Тэгвэл дэлбээчин болдог юм уу? Уг нь түлхүүр мүлхүүр тааруулах эрдэмд багаасаа шамдсан бол энэ салбарт амжилт олох магадлал өндөр байж болох юм л даа. Тэгсэн бол айлын орон сууц, албан газрын конторт оронгуутаа хэрэгтэй хэрэггүй нь хамаагүй нүдэндээ харагдсан юмнуудыг юу ч үлдээхгүй хусаад амьтны хараал ч мөн их идэх байх даа. Дараа нь дэлбэлсэн газраа очоод эргүүтэж байгааг харах гэж яваад баригдаж энэ тэр лайтай тээ??? Үгүй бол малын хулгайч болвол дээр ч юм шиг. Даанч морь унаад хол явах гэхээр салтаа саамаар өвдөөд ч юм уу эсвэл мориноосоо унаж бэртээд юун хулгай хийх гэмтлийн эмнэлэгт хүргэгдээд, гэмтлийн цагдаа нь яаж байгаад бэртсэн бэ? гэсэн чинь тэндээс хэдэн адуу /адуу байхдаа ч яахав дээ, аймаар дээгүүр санаатай/ тууж байгаад мориноосоо унаад гээд л баларч ёстой дэмий юм болох юм байна. Машины хулгайд хүчээ үзвэл болохгүй юм алга. Гэхдээ бүтнээр нь хусаад махалдаг том гарын хулгайч болох уу эсвэл шилийг нь хагалж онгойлгон ороод хөгжим мөгжим туудаг, дугуй, толийг нь мулталдаг жижиг гар болох уу гэсэн хоёр сонголт тулгарч байна шүү.

Нээрээ хулгайн тухай ярьсан чинь Хулгайчийн тухай хийсэн кинонд ая хулгай хийгээд дуу болгосон байсан ш дээ. Юу яриад солиороод байгаа юм бэ гэж үү??? Хулгайч нь ичихгүй байгаа юм чинь би юунд нь ичих билээ. "Уулын Төмөр" гээд нэг кануу байдаг ш дээ тээ? Тэр киноны дууных нь аяыг мань том Жагаа Пинк-Флоидын Obsecured by Clouds гэдэг цомгийнх нь When you're in гэдэг дуунаас нь илүү ч үгүй дутуу ч үгүй тууцан байгаа юм даа. Тэгсэн мөртлөө UBS Music сувгаар лаг царайлчихсан: Би энэ киноны хөгжмийг зохиож, дууг нь дуулцан муулцан гээд байгаа бас. Дуулахыг нь ч мэдэхгүй юм байна, харин үнэхээр тэр дууг бол муулцан л юм билээ. Бодоод байсан чинь цоо шинэ төрлийн хулгай л зохиохгүй юм бол уламжлалт хулгайн салбарт байр сууриа олж томрох боломж бол бүрэн хаалттай юм байна д даа. Уг нь сайхан хулгай хийж баригдангуутаа МҮТВ-ийн Цагдаагийн дуудлага нэвтрүүлгээр Сайнжаргал гэдэг нэртэй дандаа муухай юм ярьж байдаг хүний хажууд сууж байгаад гарвал бас л лаг ш дээ. Нээрээ тэр нэвтрүүлгийг хөтөлдөг хүүхэн хөөрхөн шүү. Юниформ морм нь зохицон гэж тасархай. Сайнжаргалаар хийсэн хэргээ хэлүүлж байхаар, тэр хүүхэнд хэрхэн хулгай хийсэн тухай ярилцлага өгвөл хэсэгтэй л кайфтай ш дээ. Би нээрээ дандаа од болох тухай бодож байх юм аа. Хулгай хийсэн ч гэсэн од хулгайч болох тухай мөрөөдөөд ч байх шиг.

Эзэнтэй юм хулгайлах юм бол эрж хайж, цагдаа магдаад хэлээд баригдаж балрах болохоор эзэнгүй л юм хуссан нь дээр юм байна. Хаана эзэнгүй юм байна вэ гэхээр сансарт л байна. Бишээ хэн 12, 15 хорооллыг хэлсийн. Жинхэнэ сансар огторгуйг ярьж байхад чинь. Тэндээс нэг дэмий тэнэж яваа гариг мариг, од мод, эвдэрхий пуужин муужин, эвдрээгүй байсан ч хамаагүй хусаад эзэнд нь олж өгсөн хүн болж аваачиж өгөөд бөөн мөнгө зөнгө тоорт моорт аваад какрах л боломж нүдэнд харагдаж байх чинь. Нөгөө муу Harrier-тээ далавч залгаад хар хурдаар ньөндөр уулан дээрээс давхивал гэнэт сансарт ниснэ байх шүү. Буугаад ирэнгүүт Элбэгээ ерөнхийлөгч баатар болгож ёо ёо ёо юу вэ нөгөө хулгайч болох гэсэн хампаан чинь шууд Гүрээ ах шиг сансарчин болох нь байна. За за ингэсгээд зогсохгүй бол баахан гарууд машиндаа далавч залгаад Богд уулан дээрээс сансарт ниссэн юм болох нь, мөн үү???

Зуг@@, цэнгэл /халзан биш/ хөөсөн 7 хоног

За 7 хоног баахан зугаа, цэнгэл хөөцөлдлөө. Цэнгэл гэж бичингүүтээ мань Цэнгэлийг андуурах байх гэж бодлоо. Манай хүн ч бас гайгүй андуурдаг юм билээ. Уянга гэнгүүт Уянгааг юм байна гээд л... За энэ ч яахав. Сая 7 хоног улсын нийслэл Улаанбаатар хотод амарлаа. Онгоцноос буунгуутаа шууд English Inn гэдэг уушын газарт орлоо. Финланд Стейк идэж, Чингэс уув. Ер нь 7 хоногийн дотор тэнд 3 удаа, Kudamm, Arte, Strings-д тус тус 1 удаа орлоо. Хамгийн марзан нь Стрингс байв. Эхлээд нэг Итали баагийтай Энглиш иннд баахан пиво уулаа. Бас дээрээс нь 50 грамм архитай гэж байгаа. Тэгсэн чинь мань Уугий, Баагий, Чээгий 3 ороод ирдэг юм байна. Хажуугийн ширээнд "Боолын гэрээ" киноны Хоогий бас нэг хөөрхөн хүүхэнтэй сууцан энэ тэр. Тэгээд л 5-уулаа болоод сууж байсан чинь Уугий гэнэт танцлах юм ярьдаг юм байна. Уугий чинь тэгж байгаад Баагий Чээгий хоёртоо атаман юм болохоор үг дуугүй яв гэж байгаа юм чинь. Тэгээд л 2 таксинд хуваагдаж суулаа. Би ч яахав Уугий, Итали гар 2-той сууваа. Таксины жолооч нь нэг хүүхэн байнаа. Замаа харахгүй над руу таг гөлрөөстэй машинаа жолоодоод байх юм. Би бас хүн юм болохоороо санаа зовоод: Би аймаар харагдаж байна уу гэж асуусан чинь үгүй ээ харин ч дажгүй залуу байна гэнээ. Уугий хажуугаас нь бас: Чамайг бол хараад л баймаар байдаг ш дээ гэж хэлж байна ш дээ. Лаг тээ??? Нөгөө таксины жолооч намайг харсан чигээрээ явсаар байгаад Стрингс орлоо. Уг нь сэргэлэн таксины жолооч байсан бол миний утасны дугаарыг авах байсан байхгүй юу, даанч тэр жаахан хулчгар жолооч байж таараад гуйгаагүй. Буулаа, орлоо тэгсэн чинь хэдэн Филлипин гарууд тайзан дээрээс авч өгч байнаа. Поп дуу дуулаад л хөдөөний бололтой махлаг 2 хүүхэн аянд нь бүжиглэх, маршаар алхах хоёрын хооронд хөдөлгөөн хийгээд л байсан. Биднийг дөнгөж суудлаа эзлэнгүүт зөөгч залуу юу юу уух уу гэж байна. Би тэгэнгүүт нь АРХИ ууяааа гэлээ. Тэр дор нь аваад ирж байгаа юм чинь. 1 шил архийг 5-уулаа дор нь хунилаа. Тэгсэн чинь нөгөө хамтлаг завсарлаад оронд нь техно хөгжим явж байнаа. Хамтлагийг тайзнаас буунгуут нь тосож очоод AC/DC, Deep Purple, Led Zeppellin, PInk Floyd тоглох уу гэсэн чинь ганцхан Pink Floyd -ийн дууг тоглоно гэнээ. Хэзээ гэсэн чинь 20 минутын дараа гэлээ. түрүүний авсан архи дууссан болохоор дахиад олон босохгүй амар гээд 0,75 бас 1 шил архи авлаа. Жаахан байж байсан чинь нөгөө гарууд чинь орж ирээд Another Brick in the Wall II part-ийг яг адилхан авдаг байна ш дээ. ӨӨ би бүр гайхцан нааж байгаа юм чинь... Нөгөөдүүл чинь бас 15 минут хэртэй тоглож байснаа буугаад ирэнгүүт нь далдагнаж очоод How much I owe you гэсэн чинь миний урдаас гайхаж хараад байнаа. 0,75 арх и авсан хамт байсан гарууд айгаад байх шиг байсан болохоор би нөгөө хамтлагийн гаруудыг би та нарыг архиар дайлмаар байна болжийн уу гэсэн чинь нөгөөдүүл чинь аймаар дуртай байнаа. Нэг, нэг татангуутаа бид нар амарч орж ирээд танай ширээнийхэнд зориулж Eagles тоглож өгнөө гэхээр нь come on гэлээ. Гарууд начигнаад л байноо. Би овоо халж байна. тэгсэн чинь гэнэт балардаг байна ш дээ. Нөгөө Итали баагий чинь архи даахгүй тас явцан. Би Монгол, Орос ард түмнийг тасрахаараа яадгийн сайн мэддэг, бас АНУ, Канад, Дани, ӨАБНУ-ын иргэдийн тасралтыг бага сага гадарладаг боловч Итали ах дүү нарыг мэдэхгүй Баян Сату 1904 залгаж асуух шахлаа. Тэгсэн чинь харин мань Итали манай Уугыд симпати үзүүлж салхинд гарий гэдэг байна ш дээ. Би нөгөө 2-ыг чинь гаргаж өгөнгүүтээ буцах замдаа шагайгаараа хазгай гишгээд хариугүй унах шахлаа. Яг тэр үед домогт Ийглс-ийн дууг манай гарууд тоглоод баллах гэж байнааа. Үнэн саак байгаа юм чинь. Тоглоод дуусангуут нь би нөгөөдүүлийн чинь ахлагчид нь Hard Rock Cafe Seoul гэсэн зүүж явсан тэмдэгээ өгөөд нөгөөдөх чинь үнэн тасархай баяралж байлаа. Нээрээ би тэр үед Hard Rock Cafe New York гэдэг хар Т шиорттой үнэн ганган байлаа гэж...

30+ Single хүүхний өдөр

30+ үүдийн ажлын эрч хүч бууруугүй боловч хүсэл сонирхол нь дуртай ажил, дургүй ажил гэдэг хоёр үндсэн хэсэгт хуваагдана. Ажил руугаа орохдоо цагаа байн байн харах бөгөөд хоцорсон шалтгаанаа хотын замын түгжрээ, таксины жолоочын бүтэлгүйтэй заавал холбон үзнэ. Үүдэн дээрээ даргатайгаа мөргөлдөхгүй байх нь тэдний гол зорилго бөгөөд хэрэв тааралдаж гэмээ нь алхаагаа улам түргэсгэн, ажлын төлөө оюун ухаанаа дайчлан байгаа дүрийг нэн чадамгай исгэнэ. Өрөөндөө орж хувцасаа тайлаад ширээгээ эзэгнэн суухдаа үнэнхүү эзэн. Яг энэ мөчид алба юм шиг утас руу дохиод намайг хүн асуугаагүй биз гэх нь тэдний нэгэн төрлийн мэдчилгээ билээ. Өөрийг нь ирэхийг нь өглөөнөөс хүлээсэн хүмүүсийг хүн байна чинээ харахгүй бөгөөд харж гэмээнэ өөрийнхөө үнэ цэнийг шууд буулгасантай адил хэрэг болно. Суудлаа эзлэнгүүт нэн тэргүүнд юу хийх вэ гэвэл... Бишээ тэр чинь бүр 3 магадгүй 4 дүгээр зэргийн асуудал. Харин 30+ цүнхээ ухан тооны машин бишээ толь, энгэсгээ гаргах авай. Өглөөний будалтаас хойш огт өөрчлөгдөөгүй нүүрний будалтаа сэргээх нь өглөөний нэгэн ёслол болно. Энэ дахин сэргээлт нь удаан үргэлжилдэггүй бөгөөд өглөөний будалтаас дутуу үлдээсэн алдааг арилган дагина төрхийг олох цаг ажээ. Дараа нь босож аягаа аван халуун усаар дүүргэн кофе юм уу цай бэлдэнэ. (хэрэв үйлчлэгч харагдахгүй бол өөрөө хийдэг гэж байгаа) Дараа нь ПиСИ-гээ асаан тухлан суух бөгөөд гэхдээ хамгийн түрүүн хувийн э*мэйл иржүү гэдгээ нэг гүйлгэн харна. Дараа нь хаалгаа нээлгүйгээр түрүүн хүн орьё гээд байсан уу гэж нилээн өндөр дуугаар хашгирна. Ажлын цагаар гар утас нь жинхэнэ гар утас гэдгээ мэдрэх шиг болно. Дуугарахгүй ч гэсэн байнга атгаастай. Гаднаас орж ирсэн хүн түүнээс дүү эсвэл тэтгэвэрийн насны хүн байх аваас төдийлөн ач холбогдол өгөхгүй ба өөр хэн нэгэн рүү даруй шилжүүлэхийг эрхэмлэх бөгөөд тэгэхдээ ч гарамгай. Харин өөрийн үеийн эрийг бол туршлагатай сэтгэл судлаачын барилаар гарсан асуудлыг шийдэхэд идэвхийлэн зүтгэнэ. Хэрэв энэ үед нь утас дуугарах аваас эелдэг боловсоны дээдийг үзүүлж уучлаарай, өршөөгээрэй, тэгнэ үү, ингэнэ үү гэдэг үгийг аав, ээж гэж хэлд орохоосоо өмнө сурсан мэт урсгана. Идэр эрийг гармагц толио гарган өөрийгөө харж амжна. Тэгснээ өглөөний аялалд гарч байгууллагынхаа бараг бүх өрөөгөөр орон бүгдийн мэндийг дараалан эрж эзгүй үед болсон явдлыг олж мэдэх зорилго агуулна. Энэ аялал тамхи таталтаар өндөрлөнө. Өрөөндөө орж ирээд дуулж сонссоноо дахин ярьж амны зугаа болгоод, дараа нь утсаа шүүрэн авч гадагш нь мэдээллээ цацна. Ажил гэдэг бол тэдний хувьд асар их боломж, аз жаргалтай мөч гэдгийг мартаж болохгүй. Утсаар ярихдаа: Бийна уу, саййн уу? уучлаарай, гэсэн үгийг тогтмол хэлнэ. Ийн байсаар үдийн цайны цаг болохоос цаг гаруйн өмнө гадагшаа ажилтай боллоо гэж тунхаглаад гарах бөгөөд үүний өмнө будалт бага хугацаагаар үргэлжилнэ. Цайны цагийн өмнөх гаралтаар голдуу дэлгүүр орох бөгөөд хоол хүнсний зүйлсээ цуглуулж гэртээ оруулж тавих нь зарим нэг сөхөөтэй 30+ байдаг. Үдийн цайны цаг дуусахтай уралдан орж ирээд Пи Си дээрээ тогтвортой суух хэрэгтэй гэдгийг тэд хэнээр ч хэлүүлэлтгүй мэдэх бөгөөд энэ суултаар үр дүн гарах нь илүү байдаг. Нэг мэдэхэд ажил тарах цаг болж бусдаас түрүүлэлгүй бас хоцролгүй ажлаасаа гарна. Ажлын өдрийн эцэст "ажил хэрэгч" саналууд хэд хэд ирэх бөгөөд тодорхой шийдвэртэй хариул өгөхгүй байхаа сайн мэддэг нь 30+-үүдийн давуу тал билээ. За ингэсгээд энэ сэдвийг хаахын өмнө, дээрх нийтлэг хэв шинж чанарууд нь дабль болсон 30+ болон өрх толгойлсон 30+ -дэд тус тус ажиглагддаг гэдгийг анхаарна уу.

30+ Single хүүхний өглөө

Өглөөг тэд аль хөл дээрээ босож угтсан байна яг тэр хэвээр нь тусгаж илэрхийлдэг. Унтахын өмнөх үеийн сэтгэл санааны хөөрөл нь шөнийн нойронд бүрэн дэлэтлэгдэж, цоо шинэ характэрууд энэ үед тодорно. Өнөө өглөө бол ердийн ажлын өдрийн энгийн нэг өглөө. 30+ юу хийдэг болохыг харцгаая. Сэрүүлэг хэдэд ч дуугарсан тэр ухасхийн босохгүй, хэвтээд л байна. Хэвтээд л байна. Унтаж байгаа эсвэл сэрсэн эсэхийг нь мэдэх аргагүй. Эхний сэрүүлэг дуугарсанаас хойш 30 орчим минут хэвтэж байгаад гэнэт дээр үеийн кино хальс үзэж байгаа юм шиг хурдан хөдөлж эхэлнэ гэж бодвол ёстой худлаа. Тэд чинь 30+ болохоос ямар 20+ биш. Хөдөлгөөн удаан, гэхдээ мэлэнхойлог биш ч унталтын байдалтай. Энэ үед ямар нэг эрчимжүүлсэн санал тавих юм бол түүний үдээс өмнөх бүх хугацааг нурааж байна гэсэн үг. Орноосоо босоод 00, дараа нь шүршүүр дор зогсоно. Тэгээд цайгаа чанана. Цай буцлах зуур Дүрслэх урлагийн хичээлийн давтлага хийнэ. (Зарим оройтож босдог 30+ ажил дээрээ хийдэг). Толь бол тэдний амьдралын салшгүй хэсэг тул будгийн хэрэгсэл тольны өмнө чухал байр суурь эзэлнэ. Дүүрэн, дундуур, дууссан олон янзын савтай, шилтэй, шингэн, нунтаг тосон олон будаг шунх, оо энгэсгэ, химийн бодис дундаас тэд юу хэрэгтэй вэ гэдгээ маш сайн мэднэ. Будалтын ерөнхий дараалал нь тослолтоос эхлэнэ. Тослолтыг дисплейны онцлогоос болж нимгэн, зузаан янз янз хийх бөгөөд гол нь түүний дээрээс түрхэх энгэсэгийг тогтоон барьж байх ёстой. Энэ ажлыг нийтэд нь суурь тавих гэж нэрлэж болно. Үүний дараа илүү чимхлүүр ажилд орох бөгөөд үүнийг хийх чадвар нь 30+ хувьд харилцан адилгүй байхаас гадна дисплейн бусад эрхтнүүдийн онцлог тун их нөлөөлдөг. Зохимжгүй хийсэн чимхлүүр ажлууд нь заримдаа тэдний гоо сайханд сөргөөр нөлөөлөх талтайг анхаарах ёстой бөгөөд тэдний энэ байдлыг сөргөлдөгч талын 30+ үүд магтаж, өөрийн талынхан болохоор ил хэлж харин шүтэн бишрэгчид нь анзаардаггүй нь үнэн болой. Нүд бол тэдний хувьд гоо сайхан байдлаа харуулах хамгийн чухал эрхтэн бөгөөд үүний дараа хамар бус харин хамрын доотох уруул орно. Нүдний будалтыг хөмсөг будалт, зовхи тээндэлт, сормуус дэрвийлгэлт гэсэн 3 үндсэн ангид хуваадаг. Сайхан зассан хөмсөг будах тэдний урам зоригийг бадраадаг засалт муутай таруу ургасан, эсвэл хэт өтгөн хөмсөг будах бол бухимдал үүсгэх бас нэгэн шалтгаан болдог. Зовхины тээнн олон өнгөтэй бөгөөд гадаад худалдаа өргөжихийн хэрээр нэр төрөл нь улам олширч байгаа. Дээх нь үед хүүхнүүд хар, бор өнгөөр голлон зовхио буддаг байсан бол өдгөө ногоон, улаан, шар, зэрэг үндсэн 7 өнгөнөөс гадна самран шар, болжморон ягаан, сарлаган бор зэрэг өнгөнүүдийг гарган будах болжээ. Сормуусны хувьд урт бөгөөд дэрэвгэр байх нь нэн чухал бөгөөд хэрэв тийм боломжгүй бол дэлгүүрээс худалдаж аваад нааж болдог сормууснууд зах зээл дээр худалдаалагдаж байна. Гэхдээ баяр ёслолын үеэр үнэ өсөж эрэлт ихэсдэг гэдгийг анхаарах хэрэгтэй. Уруулын будаг бол тоолохын аргагүй олон байхаас гадна зарим нь үнэ цэнэтэй савтай байдгаараа тухайн хүнийхээ зэрэг зиндааг харуулна. 30+ үүд нь санхүүгийн хувьд боломжын байдаг тул тэдний цүнхэнд хэд хэдэн янзын уруулын будаг байдаг гэдэгт эргэлзэх хэрэггүй. Гэхдээ тас хар цараайтай бол цав цагаан, ув улаан, нов ногооноор будах нь тухайн 30+ийн гоо сайханд шууд сөргөөр нөлөөлнө. Мөн цав цагаан хүүхнүүд ув улаанаар будах нь вампир мэт харагдуудлаг гэдгийг санах хэрэгтэй. (будаагүй уруултай 30+-ийг бусад нь .... шигээ адилхан уруултай гэж нудралцдаг тул энэ тухай мартах нь тун ховор) Будалтаа нямбай үйлдэж байх үед цай буцаллаа. Манай 30+ яаралгүй босож, удаан бус хөдөлгөөнөөр салгана. Толины өмнө хийсэн ажлын үр дүнд зүс царай мандан бадарч байх үеийг эгүүлэн авч ирсэн болохоор бухимдал төдийлөн асахгүй, дуу аяласан шиг байх нь элбэг. Өглөөний цайг яаралгүй уухаар тухлах боловч энэ үед галын өрөөн дэх ханын цаг явах болсоныг сануулах тул цай уулт, хувцаслалт хоёрыг нэгэн зэрэг амжуулах хэрэгтэй болдог. Хувцасны сонголт хэдий арвин ч насжилтаас үүссэн махжилт (өөхжилт)-ийн үр дүнд хуримтлагдсан целлелютны давхаргаас болж багтах хувцасны тоо хэмжээтэй болсон бөгөөд хэзээ нэгэн цагт фитнэст явж золигийн целлелютнээс хагацаж чадна гэдэг итгэл дүүрэн бодол энэ үед байнга эзэмдэнэ. Энэ бодол улмаар цай уултанд нөлөөлж, гурилан юм идэх хүслийг унтраан ганц аяга кофе, Липтоноор өглөөний цайг орлуулна. Хувцас сонгох нь дотуур хувцаснаас авахуулаад гутал, цүнх, зүүлт гэсэн хоорондоо уялдаатай алхамуудтай бөгөөд хамгийн мэргэн сонголт нь өчигдөр тайлаад тавьсан хувцас байх нь олонтой. Хувцаслаж дуусаад үнэртэй ус цацах нь нэгэн төрлийн Мандал өргөхтэй адил ёслол бөгөөд манай 30+ гадуур хувцсаа хэдрэн гарч одоход бэлэн болжээ. Гадаа гарч гар өргөн таксидсаар одох нь түүний ажлын өдрийн төгсгөл хэсэг бөгөөд хот газар ажилдаа 30 минутаас хожимдолгүй ирэх нь түүний буруу бус түгжрээний буруу билээ.

Тэдний хайр дурлалд хандах хандлага нь дараахь байдлаар илэрнэ. Үүнд:

Миний бие өнгөрсөн сар 30+ хүүхнүүдийн өглөө, өдөр, орой болон ажил, гэр орондоо хэрхэн ажиллаж, амьдардаг тухай бичсэн билээ. Харин энэ удаа тэдний хайр дурлал, түүнд хэрхэн ханддаг хандлага, ололт амжилт, азгүйтэл бүтэлгүйтэлийн талаар сүүлийн 3 сарын хугацаанд явуулсан судалгааг үндэслэн бичихээр шийдлээ.
30+ хүүхнүүдийг адал явдалд дурлагсад болон эс дурлагсад гэж нийтэд нь 2 ангилна. Эс дурлагсад гэдэг ангилалд багтагсад нь өөрийн хүсэл шохоорхол, хайр сэтгэлийн асуудлаа бусдын нүд, чихнээс чадамгай нууж чаддаг эрийн сайн хань, үрийн сайн ээж байдаг бөгөөд тэдний зарим нь өөрийн ухамсарт амьдралаа зөвхөн нэг эрийн төлөө зориулдагаараа бусад эмэгчин хөхтөнүүдээс хөгжлийн хувьд сул дорой мэт харагддаг онцлогтой. Адал явдалд дурлагсадыг дотор нь хөргөлттэй хөдөлгүүртэй, хөргөлтгүй хөдөлгүүртэй гэж ангилна. Хөргөлттэй хөдөлгүүр бүхий +30 ууд нь төгс эрээ олох хүртлээ идэвхитэй үйл ажиллагаа явуулдагаараа хөргөлтгүй хөдөлгүүртэй +30-тай төстэй байдаг боловч тэд дэс дараалалтай ажилдагаараа нөгөө бүлэгт багтдаг хүмүүсээс ялгардаг. Тэдний амьдралын хэв маяг даянч нартай төстэй бөгөөд ихэнх нэрд гарсан эмэгтэй даянч нар бүтэлгүй хайр дурлалаасаа болж дээрх замыг сонгож авсан байдаг. Тэд ихэвчлэн нэг хүүхэдтэй байдаг нь нийтлэг бөгөөд амьдралынх нь ганц баяр бахархал байдаг нь мэдээж. Хөргөлттэй хөдөлгүүр ангилалын +30-уудын стрессээ тайлах арга бол маш энгийн, тэд ихэвчлэн хувь заяандаа хэн нэгэнд шил дарсны дараа гомдоллож 1-3 здусал нулимас гаргаад дотор нь цэлмэдэг. Гэхдээ тэдний амьдралд өөрсдийнх үзэж байгаагаар төгс төгөлдөр эр хүн орж ирсэнээр аз жаргалтай болох ба төгс төгөлдөр эр хүн гэдэгт хэн ч багтаж болдог нь сонирхолтой.
Одоо адал явдалд дурлагсадын хөргөлтгүй хөдөлгүүр хэсэгт багтдаг хүүхнүүдийн тухай таницуулья. Тэднийг нэг үгээр тодорхойлох ямар ч боломжгүй. Хэрэв хамгийн товчхоноор тодорхойлвол "тэсрэх гэж байгаа атомын бөмбөг" гэсэн үг хамгийн оновчтой нь болно. Янаг амрагийн явдалд дадамгай, дадамгай бус бол асар их сонирхолтой. Эрчүүдийн анхаарлын төвд байж, дэгжин хувцаслаж явах асар их хүсэлтэй бөгөөд хэдий олон нууц амрагуудтай байна төдий чинээ сэтгэлийн амар амгаланг олж авдаг. Үнэнч байдал гэдэг ойлголт тэдэнд маш харьцангуй хүлээн авдаг бөгөөд өөрийн явж буй амьдралын хэлбэрээ хамгийн үнэнч байдал гэж боддог. Тэд дурлах юм уу эсвэл хэн нэгэнтэй урт болон богино хугацаагаар дотно харьцаанд орох юм бол гаригаа харин ч нэг андуурах шиг болно. Өмнө нь хэн байснаа мартаж, ирээдүйд хэн болохоо ч ухаарах сөхөөгүй болдог. Тогтоосон харьцаа нь бүтэлгүйтвэл төрсөн гариг дээрээ эргэн унах хүртлээ болсон явдалд итгэхийг хүсдэггүй, итгэсэн ч зүүд байгаасай гэсэн бодлыг удтал хадгалсаар яваад ижил сүрэгтээ аргагүйн эрхэнд нэгдэнэ. Энэ бүлэгт багтдаг хүүхнүүд хэн нэгнийг олж авахын төлөө боломжит бүх аргыг хэрэглэнэ. Гар, хөл утас, интернэт, мэссэнжер, skype гээд ашиглаж болох бүх хэрэгслийг тэд чадамгай ажиллуулж өөрийн обьектоо олдог. Боломжтой бол шугамын радио, ФМ станцыг ч ашиглахаас сийхгүй. Тэдний идиал эр хүн гэсэн ойлголт тогтворгүй байдаг бөгөөд нэг өглөө Жеймс бондыг мөрөөдөж босож ирдэг бол дараа нь Жан Клод, Ван дам нарыг хүсэх, эсвэл Эрээнбо, Шаварцнегр нарыг эрэлхийлэх зэргээр тогтмол өөрчлөгдөж байдаг. Хайр дурлалын сүлжээндээ маш хүчтэй орооцолддог бөгөөд заримдаа нууц амрагуудынхаа дунд төөрч будилах нь олон тохиолддог. Өглөө хэлсэн үгээ өдөр мартаж, орой болоход өдөр ярьсанаасаа огт өөр юм ярьж байдаг нь Паркинсоны өвчнөөр асар хүчтэй өвчилсөн мэт сэтгэгдэл төрүүлдэг. Энэ бүлгийн хүүхнүүд стрессээ тайлахын тулд хамаг уур бухимдлаа муу, муухай үгний цуглуулга дундуур оруулж гаргаж ирэн хааш нь ч хамаагүй цацаж байж тайтгаралыг олдог. Үг хэлэнд цэцэн цэлмэг байдгаараа өмнөх бүлгийн хүүхнүүдээс онцгой ялгардаг гэдгийг хэлэх нь зүйтэй болов уу. Зарим үед огт санаа зовохооргүй юманд шаналдаг бөгөөд ялангуяа Солонгосын сериалын баатруудын төлөө сэтгэл зовох байдлаар нэн тод илэрнэ. Төгс төгөлдөр эр гэсэн тодорхойлолт нь байнга өөрчлөгдөж байдаг тул хэн нэгнийг хайсаар байгаад насыг барах үгүй бол хэн нэгнийг төгс төгөлдөр эр гэж сонгож авсанаа дахин өөр хэн нэгнийг төгс эр байна гэж бодож, өмнөх эрээ зайлуулах үйлдэл дунд тэдний бүх амьдрал эргэлдэж байдаг билээ гэсэн товч үгээр энэ нэг сэдэвт судалгааны ажлын тоймыг өндөрлөе. Анхаарал тавьсан явдалд баярллаа

30 гарсан Single хүүхний орой

Тэд их сэхүүн. Лимбийн уран эгшигийг нэг бус хэдэн ч хөгжимчнөөс сонсох дуртай ч сонголт хийх болоход хаа байсан харь гариг гийчинг сонгох нь элбэг. Тэдний хийсэн сонголт алдахаасаа онох нь их байдаг. Яагаад гэвэл тэд багийн тоглолтоос илүү ганцаарчилсан, салангид тоглолт хийхдээ туршлагажсан байдаг. Тэд хорин хэдэтнүүдийг бодоход амьдралыг илүү амталсан болохоор өөрийнхөө дүрмээр тоглоход боломжтой хүнийг сонгохдоо гарамгай. За энэ ч яахав...

30 гарсан Single эмэгтэй гэхээр дэндүү урт байгаа учраас зүгээр л 30+ гэж нэрлэе. 30+ ажлаа тараад гэрийнхээ үүдэнд буулаа. Орцоор орж шатаар өгсөн, давхартаа гараад цүнхээ ухаж байна. Түлхүүрээ хайж байгаа нь... Аманд нь бэлэн байдаг Европ хараалын үгийг бараг гарган алдаж байтал "Oh My God" түлхүүр нь олдов. Цүнхээ ухахдаа цухалдсан уураараа хаалга нээх гэж байгаад огцом гараа татан авлаа. Юун тогонд цохиулах, хайрлан хадгалдаг хумсаа хугалж байна. Амандаа юу ч юм бувтнан хаалгаа болгоомжтой нээн орлоо. Гутлаа тайлахдаа нэг хөлөөрөө нөгөө хөлийнхөө гутлын өсгий дээр гишгэж тайлна... Ээ гай, баруун хөлийн эрхий хурууны хумс урт ургаад шилэн триконы өлмий цоолчихож. Түлхүүр, цүнхээ үүдний хажуугийн сандал дээр шидээд цуваа өлгөв. Нөгөө өрөөндөө орж толины өмнө хувцсаа солино. Шар шур хийсэн чимээ гаргаж солихгүй бол сольсон болохгүй бөгөөд хувцас заавал шар шурхийж байх ёстой. Шар шурхийдэггүй бол тэр хувцас биш. Хувцсаа солиод тольдоно. Гэхдээ гадна фасадны ерөнхий тольдолтийг босож, сууж, тонгойж, бөхийх байдлаар хийх бөгөөд гэдэс хэвлий, гуя, өгзөгний хэсэгт анхаарал төвлөрсөн байна. Хувцсаа сольж, тольдож дуусаад 00 орно. Ус шоржигнуулж нүүрээ угаагаад бас дахин толинд харна. Энэ удаагийн тольдолт бол жинхэнэ урлаг байх ёстой. Нүдээ том жижиг болгоно, хамраа шантайлгана, үрчлээгээ тэнийлгэнэ. Зорилго нь 10 жилийн өмнөх мандан бадарч байх үеийн ул мөр байна уу үгүй юу гэдгээ мэдэх явдал. Байгаа гэхдээ тэр нь зөвхөн нүднийх нь харцанд л үлдсэн. Усны өрөөнөөс гараад цувныхаа хармаанаас утсаа гаргав. Мэссэж, дуудлага байдаггүй. Муу "цаг" гэж хэлснээ хармаалж галын өрөөнд орж оройн хоолоо иднэ. (Цаг бол тун муухай үг). Хөргөгчнөөсөө зүсэм бялуу, тараг гаргана. Бялуугаа нэг хазлаа, дахиад хазлаа. Гэнэт огло үсрэн босож гуя, өгзөг, гэдсээ сунгаж, татаж үзнэ. Харцанд эгдүүцэл тодорно. Үлдсэн бялуугаа хөргөгчинд хийгээд, таргаа барин ТВ өмнөх буйдан дээр хөлөө нугалан сууна. Энэ суулт секси сэдэл өгөх чадалтай. Гарт нь ТВ удирдлага заавал байх ёстой. Суваг хэсүүлж хэд хэд дарснаа Шоон Пээн, Чарли Шиин-тэй нэг кануу олоод тавина. Гэхдээ үзэхгүй, хажууд нь нэг эр байх ёстой. Тэр зайг нөхөж байгаа нь тэр. Таргаа уунгаа "цаг"-аа гаргаж хараад хаа нэгтээ залгана:

-Бийна уу? Юу хижийгайн? Аан за за баяртай. Дахиад залгана:

-Бийна уу? нөгөө баагий бас ник найзтайгаа байна уулзах уу гээд байсан. Өө тийм үү?? Залгана:

- Хүүе Цэечка, Чи нөгөөдөхөө надаа өгчих л дөө. Өө яасан өөдгүй юм бэ? Утсаа салгаад диван руугаа шидлээ. Амандаа муу авгай чинь гэж бувтнаастай. (Авгай, цаг хоёр их муухай үг). Гэтэл утас дуугарав. Ухасхийн босож хартал улаан фенийх нь дугаар. Энэ удаа бол ногоон кнооп дараа л бол ялагдлаа гэсэн үг. Утсан дээрээ дэр шидээд Пи Си-ээ асааж уржигдар мээсэнжэрт танилцсан хөгжилтэй залуутай чатлахаар суув. Даанч тэр нь байхгүй болохоор гунигтай. Гэхдээ яахав өөрт нь лимбийн эгшиг тоглох хүмүүс тэр ертөнцөөр дүүрэн...

Нэг мэдсэн чинь блог дээрээ юм бичилгүй асар удцан байна ш дээ. Өглөө боссон чинь шарталт хусцан, нойр дутуу, харь гаригийн амьтан болцон энэ тэр. Тэгэнгүүт нөгөө лаг толгойгоо ажиллуулаад бодлоо. Юу бодоод донгиороод эхэлсэн бэ гэвүүл. Ямар өдрийн өглөөг хамгийн их хүсдэг юм бол доо гэж. Та нар бол доо гэж бичсэн байхад Болдоо гэж юун залууг бас бодоод байгаа юм бол гэж бодож болохгүй шүү. Бол доо, Болдоо 2 чинь шал өөр юм байхгүй юу. Би ингээд л хүнд юм заагаад, дайсанд баригдах юм бол хамаг нууцаа мэддэг, мэддэггүй хамаагүй бураад сүүлд нь дайснууддаа зодуулахаар үнэн худал итгэхэд бэрх юм яриад балрах байхаа. За энэ ч яахав.

Та нарт ямар өдрийн өглөө сэрэхэд сайхан санагддаг юм бол бүү мэд. Надаа бол цалин буух өдрийн өглөө л цас, бороо, шуургатай ч байсан хамгийн сайхан санагддаг. Цалинг сүүлийн үед картанд хийдэг болоод байна. Харин надад бэлэн мөнгөөр цалингаа аваад л авсан цалингаа хуруугаа нулимж байгаад тоолох сайхан санагддаг. Яг хөдөлмөрийн баатар шиг. Нээрээ хөдөлмөрийн баатар ямар цалин авдаг бол??? Шалихгүй байхдаа, нөгөө төлөөр нь түмэн малтай болсон Намхайнямбуу баатар УИХ-ын гишүүн болж байснаа дараа нь хачин амьтан болцон зурагтаар гарч байсан шдээ. Тэрнийг нээрээ яах гэж тэгж тамалдаг байнаа? Зүгээр л сүргийн бэлчээрт нь байлгаж л байхгүй. Түм /10.000/ малтай хүн бол насаараа какарна ш дээ. Мань мэтэс шиг зах гарч мах авахгүй, малынхаа захад зогсож байгаад л аа золиг энэ их зэвүүн, нүдэнд хүйтэн хонь байна, цохиноо гээд л. Үгүй бол зараад өөр гоё юм аваад л. Гэтэл би гэж түмэн мал хариулах заяагүй, өөдгүй одонд төрцөн баагий цалинг сард хоёрхон удаа аваад л тэрүүгээр мах, гоё юм авдаг нтр. Уг нь бол өдөр болгон цалин буудаг бол хичнээн сайхан. Тэгвэл цалингаа аваад л орой болгон авгайдаа мөнгөө өгөөд л. Нөгөө авгай нь гэж бас нэг таарцан баагий өөрийгөө сангийн сайд гээд бодцон, би тэрнийг нь хөөргөх гэж бас нэг хийх ажилтай байхгүй юу. Заримдаа цалингаа аваад пиав миаванд ууж үрчингүүтээ кассны мөнгө дуусаад, үгүй бол мөнгөний нярав өвдөөд гээд тэрүүхэн тэндээ худлаа бавнаа. Сүүлд нь бавах ч сэдэвгүй болоод ирэнгүүт манай авгай америк тивийг нээсэн Христофор Колумб шиг архичин баагиитай амьдарч байгаагаа гэнэт мэдэж орь дуу тавьж аймаар болж за за авгайгаа хүний адаг болгох гэж байна ш дээ.

Одоо нэг гэрээ мэрээ нь батлагдаж, цалин нэмэгдэх нь үү үгүй юу? Өчигдөр нээрээ З. Энхболд юу гээд байсан бэ? Монгол африктай адил ч гэж байх шиг. Африктай адил юм бол яагаад бид нар хар болж төрөөгүй юм бол??? Гэхдээ хар биш ч харлаг, халтар гарууд зурагт мурагтаар дуу дуулж, бас зодоон хийж харагдаад байсан. Хэнийг хэлж байгааг мэдэж байгаа биз дээ. Кофи Аннан лав дуулж, бас бокс тоглоогүй шүү. За за цалинг өдөр болгон өгдөг болохын төлөө гээд энэ хундагыг татаж үзүүлье.

Гажиг...

Би гэж нэг гажиг гар байнаа яанаа. Хэд хоногийн өмнө нэг сайт дээр бүртгүүлээд л хүмүүсийн анкет үзлээ. Тэгсэн чинь тэнд нэг хампаан Үйлдвэр худалдааны сайдаас илүү Монголын гадаад худалдаа, аж үйлдвэрийн бодлого, мөнгөний эргэлт, дотоодын нийт бүтээгдэхүүнд үнэн санаа зовж байгаа бололтой. Өөрийнхөө танилцуулга гэсэн хэсэг дээр нь бүхэл бүтэн УИХ-ийн нээлт дээр ерөнхий сайдын хэлдэг үгнээс их юм бичцэн энэ тэр. Бидний бүх юм хятадын хужаа нараас хараатай боллоо. ингэж болохгүй ингэхийн оронд өөрсдөө юу ч хамаагүй хийгээд хэрэгтэй гэсэн хүнд нь зараад бай. Тэгж зарахад чинь ах нь 7 хөл зовлогоо зориулна ч гэх шиг авч өгчээ. Тэгсэн мөртлөө нөгөө этгээдийн вэб хаяг гэсэн чинь хттп//:ввв.майчайна.ком/ гээд наачихсан байгаам даа. тэр лав Монгол хонины арьс нөмөрсөн хятадын волк байхаа тээ. Надад тэгж санагдсын ш дээ.

Бас нэг сүлжээний бизнэс хийдэг шал хөдөөний таг ховсчин хүүхэн байнаа. Анкет нь үнэн марзан гэжийгаа. Ажлын хаяг гэдэг дээр нь баахан л дарга, захирал, манажар хийсэн гээд биччихсэн байгаам даа. Төгссөн сургууль гэдэг дээр нь болохоор нэг дээд сургууль төгсөөд 1-7 хоногийн семинаруудаа ирийтэл нь биччихсэн гэжийгаан. Тэр семинарууд нь гэсэн чинь мөнгөгүй мөртлөө шуналдаа хөтлөгдсөн баахан ховсчин хүүхнүүдэд гадаад ховсчид нь ирж баахан худлаа шаасан юмнуудаа бичцэн энэ тэр. Лайтай байгааз ??? Би ер нь гажигтаад нэг сүлжээний ховсчин болноо яадаг юм. Зүгээр ч ховсчин биш бүр архаг ховсчин болноо. Тэр бүлгийнхээ хүмүүсээс хэдэн гөөнгө салгаад далбаа, малбаа, дүрэмт хувцас мувцас захиалж хийлгээд, эргүүлж өөрсдөд нь шахаад л бас нэг архинд дуртай зохиолч гээд бодцон нэг бацаанд авдар найрка авч өгөөд дуу шүлэг зохиолгоод баллана даа. Иймэрхүү юм сэтгээд байгааг бодохоор бас гайгүй ховсчин болох юм шиг байна уу. Нээрээ тэр жил би ямар ч орлого олоогүй мөртлөө 2 хүний зад ховсдоод хаясаан. Гэр орноосоо хол овоо хэд хоносон хоёр гартай хээр тааралддаг байхгүй юу. Тэгэнгүүтээ нөгөө хоёртоо хоол ярилаа. Миний дэлгүүрээс Хаан бууз аваад л жигнэнгүүтээ доод булангаас нь жижигхэн хазаж цоолоод шөлийг нь ховх сороод гарсан нүх рүү нь польш цуу хийж байгаад намь намь хийх ч сайхан шүү гэсэн чинь нөгөө 2 гар чинь ам нь ангайчихсан байх юм аа. Би тэгэхээр нь ховсоо улам амттай болгох гээд гэрийн гийдайны тухай ярьж гарлаа. Пяртан биш шүү. Пяртан хийхэд процедурын хувьд гийдайтай адил боловч сүүлийн хэсэгтээ гийдай хийхэд заазуур хэрэг болдог бол пяртанд гар байхад л болоо. Өө нээрээ тийн, нөгөө хоёр гарт чинь би ярьж байхымаа: гийдайны гурилыг гараараа зуураад, гараараа элдээд заазуураар хэрчээд шөлөндөө хийгээ л буцлаад болонгуут нь ногоон сонгино хийгээд л гээд авч байгаад нөгөө гаруудаа харсан чинь нэг нь ам нь ангайгаад гөлийчихсөн, нөгөөдөх нь чихээ тас таглаад хэвтэж байна. Яасан бэ гэсэн чинь яагаад яриагаа таслаад байгаа юм яг шөл уух гэж байхад чинь гээд нэг нь хэл байна. нөгөөдөх нь хоолны чинь үнэр ханхалаад байна гэдэг байна ш дээ. Ингээд бодохоор би бас ирээдүйтэй ховсчин болох байгаа биз?

За нөгөө сайтынхаа тухай ярияа /ингэж бичдэг бил үү яадаг билээ???/Тэр сайт дээр хүнтэй танил болох уралдаан болдог байгаа юм шиг байна лээ. Хүмүүс танилций гэчихээд л за танилцсан юм чинь энд тэнд очоод ганц юм хусах уу барих уу гэхээр таг болж байгаа юм даа үнэн өөдгүй. Би тэр олон танилтай болохын оронд чанартай ганц хоёр хампаантай болоод л хааяа нэг хараа мараа хусахгүй юу. Эсвэл зальтай гарууд танилынхаа тоог 500 эсвэл 1000 хүн болгож байгаад бүгдэнгээс нь зэрэг 1000 төгрөг гуйвал хэн ч үгүй гэхгүй бүгд өгөөд тэр дороо лаг баян болж болох юм байна гэдгийг аяагүй бол сэтгэцэн байхаа. АА бас тэнд янз янзын лүүнзүүд байнаа. Түрүүний ярьдаг ховсчин хүүхнээс авахуулаад ирээдүйгээ тасархай гээд бодцон лүүнзнүүд шүү бүр. Миний харсанаар бол гайгүй гуняа нар гадаадын прендлий сайт дээр өөрийгөө нигууртай тавьцан байдгийн. тэгэнгүүд гадаад зах зээл дээр борлогдох найдваргүй 2-3 зэргийн бараа биш ээ лүүнзүүд нь болохоор "3 зэргийн барааг гологдол гэхгүй" гээд дотоод зах зээл дээр өрсөлдөөд байгаам шиг ээ. За за мань Гамбино нэг ингэж солиорч авахгүй бол орой нойр нь хүрэхгүй ш дээ.

Хариугүй юм байж бас хайр ярих гээд байгаа юм даа.

Би нээрээ ардын болон зохиолын дуу сонсохоороо заавал нэг гачин юм олж мэдээд байдаг донгио товарищ байгаа юм. Сая нэг ардын дуу сонслоо. Энэ дуун дээр нэг саваагүй гар хийх юм аа олж ядаад янжуур аваад асаагаад зуугаад эхэлжээ. Зуух зуухдаа Marlboro, Parliament, Kent зуулгүй нэг муу Алтан навчис, Цагаан шонхор хавьцаа юм зуусан юм шиг байгаа юм. Яаж мэдэж байна вэ гэхээр утаа нь янзын муухай үнэртэй санагдаад дотор нь муухайраад холилдоод явсан юм уу даа. За тэгээд нөгөө гарыг чинь толгой нь эргээд бөөлжис цутгасан тухайгаа дуулах нь гэтэл янаг сэтгэл хэвээрээ бол яаж ийж байгаад хүн амьтны завсраар уулзая муулзая гэнээ. Нэг янжуур олигтойхон татаж чадахгүй байж бас хүүхэн найрах юм болоод байгаа юм даа. Цааш нь нөгөө хампаан чинь тамхи татаж чадахгүй байж бас архи уух гээд ч байх шиг. Юу гэжийн гэхээр алимаар нэрсэн архийг нь болбол амтыг нь аваад согтож байна гэнэ шүү. Алимаар архи нэрсэн гэхээр алимны дарс болоод явчихаж байгаа юм. Би бол хэзээ ч алимны дарс уухгүй ээ. Согтох ч үгүй шал худлаа жаахан халааж байснаа эргээд эрүүл болох юм чинь. Харин алимны дарс авах мөнгөн дээрээ жаахан мөнгө нэмж байгаад Хараа мараа, Ерөө мөрөө авсан нь дээр байхгүй юу тээ? За тэгээд согтонгуутаа нөгөө гарыг чинь хүн амьтанд агсан тавиад унасан тухайгаа дуулах нь гэтэл харин жаахан 100 татаж аваад хүүхэн эргүүлэх гэсэн гар болоод явжийнаа. Дараагийн бадаг болохоор алимны дарс ууж согтоод, хүүхэн эргүүлээд хаширсан гарыг бас нэг таарсан таар шуудай нь үзэмний дарс ууя гэсэн юм уу даа. Харин нөгөө гар чинь алимны дарс ууж согтоод нөгөө хүүхнийхээ хажууд өмд хамдандаа шээж паактлаад хаширчихаад үзэмний дарс авч ирсэн хампаандаа аймаар учирлаж байна гэнээ. Үзмээр нэрсэн архины үнэрийг аваад согтож байна гэнээ. Архины үнэр аваад согтоод байдаг бол амар байгаа биз? Мөнгөөрөө архи авч шатахгүй, зүгээр л баранд ороод надаа жаахан архи энд хийж өгөөч гэж пенцелины шилний ёроолд дусаалгаж аваад ч юм уу эсвэл архи ууж байгаа гарууд дээр очоод шил авна шил авна гэж хэд хашиграад бараадад суунгуут гарууд уусан архиныхаа шилийг өгөөд л тэрнийг мань хүн тасартлаа үнэрлээд какрах юм биш үү. Архи авалгүй хэмнэсэн мөнгөөрөө ТҮЦ-ээс баахан гоё гоё юмнууд аваад лайтай ш дээ...

Оол юу нийд из Лаав /Лаг англи нэртэй...

Өнөөдөр лаг сэргэлэн сэрдэг байна ш дээ. Аргагүй ш дээ, ууж согтуураагүй юм чинь ухаан санаа саруул байх нь. Өглөөнийхөө хоолонд бага зэрэг шарсан өндөг, халуун ногоогоор амталж шарсан зайдас, гахайн шарсан мах 2 хэрчмийг идээд, аяга чангаанзны шүүсээр дарууллаа. Сэтгэл санаа аймаар өндөр болохоор нь цоглог дуу сонсмоор санагдаад IPOD дээрээ Billy Idol, Jimi Hendrix нарын дууг тавиад алхаж гарлаа. Тэгсэн чинь нөгөө дуунууд чинь хэт хүнд санагдаад байхаар нь File Manager-аа нээж байгаад орос дуу сонсохоор сонгож тавиад цааш алхлаа. Валериа гэдэг хүүхний Старые песни о главном -4 дээр дуулсан "Зүүдэнд ч оромгүй явдал" киноны дуу явдаг юм байна. Оо тэгсэн чинь мань үнэн хөөрч нтр. Уг нь би тийм сонин дууг нэг их тоож сонсдоггүй байхгүй юу. Яагаад би ийм дуу муу сонсоод хөөрөөд байгаа юм бол доо гээд бодлоо. Бодож бодож өөрийгөө ухаан сууж байгаа юм байх гэж боддог байна ш дээ. Эртээд нэрээ унтах гэсэн чинь толгой өвдөөд болдоггүй ээ. Аналгин уулаа дарагддаггүй, давхарлаад уулаа болдоггүй. Аргагүйн эрхэнд бараг үүрээр шахуу ядарсандаа болоод унтсан байдаг байгаа. Гэнэт сэрээд боссон чинь аймаар ухаантай болсон байсан ш дээ. Яаж ухаантай болсоноо мэдсэн бэ гэж үү. Би уг нь өглөө сэрээд яаж ажилдаа явнаа, ажил хийхээр оюун санаа төвлөрөх бол уу яах бол гээд шал тэнэг юм боддог байхгүй юу. Тэгсэн чинь ухаан орсноо мэддэг өдөр сэрэнгүүтээ гадаа ямар байгаа бол оо гэж бодож байна ш дээ. Бодонгуутаа хаалгаа нээгээд харж байнаа. Яах гэж харж байна вэ гэхээр ямар хувцсаа өмсөх вэ гэдгээ шийдэх ухааны юм болж байх шиг байнаа. Яг үнэндээ шийдэж ядаад байх юм байхгүй л дээ, уртаашаа ганцхан ажлын бахиалтай, жинсэн өмд, 1 фудболк, 2 оймс, 3 гаагаатай хүн чинь гаагаа оймсоо л солихгүй бол өөр юугаараа ч гангарах билээ. Ямар цоорхой оймс, гаагаагаа гаргаад яваад байлтай биш дээ гэж бодонгуутаа ухаан санаагаа өөр хэрэгтэй ямар юманд зарцуулдаг юм билээ гээд бодоод эхэлж байнаа. Бүр овоо ш дээ тээ. Дээхнэ архи, пиав өдөр алгасахгүй цавчдаг байхдаа, сэрэнгүүтээ л хаанаас яаж 1 юм олж уух вэ гэж бодоод, бодож бодож олонгуутаа босоод нөгөө 1юмаа олж уунгаад, дахиж хаанаас 1 юм олох вэ гээд зөвхөн хязгаарлагдмал хүрээнд тархиныхаа потенциалыг бардаг байсан байгаа юм даа. Паа ёстой насандаа анх удаа лаг урт өгүүлбэр бичдэг байна ш дээ. Тэгсэн чинь одоо бүр хүн төрлөхтнийг сүйрлийн ирмэгт хүрэнгүүт нь аврах ухааны том том юм боддог болж энэ тэр, лайтай байгааз??? Гэхдээ мэдээж харь гариг маригаас хүмүүс ирээд лазерийн туяа муягаар буудаад эхэлвэл яах юм бол бүү мэд. Гэхдээ Наран туул зах биш ээ Олон улсын худалдааны төв дээр гүйж очоод тоглоом зардаг хүмүүсээс лаг лаг хэлбэр, өнгөтэй усан буунаас нь дараа хөгшин чинь мөнгийг нь өгнөө гэж зад хулхидаад хэдийг аваад, Спайдер ман-ы цамцыг, батманы багтай зүүгээд хоёр гартаа нөгөө буугаа бариад гарвал харь гаригийханы сунс нь зайлна даа. Би нээрээ лаг болж байх шиг байнаа. Аймаар аймаар урт өгүүлбэр бичээд байх юм. Нээрээ харь гаригийнханд сүнс байдаг бол уу??? Мэддэг хүн байвал хэлээрэй утас бол хотлайн ш дээ. Ер нь тогтмол гардаг зарын сонинд харь гаригийн хүнтэй танилцана, сэтгэл нийлүүл амьдарна гээд зар өгнөө. Аяа хадмындаа очих гээд л явж байнгуут таньдаг хүмүүс тааралдаад " Гамбино хаачих гэж байна" гэвэл харь гаригийн виз даруулаад хадмындаа очих гэж байгаа ш дээ гээл. Нөгөөдүүл чинь "өө тэгвэл гоё юм авч ирээрэй" гэхээр нь таалагдвал тэндээ суурьшинаа гэх ухааны юм ярьж томроноо. тэгээд харь гариг дээр очингуутаа эхлээд тэндхийн дэнжийн 1000 зах дээр нь кофе, аарц хийж зарж овоо мөнгө цуглуулж байгаад ТҮЦ түрээслээд, тэр ТҮЦ-ээ газрын зөвшөөрөлтэй нь худалдаж аваад томруулж хуушуурын гуанз болгоод, бүр томроод барилга марилга бариулна ш дээ. Дараа нь хувьдаа пуужинтай болонгуутаа харь гаригийн авгайгаараа бариулаад Хятадад очоод хэдэн барилгачин хужаа авч очоод баахан байшин бариулж зараад уул уурхайн салбарт нь орно. Нээрээ харь гаригийн хүүхэн ямар байдаг бол? Топ модель Одгэрэл шиг мөртлөө Соёлмаа шиг ааштай бол алав аа тээ? хэдэн хампаантайгаа нийлж харь гаригийн пиав миав, Алтан түрүү уусан шиг ирнэгүүт хувцас мувцас боож тавьчихаад тэр муу дэлхий рүүгээ тонил монил гэж орилоод орцоор нэг юм болж би нэг нүд болноо яанаа. Үгүй бол дундговьд тааралдсан нүдээрээ инээмсэглэсэн тарган шар хүүхэн шиг хэлгүй юм байвал амар ч юм уу. сэргэлэн цовоо сэрээд, орос дуу сонсоод хөөрсөнөө бичих гэсэн чинь бүр харь гаригтай хайр дурлал болох нь шиг байна. Ингээд бодохоор нээрээ сайхан амьдрахад юу хэрэгтэй юм бэ??? All you need is LOVE гэдэг үнэн л байхгүй юу даа.

Муу хүн идсэн ээ гэж

Өчигдөр энэ зурган дээр байгаа үхрийн нурууны махыг идлээ. Тэгсэн чинь англи хэлээр ярьж хэлд ордог орны хүмүүс үхрийн нуруу гэхгүй Т боон гэдэг юм байна. Маниус ястай махыг усанд хийж буцалгаад, шөл гаргаад махыг нь төмс мөмстэй иддэг бол энэ гадныхан чинь шууд бараг задгай гал дээр шардаг юм байна. Зүй нь бодоод байхнээ цагаан сар маягийн юм болдог юм уу хаашаа иин. Идээд л пиав миав, вино мино уугаад л, холливуудын баян айлын амьдрал үзүүлдэг кино шиг юм боллоо. Би тэгсэн чинь яахав мах хараад л мангас шиг дайраад л пиав, вино 2-т вибратор барьчихсан юм шиг чичрээд аймаар юм болжийноо. Ойрдоо гашуун нясуун юм амсаагүй болоод халж байна гэж хурдан байнааа. Нээрээ Гамбино гэдэг гар дандаа л уусан идсэнээ ярих юм өлсөж үхсэн хүний сүнс юм бол уу гээд гайхаж майхах хэрэггүй. Хампаан нь бас тэгж байгаад 70 гаруй хүмүүсийг төлөөлж сонгогдсон гишүүн хүн байхгүй юу. Юуны чинь УИХ-ийн гишүүн. Тэнд чинь дандаа иддэг уудаг, гэхдээ жаахан тэнэг гарууд сонгогддог байхгүй юу. Би ч гэсэн идэж уудаг л даа. Гэхдээ тэр 76-ийн хамгийн гайгүй тэнэгээс нь арай дээр өөрийн гэсэн ухаантай байхгүй юу. Жишээ нь би дэлхийн дулаарал, 1000-ны замын хэвтээ тэнхлэгийг нь тэр чигээр нь явуулаад дэлхий тойрсон зам барих болон босоо тэнхлэгийг нь босгоод байвал хаана хүрч зогсох вэ, эх газрын төвд цунами болвол яаж бултах вэ, нэг өглөө босоод хартал нар байхгүй бол хэнтэй эхэлж заргалдах вэ? Хэрэв Путин юм уу Медведев хоёр надад 10 авдар архи өгвөл би Японы эзэн хааныг найрч байгаад Курилын арлыг нь аваад өгч чадах болов уу гээд л глобал шинжтэй аягүй олон олон юм боддог байхгүй юу. Тэгэхэд тэр муу 76-д бол ийм юм бодох тархи байхгүй ш дээ. Өө нэг мэдсэн чинь мултраад юуны гишүүн бэ гэдгээ хэлэхээ мартах гэж байна ш дээ. Товчилбол лаг харагдана. ҮХЦХ гэж байгаа юм. Юм мэддэг болох гэсэн гар бол Үндсэн хуулийн цэцийн хороо гэж хэлмээр байгаа биз? Гэхдээ энэ бол тэр үндсэн хууль муультай огт хамаагүй ҮХЦХ гэж байгаа. Тодруулах юм бол Үндэсний Хоолны цэсийн хороо юм. Тэр хороонд надтай адилхан хэдэн гарууд гишүүн нь гээд байдаг юм. Нөгөөдүүл чинь сард нэг хуралдаад лагаа. Хурлаараа сард хүмүүсийг ямар хоол идэх тухай шийднэ. Үнэн чухал байгаа биз??? Хүмүүсийн ходоодтой нь тулж ажиллах нь байна ш дээ. За нэг иймэрхүү юу хэлэх гээд байгаа нь мэдэгдэхгүй юм баахан солиороод унаваа гэж.

Strange man буюу гажигтай амьтан

Та нар намайг ам шүд арзайсан хүний зурагтай мөртлөө Brain Johnson гээд бичсэн зураг тавьсан болохоор нь нөгөө Гамбино чинь тэснэ тэснэ гэхэд яаж тэсэхэв, одоо л AC/DC-ээ ярьж эхлэх нь гэж бодож байна уу? Үгүй л байхгүй юу. дахиад бас тэснээ. Энд нэг юмыг бүр ярихгүй бол бүр ам загатнаад болдоггүй ээ. Хэдэн сарын өмнө найзуудтайгаа зад дискоддог байхгүй юу. Маний дискодох ч гэж юу байхав зүгээр дэл сул пиав миав хүнээс илүү уучих санаатай өлөв долов гээд явж байлаа л даа. Бас болохгүй нөгөө гар чинь мэддэг хэдэн Англиш хэлээрээ тэнд бүжиглэмээр болж байгаа гадаад гаруудтай юм ярьцан тууж яваа юм биш үү. Өө тэгсэн чинь нэг гар учир зүггүй юу уухав юу уухав гээд байхын. Гашуун нясуун юманд хар багын дуртай юм чинь шууд л энэнээс 2-ыг, тэрнээс 3-ыг, түүнээс 2- үүнээс 4-ийг гээд л хэлсэн чинь чи хэдүүлээ явж байгаан гэж байна. Тэгэнгүүт маний мансуурч байсан толгой матигнатал ажилаад олон дахин босож авахгүй амар байдаг юм аа гэсэн юм хэлээд захисан юмаа аваад суудал олж суулаа. Нөгөө гадаад гар бас овоо халсан байгаа юм шиг байгаан. Бид 2 авсан юмнуудаа тэр дор нь цохиод орхилоо. Би халж байна гэж жигтэйхэн нөгөө гар ч намайг ойлгосон бололтой дахиад л баахан юм аваад ширээ дүүрлээ. Энэ муу гаж донтон, бэлгийн цөөнх нутагтаа хөл хөших эрхгүй болоод гэнэн монголчуудыг архины мөнгөөр панаалдаж гомо болгох гэж байгаа юм байна гэсэн бодол миний согтуу толгойд харван орж ирлээ. Тэгэнгүүт өөртөө тавих хяналтаа өндөржүүлээд эхэллээ. Тэгж байснаа би бултлаа. Бултаад хамт ирсэн гарууд дээрээ очоод гуйваад, хөл дээрээ тогтож чадахгүй байсан чинь хүмүүс өө Гамбино ёстой сайхан бүжиглэж байна гээд аймаар юм болж байнаа. Нэг иймэрхүү байдалтай явж байсан чинь нөгөө дайлдаг гар чинь над дээр хүрээд ирлээ. Би, за муу гаж донтонтой үзвэл ч үзий гэх ухааны юм бодоод (гараараа үзэлчих шүү) зогсож байсан чинь мань хампаан харин чамтай хамт явж байгаа энэ хүүхнийг чинь би таалмаар байна гэдэг байгаа. Өө дотор ёстой бензинтэй торхонд шүдэнз зурсан юм шиг болж байгаа юм чинь. Намайг хаашаа юм хүүхэн зардаг баагий (маркшейдер Баагий биш шүү) гэж бодсийн муу тээ. Тэгэнгүүт би нөгөө хамт явж байсан хүүхэн дээрээ очоод "Цусаа цэвэр байлга" гэж хэлээд далд орлоо.

Тарган байна гэдэг чинь...

Гамбино би илүүдэл жинтэй нэгэн билээ. Гэхдээ энэ зураг дээр байгаа нөхөр бол би биш шүү. Өнөөдөр надтай хамт ажилладаг нэгэн залуу өрөөндөө сууж байхад нь манай нэгэн жанжин яваад оржээ. Тэрхүү жанжин болвоос надтай биеийн галбир болоод өндрөөр ижилгүй адил нэгэн билээ. Хамтран ажиллагч залуу маань тэр жанжинг орж ирэхийг нүдний булангаараа хараад Гамбино муу илүүдэл жинт орж ирж байна гэж санасан юм байх, огт тоолгүй компютер дээрээ хөзөр эргүүлсэн шиг сууж байсан чинь мань жанжин ажил асуугаад манай хүнийг сандаргасан гэнээ. Энэ бол анх удаа болж байгаа юм биш ээ. Манай хэсэг залуус ажил дээрээ түр амсхийн, тамхилаад сууж байхад нь 20 гаруй метрийн тэртээгээс би гэж нэг илүүдэл жинтэй хампаан нөгөөдүүлийн чинь зургийг дарах гээд камераа гаргаад иртэл пэр хийгээд тараад алга болдог юм байна. Хөөе яасан бэ, яагаад алга боловоо гэсэн чинь харин өө чамайг хараад жанжин байна гэж бодлоо ш дээ гэдэг байгаа. Илүүдэл жинтэй жанжинтай хүн илүүдэл жинтэй байх гэдэг энэ ажээ гэж.

Танил ...

Хэдэн сарын өмнө biznetwork.mn гэдэг 1 сайт нээгдлээ. Хүмүүс хошуураад л вибратордож зүтгээд л. Өглөө босоод интернэтэд оронгуут, уулзаж учраагүй мөртлөө би гэдэг хүн чинь хичнээн ч танилтай болоод байгаа юм бүү мэд. Зарим гарууд зүгээр л шинээр бүртгүүлсэн хүнтэй танилцаад л байгаад байдаг юм уу хаашаа юм. Олон хүнтэй танилцахаар уралдаад ч байгаа юм шиг. Нөгөө сайт нь biznetwork.mn гэсэн нэртэй болохоор тэнд бүртгүүлсэн хүмүүсийн ихэнх бизнесмэн, бизнеследи нар байнаа. Үгүй байлгүй ч яахав дээ. Гэхдээ л нэг л биш ээ. Оны эхээр эдийн засгийн хямрал болоод байхад мань гаруудын гадаад худалдаа өргөжөөд л, төрийн байгууллагын ажилтнуудын цалинг 20 % буурууллаа гэсэн чинь нөгөө хүмүүсийн орлого нь нэмэгдээд л жаатай гэж байгаа. Тэгсэн чинь нэг Эрээний гар бизнэст чинь туслая гээд тэр дотор цохиж явнаа. Гэнэ баагий нар тэрний урнаар эгшиглүүлж байгаа лимбийн аянд нь итгээд давхиж очиж мөнгөө өгч хогийн бараа дараад л. Үнэн хошин юм болж байнаа. За тэр ч яахав мөнгөтэй хүн лаагаа ч иднэ үү луувангаа ч иднэ үү.

Хамгийн марзан нь 20 хэдтэй нэг гар biznetwork-ийн гишүүдийн эрхэм зорилго гээд тэр сайтын гишүүн бус Монгол улсын бусад иргэдийг илт гадуурхаж байх юмаа. За тэгээд юуг эрхэмлэх гээд байгаа юм бол доо гэж бодоод үзсэн чинь Социализмын үед байсан " Улаан туг залуучууд хоёр ихэр юм, Уралдаан ялалт хоёрын нөхөр юм" гэдэг дууны үг санагдуулмаар дайчин дайчин юм бичсэн байх юмаа. тэр болгоныг нь дагаад байх юм бол лав хүний дээд болох нь ээ. Тэгэнгүүт нь ардчилсан нийгэмд амьдарч байгаагийн хэрэг юу билээ гээд үзэл бодлоо товч бөгөөд тодорхой аваад хаялаа. Гэхдээ хорон үгээр ёжтойхон чимхлээ л дээ. Юу гэсэн бэ гэхээр: Хуучин нийгмийг санагалзаж байна, Монгол залуу хүний эрхэмлэх 10 бил үү 9 бил үү тэрнээс ч их юм байна гэх мэтээр аваад хаялаа. Тэгсэн чинь нөгөө залуу над руу баахан сонин сонин юм бичээд гай болсон. Үнэн завтай. Хэрэлдэх гэхээр хэл нь загатнаад байдаг бололтой. Ер нь одоо хэрэлдэхээс сайхан ажил үгүй болоод хамгийн хэл амтай, хэрүүлч 76 гаруудыг сонгодог болсон юм уу даа.

Би өнөөдөр тэр сайтад дахин гишүүн болж орлоо. Хүмүүс юу гэхийг нь харья, хямрал дуусаж байгаа болохоор сэтгэл санаа нь ямар байна вэ гээд сохирхолтой ш дээ тээ???

Ямар ч коммент хэрэггүй бичлэг буюу битгий энд коммент хийгээрэй

Та нар энэ зургийг хараад Гамбино халуун зунаар цагаан сар хүсээд эхлэв үү гэж гайхах хэрэггүй. Би угаасаа тэр цагаан сард дургүй. Битүүний өглөө гэрээсээ гараад шинийн 2 орой гэртээ ирдэг хүн. Айл хэсээд бууз идэж, архи гударч, бэлэг горьдож яваад ирдэг гэж битгий бодоорой. Хүн амьтны хөлөөс зугтаж, биеийн амрыг харж байгаад ирдэг гэж ойлговол таарна. За тэр ч яахав. Нөгөө наадмын маргааш намар гэдэг нь боллоо. Найр наадам татарсан уу гэж асуух гэтэл нөгөө намрын дунд сарын 17 гэдэг өдөр бас болоогүй байгаа юм байна ш дээ. Энэ өдөр хичнээн хос хуримлах нь сонин биш, хэдэн төгрөг зарцуулах нь ч гол биш. Ердөө л эв найртай гэр бүл байх нь л чухал. Саяхан нэг хүүхэнтэй танилцлаа. Овоо чатаар буу халаад л бие биенээ ойлголцоод эхлэв үү гэтэл нөгөөдөх чинь гэнэт шатгүй алгасаж миний юу хэлэхийг хүртэл заагаад эхэлдэг байна шүү. 40 гарсан эр хүн хэн нэг хүнээр юу хэлэхээ мэдүүлээд байна гэдэг бол гажиг л байхгүй юу. Хэн хүнээр юу хэлэх бүү хэл хийхээ заалгадаггүй хүнд аймаар эмзэг тусдаг байна ш дээ.

Энэ бол тун мундаг сургамж боллоо.

Нөгөө хурим найр гээд явж байсан чинь гэнэт хадуураад давхидаг байна ш дээ. Эртээд нөгөө аврага Чингис хааны салтаанаас нь гадагшаа гардаг хөшөөг очиж үзлээ. Тэгэхдээ шууд очоод үзээгүй ээ. Урд өдөр нь уулзаагүй удсан найз нартайгаа баахан шоудаад, тэгснээ ер нь тэр хөшөөг очиж үздэг хэрэг гээд хотоос гараад давхилаа. Замаараа хэдэн супер маркет орж хоолой чийглэх юм аваад явсаар байтал нөгөө орос шиг царайтай Чингис хаан дээр бүрэнхий болсон хойно очлоо. Хажуухан талд нь Монгол Хаад гээд нэг жуулчны бааз байх юм. Нэг гэр нь 35000 гэж байна. Сул гэр асуусан чинь байна гэнээ. Тэр гэрт нь орлоо. Шар торгон хөшигтэй, хээ угалз болсон сайхан гэр байнаа. Ороод л нөгөө шоугаа үргэлжлүүлээд л Киви-ийн " Араас тэврэхгүй байж байгаад явуулав", " Утасны халсан шугам" гэдэг дууг баахан тавьж байгаад унтацгаахаар хэвтлээ. Пээ тэгсэн нөгөө ор нь гэж түмэн амьтан талхисаар байгаад салж унахаа дөхсөн юм байнаа. Уг нь овоо өргөн сайхан л юм гэтэл дээр гараад 1 хөрвөөнгүүт л нурж унах гээд аймаар. Тэр гэрт 4 ор байсны хоймрын 2 ор нь эвдэрхий хааяаны 2 ор нь арай гайгүй байлаа. Үүнээс үзвэл Монголчууд бид аливаа нэг газар орныг байлдан эзлэнгүүт нь хоймор өөд нь тэмүүлж гараад найр хуримаа хийж, дараа нь тэр хоймрын орон дээрээ загас наадуулцгаадаг байсан уламжлал нь одоогийн бидэнд хүртэл уламжлагдан үлджээ. за тэгээд мумий байрлалд орж арай гэж өглөөг угтаад 7 цагийн орчим сэрлээ. Сэрэнгүүтээ хөдөөгийн сайхныг өглөө эрт боссон хүн л мэддэг гэдэг үгийг санаад гарлаа. Эргэн тойронд ой модгүй нүцгэн толгод, ойрхон зүүн тийш сунайсан засмал зам, тэртээ баруун талд Туул гол урсаж, Тэрэлжийн хадат уулс сүндэрлэнэ.

Гэтэл нөгөө Илья Муромец шиг Чингис хааны хөшөөн дээр урдаа Лимузинтэй цуваа хүрээд ирлээ. Харж байхнаа хосууд хуримлаж байнаа. Гарууд бүр хотоос 53 км зайтай газарт ирж хуримладаг болсон байна ш дээ. Тэгээд л нөгөө хөшөөнд цэцэг өргөх ёслолын ажиллагаа юмуу, эсвэл тайллага, тахилга болж байгаа юм уу, тавгийн идээ энэ тэрээ барьж гүйлдээд хөл толгой нь жинхэнэ алдагдаж байх юмаа. Бяртай айлын хүү л хурим хийж байгаа бололтой, азтай бэр вэ гэсэн яриа харж байсан хүмүүсийн дунд болж байгааг бодоход тэнд өдөр болгон тийм хурим болоод байдаггүй бололтой. Гэтэл Гамбино-ийн толгой ажиллаж эхэлж байнаа. Яаж ажиллаж байна вэ гэсэн чинь: энд хуриманд уригдаад согтоод тасрах юм бол унаанаасаа гээгдээд балрах юм байна. Аягүй бол жаахан халангуутаа Туул гол дээр хуримаа хийе гэж галзуураад, гол дээр байгаа юм чинь зун бол сэлнэ гээд өвөл бол голын мөсөн дээр гулгана гээд баллах байх. Бодоод үздээ нөгөө ганган бэр, хүргэний хувцсыг тайлуулаад ус руу хийх нь байна ш дээ. Настангууд нь хүртэл сэлж бариад эсвэл торгон дээлтэйгээ мөсөн дээр гулгаад лайтай юм болно ш дээ. Хэд хоногийн дараа оршуулга болцон нтр. Яасан гэсэн чинь хуриман дээр сэлж байгаад живсэн ч гэх юм уу, эсвэл хуриман дээр даараад хатгаа тусаад гэвэл сүртэй сонсогдох нь байна ш дээ гэнэ үү. За за баахан солиоров.