Энд нэг ийм газар байх юм. (Үргэлжлэл)

Өнөөдөр ажлаа хийх гээд сууж байтал архины тухай яриа болоод хэрхэн нэг удаа эрүүлжүүлэхэд амжилттай орсон (эрүүлжүүлэхээс амжилттай оргосон)тухайгаа бичмээр санагдлаа. Хамгийн анхны "Миний дэлгүүр" хаана байсаныг санах хүн бидний дунд байгаа бол хэлнэ үү? Тиймээ, Дэнжийн - 1000 зах явах замд нэг жижигхэн шар дэлгүүр байлаа. Нэг удаа би 2 хампаантайгаа хамт тэндээс 2 шил АПУ-ын цагаан архи авлаа. Хэрэв санаж байгаа бол нэг хэсэг хар хөх дэвсгэр дээр цагаан морь давхиж байгаа зурагтай шошготой архи зардаг байлаа ш дээ. Хальт харвал Finlandia архитай андуурмаар...

За тэрнээс аваад дэлгүүрийн хажууд байдаг нэг хампааныдаа орлоо. Надтай хамт явсан нэг найз маань тахир дутуугийн группэд байдаг, тэгсэн мөртлөө дуу муу дуулаад явдаг одонцор гэж байгаа. Нөгөөдөх маань болохоор (гэрийн эзэн) дунд сургуулийн биеийн тамирын багш залуу байв. Бид 3 эхний шил архиа уулаа, сайхан байнаа, дотор халуун оргиод л ухаан цэлмээд л... гэтэл 2-дахь шил архиа гаргаад уусан чинь нэг л биш ээ. Үнэр, амт гэж авах юм алга. найрка найрка даа бүр БНХАУ-аас гаралтай спиртээр өөрсдөө найруулсан найрка байгаа юм чинь. Бид 3 ийм юм зардаг дэлгүүртэй очиж заргалддаг хэрэг гээд иргэний үүргээ биелүүлэхээр гарлаа. Биеийн тамирын багш бид 2 их дөлгөөн царайлаад зогсож байсан чинь нөгөө группэд байдаг одонцор маань хэрүүл уруулыг үнэхээр чадамгай эхлүүлээд нэг худалдагчыг нь бараг уйлуулаад байж байтал гай болж гаднаас 3 цагдаа ороод ирлээ. Нөгөө уйлан алдаж байсан хүүхэн чинь төрсөн ах нь орж ирсэн юм шиг баярын царай гаргаад мань 3-ыг хэмх ховлоод, нөгөө цагдаа нар чинь тэр дороо радио станцаа шажигнуулж байснаа тэр дороо эрүүлжүүлэхийн машинд хийдэг байна ш дээ. Манай группэд байдаг одонцор хампаан хамаг хэрүүлийг өдчихөөд суга таягаа харуулаад үлддэг гэж байгаа. Нэг их согтоогүй байсан болохоор тайван л байлаа болж өгвөл цагдаагаа найрахсанаатай гэж байгаа. Удалгүй бид 2-ыг ЧД -ийн эрүүлжүүлэх дээр аваад ирлээ. Олон юм ярьсан ч үгүй хамаг хувцас тайлж хураагаад бид 2-ыг салгаад өөр өөр камерт орууллаа. Бараг өглөөгүүр шахуу байсан болохоор олон хүн ч байсангүй. Хараад байсан чинь манай камерыг дутуу цоожилсон юм шиг байнаа. Тэгэнгүүт нь сараалжны завсараар гараа оруулаад цоожыг нь аяархан салгах гээд оролдлоо. Гэтэл харин санасанаас хавьгүй амархан мултардаг байна ш дээ. Тэрхэн үед дараа нь яахыгаа төлөвлөөгүй байсан болохоор шууд гараад л хувцас хадгалдаг өрөө рүү бараг мөлхөн алдаж ороод гартаа тааралдсан нэг өмд, цамц аваад нүдэнд өртсөн шаахайг углаад эрүүлжүүлэхээс гэтэн гарлаа. Гарангуутаа салхи татуулан давхисангүй, намбайтал сайхан алхаж байгаад ЧД-ийн цагдаагийн хэлтэст ороод үүдний хонгилд нь зогсож байсан чинь тэр дороо миний араас 2 цагдаа гарч ирсэнээ зам руу харж хэсэг зогсож байгаад буцаад эрүүлжүүлэх рүү орлоо. Насаараа тэндээ байхад таарсан амьтад шүү...

За тэдний асуудал тэндээ л биз. Миний өмссөн хувцас гэвэл нарийхан ретуз, богино ханцуйтай цамц за за ер нь үзлийн төрхтэй, траншейны баагий шиг юм зогсож байлаа.

Зам дээр гараад гараа өргөсөн чинь такси зогсдоггүй ээ. Аргагүй ш дээ хачин төрхтэй юмнаас чинь айх нь зөв ш дээ. Ашгүй зүс мэдэх 1 хампаан миний мууд дурлаж зогссоноор би хөл залгаж гэртээ харьсан юм даа.