нэг мэдсэн чинь 2010... - 8

За хампаанууд хэд хоног уйдалгүй сууж байгаарай. хампаан нь гот орж адал явдал хайхаар маргааш явлаа. эргэж ирээд чихэнд чимэгтэй юм яринаа. Идсэн, уусан, наргиж цэнгэсэн, ташсан барьсан гээ д л... удахгүй уулзий

Нэг мэдсэн чинь 2010...-7 Ингэж болохгүй шүү...

Өчигдөр би баян хүүхэнтэй суугуул яах тухайгаа 2 насаар ялгаж бичсэн билээ. Харин өнөөдөр ядуу хүүхэнтэй гэрлүүл яах тухайгаа бичье гэж бодлоо. Мэдээж амьдралын жамаар 20 нас хүрээд ирэнгүүт хажуудаа нэг юм дагуулаад гангар гунгар гэсэн шиг суумаар санагдах нь баян ч тэр ядуу ч тэр хүнд төрдөг хүсэл бөлгөө. Нэг тийм хүсэл нь юу юугүй оволзтол хөдөлсөн ядуу мөртлөө тун царайлаг хүүхэнтэй танилцжээ гэж бодьё. Тэгүүл би анхандаа үгээгүй хоосон гэдгийг нь судлалгүй салгалж чичрээд, өглөө оройгүй явах замыг нь отсоор байгаад өөртөө дасгаад авч таарна. Хэсэгтээ харанхуй булан, орц морцоор дагуулж хэснэ гэж байгаа. Тэгэлгүй яахын би өөрөө бас ядуу, гэхдээ яг ядуугийн туйлын арай дээд талд нь амьдарч байгаа юм чинь бар сав, ядахдаа дэнжийн 1000-ын зах дээр байдаг цайны газарт дагуулж ороод ганц хуушуур аваад өгөх мөнгөгүй юм чинь...
Мэдээж хэрэг нөгөө хүүхэнтэйгээ тааралдангуутаа хоол авч өгөөч гэж шууд хэлж чадахгүй гэхдээ тойруугаар санаагаа янз янзаар илэрхийлж үзнэ ш дээ. Өөрөө ороод хоол идэж үзсэн юм шиг хэд хэдэн хоолны газрын нэр хэлээд л шал худал хоолны нэр зохиогоод л байна. Даанч нөгөөх нь мөнгөгүй юм чинь ойлгосон ч гэсэн миний урдаас шал хөлдүү царай гаргаад л байна. Тэгж тэгж байснаа нэг өдөр... чи дандаа хоол ярьж миний хорхойг хүргээд байх юмаа... гэнгүүт би ганцаараа биш бас нэг амьтны ходоодны шүүсийг ялгаруулаад байгаагаа хөмөрсөн тогоо цоорох мэт тас хийтэл ойлгож балрана гэж байгаа. За тэгээд тойруугаар хоол нэхэхийнхээ хажуугаар бас боломж таараад хүнгүй газар олдвол нөгөө хүүхнээ бас янзалчих гээд үзнэ ш дээ. Нөгөөдөх нь хүн ухаантай юм болохоороо бас зүгээр байхгүй хуруу гар, хошуу амаараа наалдаж барьж янз янз болсоор байгаад нэг мэдэхэд “гоол”...
За тэгээд айлын охин хүүхдэд үрээ шахцан амьтан хүүхдээ үзнэ гээд бөөн баяр болсоор нэг гэртээ орох нь гарцаагүй. Эр хүн шүү юм болохоороо хадмындаа суухгүй (миний амьдарч байгаагаас тааруу бол) гэж үзнээ. Тэгээд хашаанд амьдардаг бол өөрийн хэд дээрээ бас нэг гоол алдсан хоолны сав нэмээд 4 ханатай монгол гэрийн хоймрын шалыг дүүргэнэ. Байранд (орцны жижүүрийн шатны доор байдаг) суудаг бол тэр хавийнхандаа хүнтэй суулаа барьлаа гэж хэсэг какрана. Нэг өдөр мэдээж хурим маягтай юм хийнээ. Барс зах дээрээс баахан “Гомбоо” бөөндөж аваад ойр дотныхоо өөртэйгээ адилхан хэдэн юмнуудыг хоёр талаасаа цуглуулж байгаад хувааж уугаад л болоо. Хуримаараа хэдэн төгрөг олчих далд санаатай... даанч амны хишиггүй амьтад болохоор бэлгэнд ирсэн мөнгө нь гарсан зардлынхаа талд нь хүрэхгүй байснаас бүх насны амьдралын зөрчил эхлэнэ ш дээ. Нөгөө залгисан “гоол” эхийнхээ гэдсэнд томроод эхлэнгүүт хөдөлгөөн эрүүл мэндэд тустай гэх ухааны юм ярьсаар байгаад 9 давхар байрны орцны жижүүр хийдэг бол эхнэр аштай юмаарай шал, хана угаалгана. Шил, лааз түүдэг бол 1-2 шуудай, олж нөгөөдөхдөө үүрүүлээд явуулна. Тэгж явуулахдаа: ... жирэмсэн хүнд хүмүүс гоё юм өгдөг гэж панаалдахаа мартахгүй. Өөрөө гэртээ үлдээд нэг их хиртэй, цагаан даавуугүй, хөвөн нь цоорхойгоор нь цувсан хөнжилдөө ороод унтахгүй ч гэсэн хэвтээл хэвтээл өдөр сарыг өнгөрөөх шиг болно. Хэрвээ гэрээсээ гарвал ойр хавийнхаа хамгийн бүтэхгүй гэсэн юмнуудтай нийлж хэдэн найрка хувааж уугаад эцэст нь зодолдоод нүүр ам гэж авах юмгүй болно. Хэсгийн цагдаа магдаа хараад худлаа нэг их айсан дүр гаргаад сурцан. За тэгээд 5 үгний 3 нь П...а. Анх сонссон хүн бол намайг өөр үг мэддэггүй байх гэж гайхмаар хэлдэг наацан. Нэг их ном сонин цуглуулнаа бас болоогүй. Тэр нь юу байх вэ гэхээр шар сонин дээр гарсан чөтгөр шулам, садар самуун, шоронгийн овгоруудын тухай хэсгүүдийг нь урж аваад гудсан завсраа хадгалаастай. Буу халаад худал хусах болохоороо нөгөөдөхөө л ярина. Жаахан халамцуу байвал хольж хутгаад утга учиргүй юм ганцаараа чалчсаар байгаад суусан газраа тэр чигээрээ нам. Ариун цэвэр сахих талаар бол үнэн 0. Цагаан сар дөхөхөөр осолгүй хажуу айлууддаа орж буузнаас нь хусна гэж бодоод үсээ хэдэн талаас нь эхнэрээрээ хайчлуулаад, шанага усаар л өөрийгөө болгоод сурцан байх болов уу. Зун болонгуут түлээ нүүрс гэх зовлонгүй болж өдрийн ихэнхийг нөгөө муу Туулын эрэг дээр л өнгөрөөнө. Гальт мульт hello, bye bye гэдгийг сураад энд тэнд тааралдсан жуулчинтай юм ярих санаатай. Даанч нөгөөдүүл нь манийг тоохгүй. Тоож байгаа нэг нь зураг мураг авснаа нутагтаа аваачаад Чингисийн үеийн хүн мүн гэх ухааны нэр өгөөд интернетэд тавьцан байхыг нь харсан хүмүүс гудамжинд тааралдаад таньж маньж нүд болгоно.
Авсан авгайдаа жинхэнэ арслан, бар, галзуу чоно шиг аашлана. Нөгөөдөх нь гэж зайлуул хүүхэд гаргаад гам бариагүйгээс болоод бөөн өвчний үүр болцон. Тэрнийг ойлгох ухаан надад юу гэж заяах билээ, өвдөөд хэвтэж байхад нь баашиллаа гэж үзнэ. Нөгөө эхнэр шүү юм нь ядуу дээрээ ажилгүй. Гараас нь нэг гардаг юм гэж үгүй. Нэг юм арай хийж эхлээд л нусаа татаад таг дуугүй болж байгаа, болохгүй байгаа нь мэдэгдэхгүй ухантаад ноцолдоод суучихна. Тэгэхээр нь маний уур хүрээд яасан бүтэлгүй муу П...а, нохой, гичий мичий гээд Монгол хэлний мэдлэгээ гайхуулж байснаа угз татан аваад хараалтайгаа хамт нухаж нухаж байгаад бүтэхгүй болохоор нь хаашаа ч хамаагүй чулуудсаар байгаад авч ч болохгүй хаяж ч болохгүй юмаар гэр орон нь дүүрцэн.
Олон хүн цугласан газар очвол царайлаг хүүхэн хараад эргүүлэх гэж үзнэ. Тэр үедээ нөгөө муу авгайгаа тас мартанаа. Гэнэт гараад ирвэл хөөж, тууж, уйлуулж үйлийг нь нь үзэх шиг болно. Тэгсэн мөртлөө бас нөгөөхийгөө яваад өгвөл амаараа шороо үмхэх дээрээ тулна гэдгээ мэддэг мангар бацаан байх байсан болов уу ... зайлуул.

Нэг мэдсэн чинь 2010-6 Хэлээд байхад пактал ваа

Хэрэв би баян айлын, бурзгар хүүхэнтэй суувал яаж амьдрах байсан бэ гэдэг асуулт сүүлийн хэд хоног миний толгойг амар заяа үзүүлэхээ байлаа. 20 гаруй насандаа гэрлэх юм бол учраа мэдэхгүй, хүний бий болгосон хөрөнгийг өөрийнхөө юм гэж андуураад хамаагүй юманд үрж нэг мэдэхэд хадмуудынхаа царайг дахин харах аргагүй болох нь тодорхой. Яагаад гэвэл би мөнгөнд их аллергитай. Мөнгө их байх тусам миний аллерги улам их хөдлөөд байдаг гэж байгаа. Том том агаарыг наймаа хийж хүмүүст хулхидуулсаар байгаад хадмууддаа тэнэг, мангуугийн нэг ноймерийн жишээ болох байсан. Хадмууд хүртэл за манай хэний нөхөр шиг хүнтэй л охиноо /хүүгээ/ битгий суулгаарай гээд үлгэр жишээ болгож өгнө ш дээ. Яахав бас буянтай, баян хүний ярианы жишээ болж байх завшаантай ч хэрэг юм уу гэх мэтээр хэсэгтээ бас мунхарнаа аягүй бол. За тэгээд агаарын наймаачин гэдгийг маань мэдээд нөгөө баян хадмууд маань сохор зоос хялайлгахаа байгаад ирэхийн цагт ганц хоёр шил юм уугаад агсагнаж бас үзнээ. Санаа нь бол хүний мөнгөөр хийх агаарын наймаагаа таслахгүй үргэлжлүүлэх гээд байгаа хэрэг шүү дээ. Ямар ямар агаарын наймаа хийх вэ гэвэл МИАТ-ын бойнг, айрбус онгоцнуудыг нь мотороор хангах, өөрийн хөрөнгөөр хувийн атомын цахилгаан станц барьж Азийн бүх орныг хангах, хойд солонгост үхэр хонины аж ахуй за ер нь том том л юм ярина харин хийсэн юм гэвэл ТҮЦ-ээс ширхэгийн тамхи авах төдий л юм байж таарах байх. За тэгээд агсагналтын эхний бай нь мэдээж надтай суусан заяа муутай эхнэр маань байх нь гарцаагүй. Дараа нь хадам ээжийг хорчин, хадам аавыг харамч, нарийн бэрд мэрд, царай муутай охиноо ав мав гээд лайтай какарна гэж байгаа. За тэгээд охиноос нь хүүхэд төрсөн байх юм бол танайхаас юу ч авахгүй, ганцхан хүүхдээ л авч явна гэх мэтээр томроно гэж байгаа. Лаг юмаар айлгах гээд байгаа юм уу хаашааийн??? Нөгөө айл чинь мэдээж охиноосоо гадна хөвгүүдтэй байж таараа. Намайг агсам тавьж улс төрийн байдлыг тогтворгүйжүүлээд эхлэнгүүт хадам ээж хөвгүүдээ бүгдийг нь дуудаж хариу арга хэмжээ авна. Нөгөөдүүл нь аягүй НҮБ-ийн энхийг сахиулагчын дүр мүрд орцон хүрч ирээд маний цам харайлтыг тэр дор нь даралгүй яахав. Эсвэл мань муу юмандаа сайн юм болохоор нөгөө энхийг сахиулагч нарыг нь дүү охин, ээж аавтай нь нийлүүлж хусаад 111-т сар сууж гайтнаа ядаж байхад. 111-ээс гарч ирэнгүүтээ худлаа хүмүүжлийн царай хэсэг гаргана. Тэр үедээ эхнэрээ: танайхан намайг зүв зүгээр байхад барьж өгсөн, гэр бүлээрээ хүний адаг, хэрвээ эцэг эхдээ хэлэх юм бол би чамаас тэр чигээр сална. Чамайг дахиж хүнтэй суухгүй болтол чинь шившиглэнэ гэх мэтээр үнэн шинжгүй зан гаргаж хэсэг бахаа хангаж нтр айн??? Архи уувал энэ бодлоо гаргаж дахиад 111-т сууж гөлөг болж магадгүй гэсэн айдас бас тээлттэй байсаар байгаад нэг бол эхнэрээсээ сална, үгүй бол агаарын наймаачин, бүтэлгүй архичин гэсэн нэр хоч зүүн, эхнэрийнхээ нүүрээр хадмуудын буянг муулсан хэрнээ хүртсээр хорвоог туулах байхдаа хөөрхий.
40 настай байхдаа баян айлын охин (40 настай гачин юманд ямар ч баян иргэн тэнэг л биш бол охиноо өгөхгүй ш дээ шал сонин юм бодцон нтр) үгүй ээ хүүхэнтэй суувал арай өөр байдалтай байх нь ойлгомжтой. Үндсэн араншин (basic instinct) (basic instinct нтр гээд байхыг бодоход бас энэ тухай дуулсан байж таарах нь) маань хэдий хөнгөн ч гэсэн лаг буурьтай царай гаргах гэж хамаг хүчээрээ чармайж сүүлдээ өөрөө өөрийгөө танихаа байцан байх болов уу. Аймаар хашир, муу санаа нь өмхийрөөд бээцэн, эхнэр болсон хүүхнийхээ үгийг эхэлж хэлүүлэх гэсэн санаагаа далдын далд сожиж таараа. Аль байдгаараа баян хадмууддаа таалагдах гэж долигнохыг эрхэм зорилгоо болгосон л амьтан байх нь гарцаагүй. Үг хэл, яриа хөөрөөгөө байнга хянаастай. Дэлгүүрт ороод талх авсан ч гэсэн өөрөө шийдээд авахаас хүртэл зүрх нь зогсчих шахсан аймхай л байж таарна. Бас нэг санаж явах зүйл маань юу вэ гэвэл баян хадмуудын маань хамгийн их эрхлүүдэг ачыг нь мэдэж авах явдал. Мэдэж авангуутаа чухам наалинхайтаж өөртөө дасгаад бусад хүргэчүүлээсээ илүү ихээр хадамтайгаа ойртоно гэж байгаа. Мэдээж 40 гараад эхнэр авна гэдэг чинь өмнө бас л амьдрал зохиож байсан байж таараа ш дээ. Тийм болохоор хадмууд бас нэг их тааламжтай байхгүй нь ойлгомжтой. Хэрвээ гэрт маань хадмууд ирвэл зүгээр л их бага гэлтгүй долигнохыг ёстой үзүүлж өгнөө. Өөрийхөө хамаатнуудыг ирэхээр эхнэрийнхээ дэргэд загнаж магнаад л эзгүй хооронд нь баян эхнэрийнхээ дэлгүүр яваад ир гэж өгсөн мөнгөнийх нь хариултуудыг сожиж байгаад 5000, 10000, 20000 төгрөг болонгуут нь кассанд бүхэлдүүлсэнээ өгч томорно. Бас эхнэр байхад гэрт битгий ирээд хамаг юм идээд бай, 00-д хамаагүй орж болохгүй гээд ах, эгч, дүү нараа ёстой хог дээр жийнэ гэжийгаа бас. Цагаан сар болонгуут өөрийнхөө аав, ээж дээр ч эхэлж очихгүй шууд хадмындаа очоод л танайд хамгийн түрүүнд ирлээ гэдгээ аймаар чангаар хэлж нэг сэдэл өгнө. Ер нь тэр ч их зөв юм байгаа юм. Өөрийнхөө аав, ээжтэй золгох гэж очдог, нөгөөдүүл чинь гурван хундага өгнө, тэрэнд нь халуураад, хадмындаа оройтож ирэнгүүтээ намба алдсан юм яриад паакталвал нөгөө нэр хүнд, ирээдүй мирээдүй бодоод ч хэрэггүй. Баян хадам гэхээр 1000-т малчин, 2-3 охин компанитай, улс төрд танил ихтэй хүн байна гэсэн үг ш дээ. Гэхдээ хүнийг гаднаас нь хамаагүй дүгнээд бөгтийсөн өвгөн бол энэ юу юм бэ гэсэн бодолтой байх юм бол том андуурал болно шүү. Тийм болохоор 20-40 насны эхнэргүй эрчүүд миний энэ бичсэн зүйлээс авахыг нь аваад хаяхыг нь хаяарай. Авахгүй бас хаяхгүй байж байгаад цагаа тулахаар пактлаад дараа нь сонин сонин юм яриад балайраад байваа. Хэлсэн шүү!!!

Нэг мэдсэн чинь 2010..-5

Удтал дуншсан хөрөнгө оруулалтын гэрээ батлагдсанаас хойш аадар борооны өмнөх нам гүм байдалтай адилтгам анир чимээгүй удаан үргэлжилсэнгүй. 21 хоног хотод амраад ирсэн чинь "...үрээгээ танихгүй баян, үрээ танихгүй өнөр..." гэдэг шиг юм болсон байна. Жил гаруй эзгүй байсан дэлдэн Мөөгий, холбоочин Жийгээ, гахай Баяраа нараас гадна цоо шинэ нэрийг нь мэдэхгүй будаг нь ханхалсан залуус завгүй гүйлдээд л. Дарга нарын ярих нь энэ юу ч биш энэнээс ч олон болно гэлцэх юм. Юу ч болсон 14 сар эзгүй шахуу байсан шафт маань хөл хөдөлгөөнд дарагдаад сайхан байна. Гол нь анхаарал болгоомжоо сулруулалгүй, аюул осолд өртөхгүй л бол сайн сайхан бүхэн бидний өмнө байна. Хамт ирж байсан Чуураа шинэ ирсэн залуу инженерүүдэд зааварлаад чухал байнаа. бие тоохгүй бол ч энэ залуу хол явна гэдэгт итгэж байна. Хажуугаар нь бас золигнууд чинь энд тэндгүй тамхи татаж окуркаа хаана ч хамаагүй хаяад, гах гух хийтэл нус цэрээ татаж тургиад хэрэг алга. Хажиглаад байгаа ч юм шиг... Одоо хүнд гар Билгээ л ирвэл ганц болох гээд байгаа юм даа...

Нэг мэдсэн чинь 2010-4 (Бэлэг, водка etc...)

Нээрээ он гарахаас яг 7 хоногийн өмнө улиг болтлоо яриад байсан шинэ байрандаа орлоо. Манайд ирсэн эрхэм зочид нүдээрээ харсан болохоор өөрсдийн санал бодлоо хуваалцана биз яахав...
1989 онд манайх тэр үедээ л шинэд тооцогдож байсан XIII хороололд цоо шинэ байранд орсоноос хойш яг 20 жилийн дараа би өөрийнхөө бор зүрхээрээ явж байгаад энэ байрыг авлаа. За тэр манай гэрийн тавилга мавилга, дотор гадар гол юм бол биш. Мэдээж мань юм чинь өөрийнхөө амрыг бодоод барилга баригдаж байх үед тавилгын компаниар юмаа хийлгэсэн болохоор хэдэн цүнхтэй хувцас ТВ, СД, номнуудаа тэвэрч ирээд л орчихсон. Байрандаа хоносон анхны шөнө ёоо ёстой хамар битүүрээд, ам цангаад, толгой дүнхүүрээд босоод ирдэг байна ш дээ. Ядаж байхад крантнаас нь зэвтэй, будагтай халуун ус гоожоод байдаг. Хүйтэн ус нь хаачсан бүү мэд. Үнэн үйлээ үзэж үхэр цамаа харайх дөхлөө. Тэгээд яахаа мэдэхгүй зогсож байсан чинь дин дон, нэг хампаан орж ирснээ би сантехникийн инженер (сүүлийн үед инженерүүдийг амилсан бурхан гэж боддог болоод байгаа) байна, Ус мус чинь зүгээр үү гэнээ. Дапаалаад ч байгаа юм шиг??? Хүйтэн ус байхгүй ам гатаад үхлээ гэсэн чинь одоохон гэнгүүтээ нэг тийшээ толгойгоо тонгойлгоод л хүйтэн устай болдог байна ш дээ. Ер нь ямар ч инженер хаа нэг тийшээ тонгойсон л бол ажил нь тэр дороо бүтэж миний хүсэл ханаад байх бололтой... За ингээд хүйтэн устай болдог юм байна. Гэтэл монгол маягаар сүүтэй цай чанах гэсэн чинь данх байдаггүй. Уг нь ус буцалгагч (Hite пивоны урамшуулал) байгаад байдаг. Тэгэнгүүт нь нарантуул олон улсын худалдааны төв рүү гараад харайлгалаа. Лангуу хэсээд явж байсан чинь данхнаас гадна аваад аж ахуйдаа хэрэглэмээр олон юм байдаг юм байна. Үнсний сав, савангийн тавиур, мөртэй, мөргүй өлгүүрүүд, угаасан юм хатаагч, аяга, таваг, халбага, хутга сэрээ, масло, сахар, талхны сав, чихрийн таваг, архи, пиво, дарсны хундаганууд, 00 цаас тогтоогч, жорлон цэвэрлэдэг сойз, ахуйн үнэртэй мүнэртэн ёоо үнэн лайтай олон юм нэг дор тэгэхдээ бүр 12 сарын ид хүйтэнд наран туул олон улсын худалдааны төвөөс авах ч ... авч үзсэн хүн л мэднэ дээ. Тэгээд хамаг юмаа авч ирж 7 давхар руу 5 удаа дээш доошоо гүйгээд үзэх... гэхдээ л сайхан юм билээ.
Хамгийн гоё нь яаж байна гэхээр байна ш дээ тээ??? Зочин ирээд л за танай шинэ байрыг мялаая гэж ирээд л бэлэг мэлэг, мөнгө зөнгө өгөөд л. Тэгэнгүүт нь хүний юмыг авангуутаа урьдчилаад авчихсан байсан 2 шил архиа гаргаж ирээд л, үнэн намбатай хиймэл царайтай, задлаад л, хундагалаад л гоё гоё... 0.5 л архи 2 шилийг авчихаад тэрнийгээ дуусгангуут нөгөө зочин гэнэт танай энэ доор нэг дэлгүүр байлуу гэснээ тамхи татаад ирье гэж гарангуутаа 10 минут орчим болоод орж ирэхдээ бас дахиад 1-2 юм барьж орж ирдэг гэж байгаа. Тэгсээр байтал сая өнгөрдөг 21 хоногт 1-2 өнжөөд л ИХРА (энэ үгийг хөрвүүлж унш) хэрэглэсээр байгаад ирдэг юм байна...

Нэг мэдсэн чинь 2010... -3 (Дурлалын халууныг эдгээв)

За тэгээд готод амарч байтал манай хажуу айлын залуу дурлалын халууралд өртөөд хоногоо хүлээж байх юм гэнээ. Тэгэнгүүт ер нь дурлалын халуун гэж ямар өвчин байдаг юм бол гэж бодоод гэрт нь орлоо. Уг нь 130 кг жинтэй, мах шөлтэй, малаар бол буриадуудын шахсан шар шиг сайхан амьтан байсан чинь энэ өвчин тусаад нүд нь ширгэж яс, арьс аа. Нэг үгээр хэлвэл анатомын араг яс болсон байх юм. Энэ айхтар өвчин туссан хүн тамхи татахгүй, архи уухгүй, хоол идэхгүй болж зөвхөн орондоо цагриглан хэвтдэг шинжтэй гэж байна. Би нас барах нь тодорхой болж хоногоо хүлээн байгаа хүнд өвчтэй хүнтэй хамгийн сүүлчийн удаа уулзаж байгаа юм шиг царай гаргаж ирээд л : Хэн гэдэг шулам эмд дурлахаараа ингэдэг байна чи одоо. Залуу сайхан насандаа биднийгээ орхин одох гэж байгаа чинь харамсалтай байна. Одоо яаая гэхэв зүрх сэтгэлээ барьж чадалгүй шархлуулсан чамайг яалтай билээ гэв. Гэтэл нөгөө гар чинь ширгэсэн нүдээрээ намайг үзэн ядалт дүүрэн харцаар хялайн харж байгаад: Хийлчин Дээгийг “шулам эм” болгоод байгаарай гэдэг юм байна. Би эргүүлээд түүнээс чи хийлчин Дээгийтэй хаана уулзаад ингэж дор ортлоо өвчилдэг байнаа гэж асуулаа. Дурлалын халуунаар өвдсөн танил маань: Шугамын радиогоор тоглохыг нь 1-2 удаа сонсоод гэж байх юм. Чи хийлчин Дээгийгээ тэгээд хараагүй юм уу гэж асуусан чинь зургийг нь ч олж хараагүй гэдэг юм байна. Яг энэ үед ээж нь нөгөө өрөөнөөс орж ирээд над руу дохив. Би танилынхаа ээжийг дагаж гарлаа. Ээж нь уг нь толитой авгай л даа. Гэхдээ хүүгээ гэнэт өвдсөнөөс хойш бага зэрэг ядарсан бололтой харагдана. Ээж нь ийн хэлж байх юм: Уг нь танай манайх хоёр гайгүй олон жил сайн хөрш байлаа, гэтэл хүү минь одоо ингэтлээ дурлалд шатах гэж ирээд л ихэр татан уйллаа. Тэгснээ чи л миний хүүгийн амийг аварч чадна гэж хэлэхдээ над руу бүхнийг ялагч догшин дүрт бурханаас гуйж буй мэт харцаар харж байлаа. Би танилынхаа өрөөнд эргэн орж хажууд нь суугаад: Чи хийлчин Дээгийгийн тоглохыг сонсоод дурлалын халуунаар өвдсөн юм байна. Тийм болохоор би чамд улсын яруу тунгалаг найрал хөгжмийн хамтлагийн хийлчин Мантуухайг авч ирж хийл тоглуулах уу? Зурагнаас нь харвал их давгүй хүүхэн байх шиг байсан гэлээ. Өвчөнд нэрвэгдсэн танил маань миний үгний хариуд хамаг хүчээрээ ийн хариулав. Тэр Мантуухай, зантуухайгаа хийлтэй нь дагуулаад ирэх юм бол өмдийг нь шувталж бөгсийг нь гаргаж байгаад хийлнийх нь наарыг хэмхэртэл цохиж, дөрвөн утсыг нь сүлжиж байгаад хүзүүгээр нь оосорлож нохой шиг хөтлөөд явах болно гэж авдаг байгаа. Түүний бухимдан бахардахыг би харж суухыг хүссэнгүй, тэднийхээс шууд гараад нэг жижигхэн баранд орж аяга бээр захиалаад шимэн суулаа. Гэтэл тэр баранд үүдэн 4 шүд нь унасан нэг хүүхэн ширээ болгон дээр очиж 100 грамм архи гуйж байх юм. Хүмүүсийн зарим нь түүнийг дайлж, зарим нь ширээнээсээ хөөж янз янзын ааш гаргах юмаа. Удалгүй нөгөө хүүхэн чинь над дээр хүрч ирлээ. Тэр ядарсан амьтан: Зззз зуун гггг грамм архи өгөөч гэж шууд гуйх, тулгах хослуулан хэлж байнаа. Би тэгэнгүүт нь: Чи хэрвээ надтай хамт нэг айлд ороод л өөрийнхөө нэрийг хийлчин Дээгий гээд ээрч, мууралгүй хэлэх юм бол би чамд 100 грамм архи биш шил архи авч өгнө гэв. Нөгөө архичин хүүхэн над руу галзуу юм уу урдаг нохой харж байгаа юм шиг харснаа итгэл муутай нь аргагүй: За гэж зөвшөөрлөө.
Би танилынхаа гэрт нөгөө хүүхнийг дагуулж очин түрүүлэн орж: Би чамд хийлчин Дээгийг аваад ирлээ гэсэн чинь манай өвчтэй танил ухасхийн босож ирснээ нөгөө хүүхнээс нэрийг нь асуулаа. Архичин хүүхэн урдаас нь: Би хийлчин Дээгий байна гэж хэлээд шүдгүй буйлаа гарган ярзайв. Танил маань над руу эргэлзсэн харцаар гөлийж байснаа наадахаа аваад гар гэж дохилоо. Би тэднийхээс гараад согтуу хүүхэнд нэг шил архины мөнгө өгөөд гэртээ орлоо.
Маргааш нь буюу 12 сарын 31 өглөө хаалганы хонх дуугарлаа. Очоод нээтэл танил маань тамхи зуусан шиг зогсож байх юм. Тэр над руу гараа өгснөө гарч 100 татах уу гэлээ...
Ямар ч гэсэн шинэ оны өмнө хоногоо хүлээж байсан хүнд өвчтөнийг хөл дээр босгож чадсан л юм даа. (Үргэлжлэл бий. Уншмаар бол соммент үлдээгээрэй)

Нэг мэдсэн чинь 2010 - 2

Үсчингээс гарч гэртээ очоод үсээ саахартай усаар босгож хатаагаад микрт суугаад ёлк болох ресторан руу давхилаа. Ёстой буудал болгон дээр орилсоор байгаад тэр болгонд нь 1-2 салгалсан юмнууд буух юм бас суух юм. Би гэж нэг үйлтэй амьтан хүн буух суух бүрт нь дагаж босож янз янз болсоор байгаад ядарч, өлсөж байна гэж жигтэйхэн. Ашгүй нэг юм нөгөө ресторанд 2 буудал дөхөж байна уу гэтэл нөгөө ямбий микрийн дугуй хага. Запас дугуйгаа хийгээд хөдлөх нь үү гэтэл лайтай жолооч, ко гэж бүтэл нь хазайсан 2 гар запасгүй. Дугуйгаа нөхөөд явахыг нь хүлээнэ гэвэл бүтэх шинж алгаа. Тэгэнгүүт нь 2 буудал газар явган таваргадаг хэрэг яаадын гэж бодоод гишгэж байтал дабль монетэн ээмэгтэй зүүн чих тас гээд л явлаа. Хөлдөж харладаг байна ш дээ. Буцаад харих ч хаашаа юм гэж бодоод тэр чигээрээ явсаар байгаад ортол танхим дүүрэн ард түмэн ах дүү нар маань сууж байна. Голд нь ороод л дэлхийн дулаарал болохоо болиод, хөлдөлт болох юм гэнээ. Тэрнээс нь өмнө амжаад ахиухан 100 татсан хүн хөлдөлтөнд өртөхгүй юм гэх ухааны юм зохиогоод нааж байсан чинь под под гээд юм дусаад байнаа. Дээвэр нь цоорхой байшин юм уу хаашаа юм бэ гээд дээшээ хартал юм ажиглагддаггүй. Бүр гайхаад зогсож байтал миний хөлдсөн чих хайлаад дотор нь орсон ус нь гэсэж байсан юм байгаам даа. Тэгэнгүүт нь нөгөө саахардсан үс толгойгоо бариад үзтэл гайгүй ээ хэвээрээ байх шиг байна. Хаанаас ч билээ хүлээн авалтан дээр согтохыг согтсонд тооцдоггүй гэж уншсан санагдаад ёстой нүдэндээ өртссөн болгоныг тууж гарлаа. Чих мих, үс мүсээ мартсаан. Үнэндээ парвайсан хөгшин хар юм байж хэндээ гоё харагдана гэж саахардсан юм бол бүү мэд. Нэг мэдсэн чинь 50000 төгрөгний өвлийн өвгөн, 10000 төгрөгний үнэтэй 2 цасан охидтой ирцэн олон юм яриад хамаг амьтан тэрнийг нь сонсоод хэрэг алга. Тэнд байсан бүх хүмүүс өвлийн өвгөнийг ориг өвлийн өвгөн гэж бодсон юм уу хаашаа юм??? Ядахнээ цасан охид нь царай муутай гэж жигтэйхэн. Аргагүй ш дээ нэг нь 10000 төгрөгийн үнэтэй юм чинь. Топ модел Пүрэвсүрэн, Одгэрэл эд нар жаахан үнэтэй ч хамаагүй цасан охин болвол гоё байхгүй юу. Үгүй ядахдаа яруу найрагч Хулан ч байсан яахав. Бандгардуу л цасан охин (цасан ажима хи хи хи) байж яагаад болохгүй гэж тээ??? гэх ухааны юм боджээ байгаад нэг мэдэхэд гэртээ харьсан байлаа. (Үргэлжлэл бий уншмаар болуул хэлээрэй)

Нэг мэдсэн чинь 2010...

Аль халуун намраар шинэ жил боллоо яанаа ийнээ гээд бөөн юм болоод байсан чинь аль хэдийн 2010 он гараад бүр 20 гаруй хоног болжээ зайлуул. Хамгийн сүүлд блог дээрээ юм бичсэнээс хойш бараг сар гаруй хов жив энэ тэр гэлгүй удцан чинь бүр сүүлийн хэд хоног хэл загатнаад, юм яриагүй мөртлөө ярьсан юм шиг ам цангаад, кийбоардаа 2 хуруугаараа тачигнуулна (хүмүүс лаг хүн болж харагдах гээд 10 хуруугаараа тачигнуулдаг би бол 2 долоовроо л ажилуулдаг) гэхээс нойр хулжаад хэрэг алга. 2009 оны 12 сарын 25 өдөр буюу их багш Есүс Христ багшийн мэндэлсэн билэгт сайн өдөр миний бие агаарын тээврийн EZ компанийн суман цагаан онгоцонд суугаад улсын нийслэл Улаанбаатар хотод газардлаа, лам минь гэж. Баяр ойртоод хүүхнүүд булга, минжин дээлээ өмсөөд, үснийхээ ориг өнгийг гаргасан юм уу эсвэл хөх, улаан, ногоон сор суулгасан юм уу яасын эрээн цоохор толгойтой болчихсон дарж явах юм. Зарим нэг бэлгийн өөр чиг хандлагатай болов уу гэмээр 20 гаруй насны залуус хүртэл үсэндээ өнгө өнгийн солонгын сор суулгажээ. Би ч гэсэн үсэндээ сор суулгадаг юм билүү гэж бодоод үсчинд орж үсээ засуулангаа миний үсэнд сор хийгээд өгөөч гэтэл миний муу толгой дээрх үсийг богино байна гэхээр нь ядаж тос юм уу гээл түрхээд өг гэж үсчин залуугаас үнэн өрөвдмөөр царай гаргаж байгаад гуйсан чинь нөгөө үсчин чинь залхуурсан уу эсвэл хармалсан уу үгүй бол яг намайг гуйх үед гэнэт чих нь дүлийрсэн үү, миний гуйлтыг ойлгосонгүй юу яасан бүү мэд тас гүрийгээд одоо бос гээд суудлаасаа босгодог байна ш дээ. Тэр залуу ер нь залхуу, харамч, дүлий бас тэгээд хүний хэлсэн юм ойлгодоггүй гар байсан байх. Тэгэнгүүт нь гээльтэй гээльгүй гэртээ очоод саахартай усаар үсээ норгоод хөлдөөж сураагүй юм биш гэж бодоод үсчингээс гарлаа. Манай ажлаас надад ёлконы 2 урилга өгсөн болохоор хэнийг дагуулж ёлкондоо очдог юм билээ гээд 3 хоног бодлоо. Ууж идэх нь дийлдэхгүй хүүхэнтэй очвол нүд болно биз дээ??? Тэр жил Мартын 8-ын өдөр эмэгтэйчүүдэд зориулсан үнэртэн гоо сайхны бараа импортлосон тэргүүний импортлогч шагнал авахдаа аймаар лавьдаг нэг хүүхэнтэй очсон чинь үнэн эвгүй байдалд орж нтр. Яасан гэхээр ингэсэн юм. Намайг шагнал авах боллоо арга хэмжээнд оролцох 2 урилга явууллаа гээд зохион байгуулагч нар нь ярьдаг юм байна. Тэгэнгүүт нь мань хэнтэй явдаг юм билээ гэж бодож бодож байгаад 80-50-80 гэсэн хэмжээтэй нэг хүүхэнд хэлтэл нөгөө хүүхэн чинь уухайн тас зөвшөөрч байнаа. Болзсон цагтаа мань нөгөө хүүхэн дээрээ Benz S-430 машинаар яваад очтол гүн цэнхэр өнгийн даашинз өмсөөд нүд мүд нь эрээн алаг өнгөөр солонгорон талимаараад лаг байнаа. Арга хэмжээнд оролцсоны дараа нь чамайг би нэг сайхан ... гэсэн чивэлт бодол өвөртөлсөөр банкет болох газар очлоо. Идээ ундааных нь элбэгийг хэлэх юм биш. Швед ширээн дээр ногоон хурганы арьс, нохойн битүү туурай л дутуу байна. Би хэтээсээ их зантай, юм үзсэн яравгар амьтан харагдах санаатай очсон болохоор хэдэн хүйтэн ногоо жижигхэн тавган дээр шилж ядаж байж тавиад дагуулж очсон хүүхнээ хартал ... ээ даанч яавдаа гэмээр юм болж байнаа. Нөгөө хампаан чинь таваг гэхэд түмпэн шиг, түмпэн гэхэд тэвш шиг тэгээд бас тэвш юм уу гэтэл таваг ч гэж болмоор аймаар том юм бариад өөрийнхөө биенээс 3 дахин том хоол овоолцон нааж байнаа. За яахав идэж барах юм байх гэж бодтол харин нөгөө хүүхэн чинь 20 орчим минут ноцоолдож байснаа аймаар чангаар БАРДАГГҮЙ ЭЭ гэж авдгийн. Яг тэр үед халуун хоол орж ирлээ. Гүн цэнхэр даашинз оёдлоороо язайгаад нэг л биш ээ. Товч нь нүхнээсээ хариугүй бүлтрэх нь гэж бодож байтал намайг ирж шагналаа ав гэдэг юм байна. Ухасхийн бостол нөгөө хүүхэн хөөрсөн үү яасан огцом эвгүй хөдөлсөн чинь нөгөө товч нүхнээсээ мулт үсрэн тасарч, чөлөөт нислэг үйлдэн тээр булан сууж байсан нэг эрхмийн хундагатай архинд пол хийгээд л орлоо. Би зүгээр шагналаа аваад л танхимаас зугтаан гарсан. Нөгөө хүүхэн юу болсон бүү мэд, дахиж уулзвал элгээ хөштөл инээгээд нас барж тэр муу хүүхнийг хүн амины хэрэгт оруулчих байх гэж бодоод байгаа. За иддэг нэгтэй нь очвол иймэрхүү юм болоод зогсвол тэр биз уудаг хүүхнүүдтэй очвол бас адармаатай юм болох нь гарцаагүй. Эхлээд манай хүүхнүүд уудаггүй, харшилтай гээд сүйд болдог гэж байгаа. Тэгсэн хэрнээ аягүй аяарханаар чихэнд хошуугаа нааж байгаад "наадахаасаа надаа ахиухан хийгээд өг" гэж хэлж үзнэ. Жаахан байж байснаа савтай хатуу дарс дуусангуут олоод ир гэж зарлиг буулгана. За тэгээд л ёроолгүй юм шиг цөлж цөлж байгаад нэг харахад хэнтэй хамт ирснээ мартсан уу эсвэл намайг илт жийсэн үү яасан бүү мэд хаа хамаагүй гаруудын дунд орж суугаад хаа газрын алдар цуутай одод, баян тарган хүмүүстэй ах дүү, элгэн садан гэж нэг үзнэ, үгүй бол өөрийнх нь түийвчинд (дансанд) 5 төгрөггүй байж хөлгүй баян, аав мянгат малчин, 20 айлаар малаа харуулдаг, сумын төвд 5 давхар хаус за за аймаар мултарч байснаа гэнэт хахир дуугаар "би бол байна ш дээ тээ" гэж ирээд л суудал дээрээ шүлсээ гоожуулаад л таг. Хэрвээ нэг газар "од" болж тоглох дуртай 2 хүүхэн зэрэг байвал дэлхийн 3 дайн боллоо гэсэн үг. Нэг нь нөгөөгөөсөө давж гарах гээд үзээж таарна. Яг тэр үед нь чи хэрвээ согтоогүй бол хичнээн ч сайхан арга хэмжээ болж байсан хамаагүй нөгөө согтуу хүүхнээ чирч гаргаад л таксины жолоочид хаягийг нь хэлээд мөнгийг нь төлөөд явуулаад эргэж ороод найрлах нь аминд өлзийтэй. Ерөнхийдөө бол ууж, иддэг хүүхнүүдийг зохицуулж болоод байдаг юм гэхэд нөгөө идсэн идээгүй, уусан уугаагүй, согтсон согтоогүй хамаагүй, хаа тааралдсан газраа нүдэнд дулаахан харчуудтай ядаж нэг унтаад үзчих юмсан гэсэн бодол тээж явдаг хүүхнүүдийг ямар ч арга хэмжээнд дагуулж очвол чамайг зүгээр хутгалах шиг болдог гэж байгаа. Завхай задгай явдалтай хүүхнүүдийн гадаад төрх, дотоод ертөнцийг удахгүй бичих тул үүнийг энэ удаа орхие. Нэг мэдсэн чинь ажлын газрын ёлконд явсан тухайгаа бичих гэсэн чинь үнэнхүү шал өөр тийшээ зад хадуурцан байна. Энэ чинь юу гэсэн үг вэ гэвэл би удтал блогдоогүйн шинж болой... (үргэлжлүүлэ уншмаар байвуул хэлээрэй)