Тавибал тавьсан шиг л тавина ш дээ

Сүүлийн үед би санамсаргүй хэлсэн зарим нэг үгэндээ өөрөө яалт ч үгүй орооцолдож унаад байх боллоо. Нэг хампаантайгаа буу халж байхдаа "Ширээн дээр чинь тавьсан шүү" гээд хэлсэн чинь урдаас "Өөр тавих газар олдсонгүй юу" гэж байх юм. "Өөр хаана тавих юм бэ?" гэсэн чинь "өөр олон газар тавьж болно ш дээ" гээд хөхрөөд уналаа. Тэгэхээр нь юу тавьсан тухайгаа хэлэх хэрэгтэй юм байна гэж боддог боллоо. Бас нэг удаа "сүлжээн дотор хүссэн юмыг чинь тавилаа, хэрэгтэй хэсгээ таслаад аваарай" гээд хэлсэн чинь бүр балардаг байна ш дээ... Урдаас хүссэн юмаа таслахгүй бүтнээр нь авнаа гээд бүр зүгээр суулгахгүй байна гээч. Эртээд гадаа хэсэг залуус нэгнийгээ савж унатал нь цохихыг хараад тэр тухай "нэг залуу үхтлээ тавиулсан" гээд хэлчихсэн чинь нэг single female " Оох ямар сайхан юм бэ" гэж ирээд санаа алдаж ч байх шиг. Айснаасаа болоод өмдөндөө (бие засах) тавих шахлаа гэж хэлсэн хүнийг хэсэг хүүхнүүд тойрч зогсоод "дахиж амиа бодож, хувиа хичээдэггүй" болгох 7 хоногийн сургалтанд явуулах гэж байх шиг байна. Ер нь хүүхнүүдтэй ярьж байхдаа ТАВИХ гэдэг үгийг маш тодорхой хэлж байхгүй бол тэд энэ үгэнд их дуртай юм уу яадаг юм бүү мэд бүр гайхаад учраа олохоо болилоо. За тэгээд хэнийг хэлж байгааг, хэлүүлж байгаа хүн өөрөө ойлгож байгаа гэж бодоод ирж байгаа шинэ 2010 ондоо удаа дараалан сайхан тавьж, тавиулж, тавилцаж байхыг хүсэн ерөөе...

Хэсүүл тэнэмэл хэсэг бодол -4 буюу (Эластин юм чинь)

New York хотын Time Square-д шинэ жилийн орой асаадаг шилэн бөмбөлөгний зургийг интернэтэд гэнэт гараад ирэнгүүт нь аваад чимэг болгон тахилаа. Тайм Сквер гэснээс миний нөгөө дисконд өмсдөг Hard Rock Cafe гэсэн цамцыг яг энэ бөмбөлөгний доороос авсан гэж байгаа. За тэгээд миний золбин бодол өнгөрдөг хэд хоног хаагуур дарж, юу бодсон тухайгаа болон миний бие өөрөө хаагуур хэсүүчилсэн тухайгаа бичих гэсэн чинь блог бичдэг онгод сахиусууд маань намайг орхиод энэ тэндхийн шинэ жилийн баяр, парти, шоунд явж өгсөн бололтой. Тэр тэнэмэлүүдийг хүлээх гэтэл тэвчээр хүрдэггүй өөрийн биеийг золиослон хүн төрлөхтний сайн сайхны төлөө энэхүү бичлэгээ хоёр мойног долоовроо ашиглан тэрлэн байгаа нь энэ билээ.

Хотод хэд хонолоо. Зарим нэг гунигтай явдал болсон боловч тэр тухай үл өгүүлэн өгүүлье. Готод утаа нь ханхалаад сайхан байнаа. Утаатай гэр, унгастай хөнжил хоёр дулаахан гэдэг ч оргүй бололтой. Хэрэв готын утаа байхгүй бол хөхөө өвлийн энэ хүйтэн бүр тасархай хүйтэрсэн ч байх байсан юм бил үү хэн мэдлээ. Тийм болохоор тэр утаа мутаа гэж өчүүхэн юмаар хөөцөлдөхгүй арай том, том юм ярьж байвал ер нь яасын???

Гот орсных гээд нэг удаа Нарантуул зах гардаг юм байна. Тэгсэн чинь хөлдөж үхэх шахсан нэг хампаан халдаг улавчаа аваарай халдаг улавчаа аваарай гээд -25 хэмийн хүйтэнд ам хамраа байдгаар нь ангайлгаад орилж байнаа. Мань нь гэтээсээ саваагүй юм болохоор гүйж очоод 2 ширхэгийг авдаг юм байна. Яах гэж авсан юм бэ гэвүүл. Цэнгэлтэй хамт ориг өвлийн өвгөнийд очихдоо гутлынхаа уланд хийх гэсэн санаатай гэж байгаа. За тэгээд л халдаг улавчаа аваад тайлбарыг нь унших гэсэн чинь байрдаггүй ээ. Шууд л "Конничива, би боруу хардаг уравч уу" гэсэн бичиг байнаа. Би их наран улсын бичгийг нь байтугай хэлийг нь мэдэхгүй юм чинь баахан харж байснаа халаасандаа зад сожлоо. Хөлийнхөө уланд хийгээд явж байтал гал астал халж магадгүй гэж бодогдоод галын хор хармаалж явах хэрэгтэй болж магадгүй юм байна.

Жил бүрийн 12 дугаар сард оны шилдэгүүдийг шалгаруулдаг уламжлал тогтоод удаж байгаа билээ. Оны шилдэг нийтлэл, оны шилдэг хүүхэн, оны шилдэг ууртай этгээд, оны шилдэг бөбөөчин, оны шилдэг гамшиг төрхтэй матар царайт, оны шилдэг баваачин, банийлгачин гэх мэтээр. Би ч гэсэн өөрийн блогныхоо оны шилдэг бичлэг шалгаруулах санаатай байгаа. Энэ арга хэмжээг ивээн тэтгэгч, шүүгч, нэр дэвшигч, зарлагч, хөтлөгч нь би өөрөө байх нь тодорхой. Гэхдээ миний блогоор хааяа орж ирж бичсэн юмыг маань уншдаг гаруудын санал нөлөөлөх нь гарцаагүй. За тэгээд шагналуудаа жагсаавал: Гран При - 1 шагнал нь: Алтан түрүү уусны маргааш шар тайлах нэг лааз кока кола, Да ху ван бэлэн гоймон, дебют бичлэг -1 шагнал нь: Да ху ван бэлэн гоймон за за дандаа шар тайлах юмны нэрс орж ирээд болох юм биш. Ер нь нэг тиймэрхүү л бэлэг байх юм шиг байна.

Өвөл болохоор хүйтрээд хааяа хөлийн үзүүр даараад байх болж. Энэ үед дулаацах хамгийн шилдэг арга бол дулаан хөнжилдөө дугжирч байгаа хүний бүлээн гэдсэнд хүйтэн хөлөө наах юм байна. Хэрэв цаад хүн чинь огцом уурладаг эмгэгтэй хүн байвал хариу цохилт өгөхөд бэлэн байх хэрэгтэй юм билээ. Харин гэдсэн дээр нь хүйтэн хөлөө наахыг мэдрэхгүй унтдаг хүн байвал аз чинь гэж болно. Ямар ч гэсэн чиний гэдсэн дээр өөр хүн хөлөө тавих хүртэл дулаацаж болно гэсэн үг.

Ганц хөл ч биш гар хуруу хүртэл даараад хурдан хөдөлж чадахгүй болоод орлого муудаад байх шиг. Юун тухай ярьж байгааг ойлгож байгаа биз дээ.

Нээрээ готод явж байсан чинь алтны уурхайн боос хүүхэн танилтайгаа тааралдлаа. Lincoln Navigator жийп жолоочоороо бариулцан, шилэн трико, Грек булган шуба, Келвин Клайн-ы Euphoria Blossom түрхэж мүрхцэн энэ тэр. Лайтай... Би бас дутахгүй Pal Zileri шүршсэн болохоор хөлс мөлс үнэртүүлж паактлаагүй байх. Тэр Navigator нь аймаар их бензин хусдаг байх аа. Хажууд нь маний Grand Cherokee яг хүүхдийн тэрэг шиг харагдаж энэ тэр үү. Ямар сайндаа машиндаа орохоос ичээд явган явж байгаа гэж хэлээд нөгөө том унаагаар нь гэртээ хүргүүлснээ буцаж таксидаад иртэл хөгийн юмнууд толь хусцан байгаам даа.

Өө нээрээ бас нэг таньдаг -50 ажима борлогдсон байх юм. Энэ насны хүмүүс ижлээ олох юм бол үг хэлээ үнэн амархан ололцдог юм шигээ. Тэгсэн мөртлөө нялхараад л... Гэхдээ яахав дажгүй харагдаж байсан.

Бодоод байх нээ хүн ер нь нялхарья гэвэл хэзээ ч нялхарч болох юм байна. Гэхдээ хамаагүй нялхараад хуруу муруугаа хөхөөд унавал баахан донгио болох байх л даа. Гэхдээ нялхарвал нялхарсан шиг нялхарах л хэрэгтэй ш дээ.

12 дугаар сарын 25 хүртэл блогныхоо бичлэгийг шалгаруулах ажилтай боллоо. Та нар ч гэсэн оны шилдэг мэлдэгээ тодруулаарай...

Тэнгэр нурж, газар цөмөрлөө ...

Энэ тухай яаж бичих аргаа олохгүй хэд хоног бодлоо. Гэхдээ энэ тухай бичихгүй байж болохгүй нь.

Хэдхэн хоногийн өмнө надад амьдрал хайрласан, намайг хамгийн сайн ойлгодог, миний хамгийн хайртай, хамгийн үнэнч "найз охин" болох ээжийгээ алдлаа. Гэхдээ ээж минь бүр мөсөн алга болоогүй, намайг бас нэг өдөр алга болох хүртэл надтай хамт байх болно.

Тэнгэр нурж, газар цөмрөх шиг боллоо...

Хэсүүл тэнүүл хэсэг бодол - 3

Аль халуун намраар л та минь ээ яаанаа ийнээ цаана чинь шинэ жил болох гээд байна гээд хөөрөөд байтал одоо бүр хариугүй болох гэж байна ш дээ. Өглөө календарь хараад хэвтэж байсан чинь яг сарын дараа буюу 2010 оны 1 сарын 1-ний өдөр би өөрийн хэсэг нөхдийнхөө хамт гэртээ харих ээлж тохиох юм байна. Уг нь энэ долоо хоногт ээлж буугаад 14 хоног хотод амрана л даа. Гэхдээ дээрх жишээнээс харах юм бол миний хэр их холч ухаантай болох нь харагдаж байгаа биз дээ??? Өөрөө өөрийгөө хааяа ингэж магтаж байхгүй бол намайг магтах хүн алга байх шиг байна. Оны сүүлийн өдрүүдийг тэртэй тэргүй Цэнгэлтэй хамт ориг өвлийн гэрт нь очихоор төлөвлөсөн болохоор тэр тухай дахиж яриад ч яахав. Харин бусад өдрүүдэд нь юу хийх тухайгаа сайн бодох хэрэгтэй. Нөгөө хөл хорио, баарны хаах цаг гээд миний төлөвлөгөөнд нөлөөлөх онцгой хүчин зүйлүүдийг харгалзан үзэхгүй бол болохгүй гэж байгаа. Амралтаараа ийш тийшээ явахдаа нэг шингэн дуутай юм дагуулахгүй бол болохгүй. Хийморь лундаанд муу гэж зурхайд бичсэн байна. Тэр шингэн дуут, богино жолоотод өмсөх торгон дамбаал, лакадсан эсгий гутал байна уу үгүй юу??? Өөрөө нэг их жигтэйхэн дах, дэгтий болсон хампаан дараад байдаг гэтэл хажуудах нь олигтой дамбаал, эсгий гуталгүй "Шороотын Цэвээн" шиг юм яваад байвал хүн муу хэлнэ ш дээ. Ядахдаа манай Жаргал, Туяа хоёр шиг адьяалаараа бөгсөө ороогоод явж байвал болж байгаа юм. Ер нь адоьялаараа бөгсөө ороож явах чинь их дажгүй юм байна. (Адьяаал гэхээр 4500 төгрөг төлөөд ам аймаар цангачихсан босож ирдэг эрэгтэйчүүдийн зочид буудлын үнэр танартай юмыг хэлээгүй шүү) Тэх тусмаа 2 аъдьяалтай бол бүр гараад өгнө ш дээ. Хүн харахад нэг их даарсан дүрийг Сэрэлт киноны Пүрэвжав, эсвэл ах лам шиг гаргаад л гол нь сиймхий гарвал нэг адьяллаа дэвсэж байгаад нөгөөгөөр нь хучаад хэсэг нак авахад яагаад болохгүй гэж. Адяаал (энэ гадаад үгийг хэдэн янзаар ч биччихэв дээ) гэж юу яриад байгааг ойлгохгүй орос - монгол толь бичгээс хараад хөнжил гэж байвал юу юугүй битгий шөнө нөмөрч унтдаг хөнжилөө цагаан даавуутай нь битгий аваад бөгсөө ороогоод унаарай. Бас ингээд хэлчихээр даавууг нь сугалж авчихаад бөгсөө ороож болохгүй шүү. Ер нь нөмөрч унтдаг адъяаалаар бөгсөө ороодоггүй юм. Ороодог нь ганган юм байх ёстой. Ингэж хэлэхээр битгий урдаас "Вай нот" гээд нүдээ бүлтийлгээд байв аа. Болохгүй л гэсэн бол болохгүй. Бодоод байсан чинь "Вай Нот" гэж хэлээд нүдээ нэг их том бүлтийлгэвэл их сүртэй англи асуулт болдог юм байна. Гол нь асуунгуутаа нүдээ бүлтийлгэсэн хэвээрээ эргэн тойрноо хэсэг тойруулж харах юм бол чи жинхэнэ "Вай нот" гэдгийнхээ хариултыг мэддэг лаг мэдлэгтэй гар болно. Ёоо юуу вэ шинэ жил, готод дагуулж явах хүүхнээ яаж гоёх тухай ярьж байснаа нэг мэдсэн чинь англиар асуулт сүртэй тавих тухай онол праагчикийн бага хурал хариугүй хийх гэж байх чинь. Бодол санаа дэмий тэнэдэг болсоноос хойш ийм "со" болоод байгаа юм даа. Сүүлийн үед надад, шинэ төрсөн хүүхдэд хэрхэн сэтгэлийн хөдлөлөөр нэр өгөх тухай нэг сэдэвт өгүүллэг бичих санаа төрөөд бүр зүгээр суулгадаггүй ээ. Монголчууд хүүхэд төрөнгүүт, лам багш, өвөө аав нь эсвэл аав нь нэр өгдөг уламжлалт консерватив аргатай байсан бол будаан дотор шинэ төрсөн хүүхдийн гэр бүл, төрөл төрөгсөд нь өөр өөрийн нэрээ цаасан дээр бичээд хуйлж хийгээд сугалдаг ардчилсан аргыг хаанаас ч юм олоод хэсэг давхисан байна. Харин миний шинээр санал болгож байгаа арга бол шинэ төрөх хүүхдийн эцэг, эх элгэн садангууд нь шинэ хүнтэй болсоныг дуулаад сэтгэлийн хөтлөлдөө автан гаргасан анхны авиагаар хүүхдийг нэрлэх асуудал байгаа юм. Жишээ нь Базарваань гэдэг нэртэй этгээд Хумпад гэж уулга алдсан бол их утга төгс нэр болно гэсэн үг. Тийм нэртэй хүн цагдаад баригдлаа гэж бодьё л доо. Нэг онгироо цагдаа овог нэр чинь гэж асуухад нь урдаас нь Базарваанийн Хумпад гэх юм бол саак сонсогдоно ш дээ. Дургүй нь хүрсэн цагдаа үсрээд л 2-3 шанаадана биз. Дараа нь ёс зүйн тасагт нь матаад өргөдөлийнхөө доор нь гомдол гаргасан Базарваанийн Хумпад гээд бичихэд догь харагдана. Би уулга алдахдаа ихэвчлэн "Аа лам минь" гэж хэлдэг. Би хүүхэдтэй боллоо гэж дуулах л юм бол амаа аймаар том ангайж байгаад "Аа лам минь" гэж хэлнэ. Тэгээд л миний хүүхэд эрэгтэй ч байсан эмэгтэй ч байсан Аа лам минь болно гэж байгаа. Юун Золбоо молбоо, Би чамд хайртай киноны Үрлээ үнэн тэнэг нэр бодсон байгаа биз.... за одоо зогсохгүй бол Үрлээ, Золбоо, Баяраа, Болд Өөскө гээд явах нь байна.

Энэ оны шинэ жил

Юу гэнэ үү? Готод ёлка хийлгэхгүй гэсэн гэнэ үү??? Юу болж солирохоороо тэгдэг байна аа??? Нөгөө орон бүхний өвлийн өвгөн, цасан охидуудыг ан амьтадтай нь насаар нь гомдоох гэж байгаа юм тэгж байгаад. Тэрнээс болоод 2010 гарахгүй, өвлийн өвгөн, цасан охидын гомдлыг арилтал тэр чигээрээ 2009 он хэвээрээ байгаад байх юм болуул яаана? Тэр чигээрээ гомдуул бусад улсуудад 2010, 2011, 2012 гээд он яваад байдаг, манайд болохоор гаднаас нь харахад 2010, 2011, 2012 он гарсан юм шиг мөртлөө 2009 хэвээрээ хэдэн жил ч яваа билээ. 2009 оны 1-р хэсэг, 2-р хэсэг, 15-р хэсэг гэж нэр өгөөд бүр хачин юм болох байхдаа. Хүмүүс яахав тэр шийдвэр гаргасан дарга нарынхаа амаар ёлко хийхгүй бол хийхгүй л байна биз, харин би санаа нийлсэн хэдэн гаруудаа цуглуулж байгаад өвлийн өвгөний гэрт нь очиж шинэ жилээ хийнээ. Ориг өвлийн өвгөний гэрт гэнэт оронгуут жилдээ ганцхан шоуддаг өвлийн өвгөн гуниг зарлаад сууж байсан бол год үсэрч босож ирээд л нөгөө олон цасан охидуудаа дэлгүүр гүйлгэж идэж уух юм авчруулаад, тарган хонины мах хөргөгчнөөсөө гаргаад л шууд бууз хийж жигнээд л лайтай авна ш дээ. Тэгэнгүүт маниус өөрсдийн авч ирсэн пиав, архи чихэр михрээ гаргаад л ширээг нь дүүргээд за болий болий ер нь л какрах нь ойлгомжтой. Мэдээж ориг өвлийн өвгөний гэрт явган явж очихгүй. Машинаар явна. Тэгэхдээ харин халимаг Цэнгэлийгээ дагуулаад явнаа. Бид 2 хамт явж байхад цасан охид нураад, хуйлраад аймаар юм болно л доо. Би нөгөө өө дарагч бил үү нүүр өнгөлөгч билүү нэг юмаа аваад нүүрэндээ түрхэнгүүд шууд 15 насаар залуу болж харагдаад, Цэнгэлийн халимаг цасан шуурганд сагсалзахаар цасан охид өөрийн эрхгүй өмнө маань унах нь тодорхой. Тэр золигнуудыг тэврэвэл хөлдөөх бол уу яадаг бол??? Авгайгаа болгоод зууханд гал түлүүлж боорцог хайруулах гэсэн биш бүр хайлж урсаад гай болж ч магадгүй. Энэ жил өвлийн өвгөний гэрт нь очиж байгаа юм чинь та гэртээ байгаа юм чинь яадгийн ингээд л унтаад өгнө ш дээ энэ тэр гэж байгаад таслах хэрэгтэй байгаа юм. Би жил болгон түрүүлээд тасраад байдаг зантай. Тэр жил нэг л даа өвлийн өвгөнтэй халуураад хүмүүс заалнаас гарсаны дараа илүү дутуу уух юм хайгаад явж байсан тал бий. Гэхдээ ер нь надтай тааралдсан өвлийн өвгөд овоо санаа нийлээд байдаг гэж байгаа. Харин цасан охид намайг тоохгүй арай залуу юмнууд руу хандраад, дургүй хүргээд, тэдэнэд агсан тавилтай биш. Энэ жил ер нь олон хүн дагуулалгүй ганц Цэнгэлтэйгээ явах нь дээр юм байна. Тэгээд л жаахан халвал Өвгөн, эмгэн, цасан охид, ан амьтадтай нь бүгдээрээ нийлж байгаад Намайг дагаад Цэнгэ гэдэг дууг Цэнгэлээр дуулуулнаааа....

Хэсүүл тэнүүл хэсэг бодол -2

Сүүлийн үед бодлууд маань хүртэл олон ангит кино шиг үргэлжилдэг болоод байх юм. Ертөнцийн эзэн өөрийн цорын ганц хүү Назар хотын мужаан Есүс Христийг энэ дэлхийд онгон Мариягаас төрүүлэхээс бараг 1500 жилийн өмнө бас нэгэн айхтар хүүхэд төрсөн нь Сидарта гэдэг нэртэй байсан юм гэнээ. Тэр хүүхэд багадаа хачин тансаг ордонд амьдраад л Сникерс, Марс идээд л ам нь цангавал кола ууж муугаад л хэсэг догь байж л дээ. Аав нь нилээн том компанийн захирал байсан юм уу яасан бас хэдэн хүн хөлслөөд ажилуулаад байсан юм шиг байгаа юм. Нөгөө Сидарта чинь нэг өглөө сэрээд эхнэрийнхээ өврөөс сэмхэн босоод аяга ус буцалгаад Нескофе гэж нэг амнаас унасан юм байх юм аа гэсэн шүү юм бодоод цонхоороо хараад зогсож байсан чинь хачин үзлийн царайтай, за бараг л өвгөнтийн нэг баагий шил, лааз цуглуулаад явж байхыг харж л дээ. Тэгэнгүүтээ ажлаасаа хэлэлгүй гараад, авгайдаа мэдэгдэлгүй оргоод нэг модны доор очоод яагаад хүн хөгширдөг, яагаад хүн үхдэг юм бол доо гээд бодоод суусан юм байна л даа. Нэг жил бодоод олдоггүй, хоёр жил бодлоо бас байдаггүй тэгж тэгж зургаан жил болсны дараа л арай гэж нэг юм үйлийн үр гэж нэг байдаг, тэр үйлийнхээ үрийг хүн эдлэх ёстой бас бусад хүмүүсийн үйлдсэн үйлийн үрийг эдлэхгүй гэж олсон юм байх. Яг энэ шиг юм надад тохиолдоод байна. Би ёстой хачин хачин юм боддог болоод байгаа. Онцлог нь миний бодол хувиа хичээсэн бус нилээн глобал шинжтэй байгаагаараа бусад хүмүүсийн бодлоос өөр харин нөгөө Сидартагийн бодолтой төстэй байгаа юм. Гэхдээ миний бодол үйлийн үрээ эдлэх гэсэн ойлгоход хүнд үг хэллэг ашиглахгүй зөвхөн өөрийнхөөрөө л боддогт цэвэр агуулга нь оршино. Нэг их олон юм ярилгүй юу юу бодож байна вэ гэхээр их олон юм зэрэг зэрэг пар хийгээд л толгойд ороод ирнэ ш дээ. Хамгийн эхлээд өглөө босонгуутаа өвөл бол гадаа хүйтэн байгаа бол уу цас орж байгаа бол уу, зун бол бороо ороогүй байгаасай, эсвэл битгий шатааж алчих гээд байгаасай гэсэн дэлхийн дулааралтай холбоотой юм бодож эхэлж байгаа юм. Байгал цаг уурын асуудалтай холбоотой энэ асуудлаас чинь эхлээд л далай лам Христийн шашинд орох болов уу? Ромын Пап лам манайд ирвэл хэдэн хүн адис хүртэх бол гэж бодож байгаа юм. За тэгээд гудамжинд гараад явж байхдаа хамгийн анх тааралдсан хүний өмссөн хувцас, гутал, нүүр ам царай зүс гээд л бүр түрхсэн үнэртэй ус нь хүртэл ханхалвал бодож байгаа юм. Энэ тухай бодохдоо бас учиртай бодноо. Олон талаас нь нухацтай бодож байгаа юм чинь. Жишээ нь дэрэвгэр малгай өмсөөд, урт хормойтой палааж өмссөн хүүхэн тааралдвал энэ хүүхэн саравчтай малгай өмсвөл ямар харагдах бол? Хэрэв өмд өмссөн бол хэр нарийн шилбэтэй бол аягүй бол майга байхдаа, Чааваас ямар сонин хуруу нь гарсан гутал өмсдөг юм бэ? Даардаггүй юм байх даа гэсэн хүний төлөө гэсэн нинжин сэтгэлийн агуулгатай бодлууд ар араасаа ороод ирэнгүүт толгой тэр чигээрээ даагдахаа байгаад ирж байгаа юм. Та нар аягүй бол манай орцны погжийгийханыг хараагүй байх. Уг нь харсан бол тэдний тухай орцноос гараад 10 минут болоод л шууд боддог болно. Погжийгийхан (бичих гэж лаг удлаа ш д) 9 давхарт амьдардаг юм. Аав нь погжгор, ээж нь погжымаа, охидууд нь погжийская, ганц хүү нь погжиймор гэдэг нэр өгвөл таарсан хүмүүс байдаг юм. Тэд миний хажууд зогсох юм бол би Өсөхбаяр аваргын хажууд зогсож байгаа юм шиг харагдана гэхээр ямар хүмүүсийн тухай бодоод байгаа нь тодорхой байгаа биз дээ??? За тэдний өндөр нам ч ямар хамаа байхав. Хамгийн сонин нь Погжийская охидууд нь жил болгон нөхөргүй, ядаж найз залуугүй мөртлөө хүүхэд төрүүлээд байдаг байхгүй юу. Нөгөө нууц товчоон дээр тооноор нь шар туяа татуулж ирээд л Алунгоо эхийн гэдсийг илэнгүүт жил дараалаад хүүхэд гарлаа гэдэг шиг л 9 давхарт байдаг болохоор нь поорчикоор нь шар туяа татуулаад нэг амьтан ороод ирдэг юм болов уу гэсэн таамаглал төрөөд байдаг юм. Эсвэл мань Ертөнцийн эзэн ч байх болно ш дээ. Ер нь хүнд хүн илүүддэгүй болохоор Погжийгийхоны тэр бутархай мөнгө шиг багачууд ээж, эмээ өвөө байтугай даян дэлхийг аврах ч юм билүү хэн мэдлээ.

Цааш нь намайг ямар бодол эзэлдэг вэ гэхээр хажуу сургуулийн биеийн тамирын талбай дээр спорт миспорт хийж байгаа хүүхдүүдтэй холбоотойгоор би ямар дасгал хийж чадах вэ гэсэн бодол эзлээд байдаг юм. Би бол биеийн тамирын дасгалуудыг хайнга байдлаар зэрэмдэглэж, заримдаглаж хийдэг улсуудын эсрэг тэмцдэг гэж байгаа. Хүмүүс өглөөний дасгал гээд янз янзын юм хийгээд байдаг бол би нэг өглөө зөвхөн толгойны дасгал дараагийн өглөө нь хүзүүний дасгал гэсээр байгаад хамгийн сүүлд нь амьсгалын дасгал гэх мэтээр бүтэн өдрийг дасгал хийхэд зориулах нь илүү дээр байх гэж боддог. Гэхдээ өөрөө тэгж хийж үзээгүй л дээ. За тэгээд миний хамгийн сайн хийдэг дасгал бол бол пиавны грүүжигдэх, пиав ширээнээс амруугаа ойртуулах төдийгөөр дуусаж байсын байхын.
Тэхдээ эдгээр дасгалыг байнгын давтамжтай, үл шантрах чин зоригтой, шантралгүй хийхийн болуул шүдний зуулт, хоолойны залгилт, гэдэсний урагшаа бөөрөнхий хэлбэр, ширээ ам 2-ын дундах зайг тодорхойлох орон зайн мэдрэмж, тухайн зайнд хэрхэн пиав ширээнээс амруу явуулах хурдны тооцоолол, гарны хоёр толгойт булчин гээд олон зүйлд нөлөөлдөг болох нь миний амьдарлын нөр их туршлагаас харагдаж байна. Мөн дам нөлөө үзүүлдэг зүйлс нь гэхээр жоодгойд ямар хурдаар шээхэв, шээлтийг ямар хэмжээнд барьж тэвчиж гаргаж байвал пиавтайгаа удаан суухав гээд олон зүйлд нөлөө үзүүлдэг гэдгийг ч мэдэж байна. За ингээд бодоод байх юм бол бодол ч дуусахгүй байгаа биз...

Дараагийн бодолд орох хүртэл түр баяртай...

Хэсүүл тэнүүл хэсэг бодол

Сая хэд хоног өөрийгөө хэсэг ажиглалаа. Тэгсэн чинь би хүмүүжлийн замдаа эргэлт буцалтгүй орсон бололтой. Та нар хэрэв санаж байгаа бол би өмнө нь өглөө босоод яаж нэг юу уух вэ гэж бодоод хэрвээ уух юм бол яаж 2, 3 юм болгох вэ гээд л тархиа тасартал нь ажилуулдаг гэж хэлж байсан даа. Харин тэгсэн чинь сүүлийн үед миний толгойд орж ирдэг байсан тэр бодол бүр ор тас алга болсон байх юм. Тэгэхээр нь би гэдэг хүн чинь тэр бодлоо хайж өглөө. Тархины хамаг эд эс, нуглааг ухаж гүйцээд, дараа нь өмд, цамцныхаа хамаг хармай хотыг сөхөөд бүр аргаа бараад авдар саваа онгичоод олдоггүй. За яахав явж байгаад хүрээд ирэх биз гээд хэсэг харлаа. Нөгөө золигийн бодол чинь бас байдаггүй шүү. Үгүй та нар бодоод үз дээ. Би урд нь өөрөө сэдэл гаргаж амьтан хүн өддөг байсан чинь сая яав? Хайрт найз Марк А-аа хотод байгааг мэдсэн мөртлөө өөрөө эхэлж залгахгүй үсчин мүсчин дотор явж байна ш дээ. Тэгээд мань Марк А-г залгахад нь дуртай дургүй очиж энэ тэр гээд л... За за худлаа тоглосон юм. Гэхдээ хампааныгаа залгахад нь гүйж очсон мөртлөө уух хүсэл төрөөгүй ш дээ. Энийг одоо хөгжил дэвшил гэх үү эсвэл жанжин шугамаасаа ухарсан явдал гэх үү гэсэн бодол төрөөд байдаг боллоо...

Нээрээ хүмүүс утас шөрмөсөөр лаг ярьдаг болжээ. Эртээд нэг хампаан утсаар ярьсан чинь намайг асуугаагүй байхад манай тэр тийм хүүхэд гаргасан гээд л баахан хүүхнүүдийн төрөлтийн асуудлыг тайлагнаад эхэлдэг юм байна. Мань тэгэнгүүт нөгөө хампааныг чинь төрөх эмнэлэгийн лавлахад ажилд орсон юм байх гэж бодонгуутаа эргүүлээд: Баянзүрх дүүргийн 7-р хорооны иргэн Цэцгээ төрсөн үү гэж асуусан чинь: -Тийм хүүхэн төрөөгүй байна, харин тэр хорооны сая охин төрүүлсэн нэг ээж хүүхэддээ Цэцгээ ггэж нэр өгөх магадлал өндөр байна гэж байгаа юм даа???

Архи уухаа болиод удаагүй байтал би гэдэг амьтан зүгээр л зөнгөөрөө хүнийг удирддаг болоод байгаа ш дээ. Яаж байна гэхээр ингэж байгаа юм. Дэгдэгтэй юм ярьж дуусаад одоо хариултыг нь англиар биш герман хэлээр "ундештанд" гэж хэлнэ гэж бодоод харангуут яг тэгж хэлж байгаа юм даа. Бас огт мэндэлдэггүй Бамбайн харуулыг намайг харангуутаа ёслоод мэндэлнэ гэж бодонгуут урдаас: Та сайхан амарсан уу гэж асууж байсан.

За ер нь сүүлийн үед янз янзын далд авьяасууд маань тодроод байх болж. Тухайлбал өглөө сэрэнгүүтээ год гээд босдог байсан бол нойрмоглоод байх болсон байна. Өөрчлөлт л байгаа биз дээ??? Бас хүмүүсийн атаархал төртөл их иддэг байсан чинь юу вэ бүр бараг юм идлээ гэж хэлэх аргагүй бага хоол иддэг болсон байна. Хамгийн гол нь сонгодог гэсэн юм болгон руу делитант бус байдлаар ханддаг болоод байгаа нь их сонион. За одоо үг олдож, үхэр холдлоо. Холдоод байх үхэртэй ч юм шиг авлаа даа хахахаха

Эмчилгээ тэжээлийн цэгт дахин очив

Миний биеийн зүүн тал дайрлагт өртсөн тухай би өгүүлсэн билээ. Өнөөдөр би эмнэлэгт очиж зүүн чихээ янзлууллаа. Бараг 2 литр шахуу шингэнээр чихээ угаалгатал дотроос нь та бүхний харж байгаа энэ том хулхи бүлт үсрээд гараад ирсэн. Яаая тэгсэн чинь миний чих тэр дороо онгойгоод л хаа байсан ангараг гариг руу нисэж байсан пуужингийн моторт гажиг орсон нь хүртэл сонсогдоод ирж байгаа юм чинь. Тэгэхээр бөглөрөхөөс нь өмнө баруун чихээ үзүүлсэн чинь таван толгойн нүүрсний орд газар тэр чигээрээ байна гэх юм. Яадаг золиг вэ наадахаа дахиад шүршээд орхи гэв. Эмч залуу ханцуй шамлан миний баруун чих рүү шингэн шүршиж байтал гэнэт толгой эргээд ирлээ. Дотор муухайрч байна гэсэн чинь харин чихэн дотор тэнцвэрийн байдаг аппаратанд чинь шингэн хүрэхээр ингэдэг юм гэнээ. Надад л лав тийм аппарат байдаг юм байна та нарт байна уу үгүй юу мэдэхгүй. Ер нь завандаа нэг чих михээ шингэнээр шүршүүлж байх хэрэгтэй юм байна. За тэгээд ах шүршүүл гэсэн гээд хоорондоо усаар байлдаад унав даа. Та нар бас тэгж байгаад хэлж байхгүй бол хачин шүү. Цогцог чи миний чихнээс ийм юм гаргаж чадах байсан уу???

Зүүн тал дайрлагт өртөв

Хэл амаа билүүдээд хэнийг цаашлуулдаг юм билээ гэж бодсоор суутал олигтой юм орж ирэхгүй хэд хонолоо. Муу гахайн ханиадыг хэд хэдэн удаа гоочилсон чинь золиг чинь бас мэдчихээд намайгаа эргүүлээд шоглочих гээд болдоггүй ээ. Гэхдээ би гэтээсээ хийморь лундаатай юм чинь арай гахайн томуу тусчихаагүй ч бага сага өвчинд өөрийн биеийнхээ зүүн талаар эзлэгдээд байнаа. Яасан гэхээр ингэлээ: нэг өглөө босоод "Уулын нугад чамтайгаа, уруул шиг навчаар" гэнгүүтээ "үнсэлцээд" гэж хэлэх гэсэн чинь зүүн нүд рүү аймаар том юм нисэж ирээд орлоо. Тэгэхээр нь онц юм бодсон ч үгүй гарынхаа араар нүдээ нухчихаад таг мартлаа. Тэгсэн чинь хэд хоногийн дараа гэнэт нөгөө нүдний чинь доод зовхи бүлцийгээд, унжаад эхэлдэг юм байна. Би яахав дээ "...Хөгшрөлт чи чимээгүй ирэх юм, зовхио татуулах цаг минь болж дээ..." гэсэн шүү юм аяархан гувганаад, хөнгөн санаа алдсан шүү сууж байснаа зориглож босоод доод зовхио эргүүлээд харсан чинь Оу тэнгэр минь зовхин дотор минь тэр чигээрээ Наран туул зах хажуу хавийнхаа ТҮЦ-нүүд, наймаачид, өвгөнтийнхөнтэйгөө орсон юм шиг болсон байнаа. Ингээд л хорвоо ертөнцийг хос бус ганц нүдээрээ тольдох хэрэг болждээ гэж бодож байтал "нэг толгойд нэг нүд хаваажид (хватить)" гэсэн тэрс бодол орлоо. Орой байсан болохоор эмнэлэг явья гэж бодсонгүй өглөөг хүлээхээр унтлаа. Гэтэл шүлэг нойрон дунд минь миний мочевин хэмээгч шингэн агуулах сав дүүрч өөрийн эрхгүй босохдоо нүдээ нухаад орхисон чинь нил цус. Аз болоход урд өдөр нь мэдсэн тулдаа цус харваагүй байх. Нүд яахав тэгээд зүгээр боллоо гэж бодож байтал зүүн талыг минь дарлах гэсэн дайсны оролдлого дуусаагүй байсан бололтой. Зүүн талын дээд араа зүв зүгээр байсан мөртлөө гол тасартал өвдлөө. Аналгин, баралгин энэ тэр ч гэсэнгүй шууд шүдний эмчид үзүүлсэн чинь баахан ломбо, гомбо, момбо болж байснаа наадахыг чинь ер аваад хаявал яадгийн гэж байна. Би ч гэсэн өдөр болгон шүдний эмч залууд амаа чилтэл ангайж харуулаад сууж байхаар тэгье тэгье л гэлээ. Нөгөө эмч тэгсэн чинь зохиолын дууны улаан фээн юм уу хаашааын баахан нялуун үгтэй дуу дуулж байхдаа миний тагнай руу төө хэрийн зүүтэй шиприцээ нэг шааж өгснөө бахь гэхэд бахь биш бахь биш юм уу гэхээр бахь шиг юмаар нөгөө заяа муутай арааг минь суга татлаа. Би уг нь авахуулсан шүдээ гуйж аваад хадгалья, дараа хэрэг болж магадгүй гэж бодож байсан чинь тэрүүхэн хугацаанд өвчин намдаах тарианд нь болсон уу яасан нэг мэдсэн чинь амандаа тампон шиг юм зуучихсан "Миний зах" дотор дэмий тэнэсэн шиг алхаж байгаа юм даа. Гэтэл гай бас үүгээр дууссангүй. Юу болсон гэхээр усанд орж байхдаа зүүн чихэндээ ус оруулаад гаргаагүйгээс болоод чихний хулхи нороод хатахдаа чих бөглөж орхижээ. Аажмаар зүүн чих битүүрээд, том онгоцоор нисэж байгаа юм шиг дүнгэнээд ирдэг юм байна. Тэрүүхэн хэд хоногийн дотор чих минь дүлийрлээ гэсэн аймшигт бодол намайг эзэмдэж үс минь санчигнаасаа цайж, духанд минь нимгэн үрчлээ харагдах шиг болж нтр. Гэхдээ шууд дүлийрэлтэнд бууж өгөхгүй шүү, ядахдаа 2 ээмэг зүүсэн ганган чих дүлий явах ёсонд нийцэхгүй гэсэн бодол төрөөд эмчийг зорилоо. Таваг шиг хавтгай нүүртэй эмч хүүхэн яасан бэ ийсэн бэ? Ээмэг зүүдэг хөөрхөн чих нь ёо ёо болсон юм уу гэснээ нэг сонин гэрэлтэй багаж гаргаад ирэхээр нь за яг лазерийн туяагаар чихийг минь огтлох нь гэж бодсон чинь харин шагайж нэг харснаа нөгөө тавган царайт чинь "Үхсэн хойноо чихээ ухаж байхад яадгийн" гэж нэг хангинан алдаад дусаалга өгөөд 4 хоногийн дараа ир гэсэн. Тийм болохоор би одоогоор зүүн чихээрээ та нарт ямар нэг байдлаар хичнээн хүсээд ч тусламж үзүүлж чадахгүй нь... Харин яг 3 хоногийн дараа чихээ ухуулсаны дараа юу болсон тухайгаа заавал хэлнээ. За пока явж баруун талаараа ажил хийлээ... Үгүй ингэхэд гахайн ханиад туссан муу Мантуухай яаж өвдсөн юм бол??? Хэлээд өгдөггүй юм байх даа...

Өвлийн гангараа "Дамбаал" шүү

Хайрт хүүхнүүд минь ээ, өнөөдөр өвлийн тэргүүн сарын шинийн нэгний билэгт сайн өдөр билээ. Билэгт сайн өдөр гэнгүүт үс мүсээ засуулах, хусуулах гээд хэрэггүй. Ер нь бол шинийн 8 өдрийг хүртэл үсээрээ оролдох нь төдийлөн сайн биш гэдгийг надаар хэлүүлэлтгүй мэдэж байгаа биз дээ. Харин энэ удаа би та нарын өвлийн хувцаслалтын талаар илүү үг хэлэхгүй бол санаа зовоод унтаж чадахгүй бөөн юм боллоо.

Хүүхнүүд та нар өвлийн улиралыг хэзээ ч хавар, зун, намартай хольж болохгүй. Өвөл гэдэг чинь кимчинээс шал өөр зүйл шүү дээ. Яагаад гэвэл өвөл нимгэн хувцас, ялангуяа доогуураа нимгэн өмдтэй явах юм бол эрүүл мэндэд маш их хор хөнөөлтэй юм гэнээ. Хэрвээ орцноосоо гарангуутаа л дороосоо халдаг суудалтай машинд ороод тухлахгүй юм бол хэт их эрсдэл үүрч, шилэн трикотой гарч огт болохгүй. Ялангуяа бөгснөөс нь гал гарч байдаг юм шиг дан шилэн трикотойгоо явдаг залуу хүүхнүүд, охидууд автобусанд суудаг бол хавар болтол энэ зуршлаасаа түр салах хэрэгтэй гэж байгаан. Ер нь өвөл хэнд сайхан харагдах гэж нимгэн, нүцгэн явах гэсэн юм бэ??? Өглөө нь нар мөд гарахгүй, үдэш яагаа ч үгүй байхад тас харанхуй болдог болохоор харчууд бид чинь хальтарч унахгүйг бодоод л өмнөх газраа харж явна уу гэхээс биш нөгөө хавар, зуных шиг хүүхэн болгон руу нүд, чихээ бэлчээх нь багасдаг юм ш дээ. Ядаж байхад машин тэрэгнүүдийн цонхны шил цантаад юун хүүхэн харах манатай замаа ч харах аргагүй болж байгаа болохоор та нар өөрсдийг чинь хүн харж байгаа гэж нэг их том юм бодоод бол бараг хэрэггүй дээ. Тийм учраас миний та нарт өгөх алтан зөвлөгөө бол Нарантуул, Хархорин захуудыг дөнгөж нээгдэнгүүт давхиж очоод дамбаал өмд аваад өмс. Нэгдүгээрт дулаахан, хоёрт хальтарч унахад зөөлөн байх болно. Хэрвээ хийсэн материал нь таалагдахгүй бол торго, дурдангаар хийж ч бас болно ш дээ.

Бас гутал гэж нэг асуудал байгаа. Уг нь хүв хүйтэн хөлөө хүний гэдсэнд нааж дулаацуулах ч сайхан л даа. Гэтэл хүйтэн хөлөөр хайруулж байгаа хүн, хайрч байгаа хүнд дулаан гутал авч өгөх тухай бодохын оронд яаж энэ хүйтэн хөлтэй "там"-аас хурдан ангижрах вэ гэж боддог байхгүй юу!!! Тийм болохоор тайлж, өмсөхөд амраар нь зүгээр л эсгий гутал өмссөн нь дээр. Эсгий гутал чинь тэгж байгаад дотроо олон өнгөтэй байдаг юм. Цагаан, бор, хар эсгий гутал байхаас гадна цагаан эсгий гутлыг дуртай өнгөөрөө будаад өнгөнд оруулсан ч болно ш дээ. за тэгээд эцсийн шийдвэрийг та нар гаргах болохоор дамбаалаа өмсөөд дулаан явна уу, шилэн трикотой ниснэ үү, ширэн ултай гуталтай хальтарч унана уу, эсгий гуталтай намбайна уу та нар л мэдэх хэрэг дээ...

Улаанбаатарт өнгөрөөсөн 10 хоног

Зиак гэж байгаад л эхэлнээ. Улсын нийслэл Улаанбаатарт 10 хонолоо. Тэгэхээр одоо би яаж 10 хоног амарсан тухайгаа бичих гээд байна ш дээ. Ойлгож байгаа биз дээ??? Онгоцоор нисээд л, олон юм бодоод л, дөнгөж газардангуут гар утас минь жингэнэн дуугарч би гэдэг амьтан мэл гайхлаа. Миний гар утас гэдэг юм утас гэхээсээ илүү цагний үүрэг их гүйцэтгэдэг болохоор мэл гайхаад автал Мантуухай байх юм. Мань Мантуухай тэгсэн чинь Дархан, Сэлэнгэ, Эрдэнэт энэ тэр газраар сургалтанд явлаа гэж байх юм. Би хичнээн мангар ч гэсэн хөл хорио тогтоогоод байхад сургалт зохиож байдаг энэ сэтгүүлч нар гэж гачин амьтад байх юм гэсэн шүү юм бодож байгаа юм чинь. Гэртээ очоод ээжийнхээ гарын хоолыг хийлгэж идэж аваад, хэсэг дуг хийгээд оройхон гараад үсчинд сууж байтал бас дахиад гар утас жин жин... Хэн байсан гээч??? Хэн л байв гэж дээ Марк А байхгүй бол өөр хэн байх юм бэ??? Мань хампаан утасны цаанаас шууд л hellohoware you? comeonmyfriendto Springshotel. WegotoIkhsar ...гэх ухааны юм ярьж байнаа. За тэгээд яахав дээ бид нийлж байгаад баруун гарын дасгалыг ерөөлөөр дүүргэж байгаад л хийгээд байлаа хийгээд байлаа. Үгүй тэгээд хүн гэдэг сонин юм шүү манай хампаан маргааш нь динхуа цохиод гэртээ сайн харьсан уу гэж асууж байсан. Би лав хүмүүстэй баруун гарын дасгал хийснийхээ маргааш заавал утас цохиж асуудаг тэгсэн чинь манай хампаан бас тэгж байсан. Бидэнд нийтлэг юм их байлаа...

Өө нөгөө шинэ байранд орох гээд тавилга мавилга гэж баахан давхилаа. 3 жилийн өмнө Хонг-Конг-оос авсан тавилга гэнэт гологддог юм байна. Уг нь давгүй эд л дээ. Тэгсэн хэрнээ зээл аваад компани байгуулсан гаруудын гял цал болсон оффис шиг санагдаад болдоггүй. Тэгэнгүүт нь Мишээл төвөөр бүтэн 4 цаг хэсэж авах тавилгуудаа сонголоо. Ганцаараа ч хоёулаа ч унтаж болохоор нэг сайхан орос диван хамгийн түрүүн сонголоо. Дараа нь тойроод сууж болох нэг явган ширээ, ширээгээ тойруулж тавих 1-3 хүний буйдангууд, хамгийн үнэтэй цуглуулга болох DVD, CD, номнуудаа хийх асар том багтаамжтай тавиуруудыг өнгө юуг нь тохируулан авахаар боллоо. Жирийн үед ажлын ширээ болгомоор, нэг мэдэхэд цагаан сар мар хийдэг болоод ирэхийн үед ууц тавьж болохоор сунадаг ширээ авахаар тогтоод байна. Ийм маягаар өөртөө хөрөнгө оруулах нэг том ажил хийсэн юм байна...

Хөөцөлдсөн зугаа цэнгэл гээд байх юм бараг байхгүйтэй адил. Амрахаар очсон өдрөө Марк А, Бадрах хоёртой бас дараа нь Мулу дүүтэй нийлж гадуур хэсэг какрав. Хэсэг какрах гэснээс банкны зээлийн эдийн засагч нар гэдэг чинь яасан ч сайхан улс байдаг юм бэ??? Эсвэл маний бяр чадал тийм муу болсон юм уу бүр гайхаад бардаггүй. Уг нь 3 шил 0,75 водка цохиод яадаг ч үгүй байсан чинь сая 4-үүлээ (түүнээс 2 нь банкны зээлийн эдийн засагч гэж байгаа) нийлж байгаад 1 шил Мартини, 1 шил Алтан түрүү (0.5л) бага зэрэг пиавтай уусан чинь би гэж хариугүй амьтан муудаад, хамт байсан гарууд зүв зүгээр... Зарим нь бүр од модтой нийлчихсэн маньдаа зориулж гитарын концерт ч тоглож өгч байх шиг нтр. Гитарын сургуулийн хэд дүгээр курсын ч юм бэ дээ тэр оюутан тун удахгүй толгой дээр цахиур хагалж мэдэх нь байна. Гэхдээ зохиолын дууг рок ритмтэй гитар дээр тоглож болдоггүй гэдгийг сайн хэлж өгөхгүй бол тэр оюутан аягүй бол "Жонон хонгор морь", "Арван тавны сар" гээд гитар балбаад байж магадгүй шүү. та нар ч гэсэн тааралдвал тэр хампаанд хэлээрэй...

Амралтаараа Инглиш Инн орохгүй бол амарсан болоогүй юм шиг санагдаад болдоггүй ээ бүр. Тэгэнгүүт нь хармаандаа хэдэн задгай төгрөг хийж аваад гарлаа. Дөнгөж өдрийн 15 цаг болж байсан болохоор олон хүн байсангүй. Гэхдээ ижил сүргээ хайсан байдалтай Кола уусан хүүхнүүд л дүүрэн байх юмаа. Би гэж бөөн "Au" болсон амьтан яваад орсон чинь нөгөө хүүхнүүдийн чинь нүднүүд ухархайнаасаа бүлт бүлт үсрээд шалаар нэг болж байнаа. Яанаа ийнээ хүний нүдэн дээр няц гишгэж балрах вий гэж өлмий дээрээ аяархан алхаж байгаад хүнгүй нэг суудал олж суугаад Ирланд стейк нэгийг 2 пиавтай захиад суулаа. Өө лайтай өөдөөс харсан ширээнд сууж байсан хүүхэн тэгсэн чинь энгэрээ ярж үзүүлж нтр... Эхлээд ярангуут нь намайг анзааралгүй санамсаргүй ярлаа даа гэх ухааны юм бодсон чинь харин үгүй ээ. Бүр над руу нүд ирмэх шиг болсоноо дахиад за за баахан худлаа гөрлөө(гэхдээ оргүй биш шүү). Нөгөө Ирланд стейкээ гөвчихөөд сууж байтал Спаггети идмээр гэнэт санагдлаа. Хүний ходоод гэдэг чинь чихээд байвал ороод л байдаг сав бололтой. Бүтэн порц стейкны араас дахиад нэг порц спаггети ороод л явж байна ш дээ...

Үгүй ингээд блог дээрээсээ хараад байсан чинь би дандаа л идсэн уусан тухайгаа бичсэн байх юм. Муу хүн юм байх даа би ??? Муу хүн болмооргүй санагдсан учраас уншсан ном, ядахдаа унших гээд авсан номнуудынхаа тухай хэдэн үг хэлэхгүй бол бас болохгүй нь.

Лед Зеппелин анхааран сонсдог болсоноос хойш гэнэт Ф.Достоевскийн зохиолуудыг унших хүсэл гэнэт оргилох боллоо. Тэгээд мань Марк А-тай уулзахаас яг нэг цагийн өмнө Билэг их дэлгүүрээс "Гэм зэм", "Карамазовын хөвгүүд" гэдэг 2 том романыг нь авлаа. "Гэм зэм"-ийг нь уншаад эхэлсэн дуусгалгүй орхисон. Классик бол классик л байдаг л юм байна. та нар ч гэсэн уншаад үзээрэй. Нөгөө Га яамны сайд байсан Ц.Гомбосүрэн гуайн орчуулга гэхээр ланзгар ш дээ.

Нэг их олон юм бичээгүй болохоор та нар намайг худлаа лаг амьтан болох гээд энэ тэндээс дуулсан номныхоо нэрийг бичсэн байна гэж бодоод хэрэггүй. та нарыг яг тэгж бодож байгаа гэдгийг би мэдэж л байна.

За энэ ч яахав. Эцэст нь хэлэхэд тэр Цэнгэл нөхөр ажил дээрээ байгаа юм бол байх шиг байж үзээрэй. 2-3 удаа очиход малгай, залгайгаа ширээн дээрээ орхиод л өөрөө нөгөө сайхан халимагаа салхинд хийсгэж сагсалзуулаад алга болсон байсан шүү...

Мантуухай алга болоод хаясан

Хэд хоногийн өмнө Цокцок алга болсон. Тэгээд таг болж болж байгаад гэнэт Монтреал хотын төвд гараад ирсэн гэж байгаа. Гэтэл өнөөдөр Мантуухай баллуурдуулсан юм шиг алга болжээ. Яаралтай үед залгаарай гэсэн утас руу нь залгасан чинь урдаас нэг тасалж үзэж байна. Дахиад залгасан чинь авахгүй гүрийж байна. Үгүй ер нь энэ Мантуухай хаашаа алга болов оо? За хаашаа ч алга болсон 11 сарын 11 өдрийн 11 цагт сим мим ээ салгалгүй өөрийнхөө утсан дээр байж байгаарай. Цээгийгийн утас ч Цээгий өөрөө ч найдваргүй холбооны хэрэгсэл юм байна. Хэрэв энэ чигээрээ алга болмоор байгаа бол элдэв коммент бичилгүй, утсаа ч залгалгүй энэ чигээрээ таг болоорой.

November

Паа 11 сар болсон байна ш дээ. Уг нь арай болоогүй байсан юмсан. Үнэн дураараа байна уу? Болдог юм болдогоороо явж байхад арай болоогүй ч гэх шиг. 10 сар дөнгөж эхэлж байхад л удахгүй ёлка болох гээд байх шиг санагдаж байсан чинь өнөөдөр харин Наадам болох гэж байгаа юм шиг санагддаг байна ш дээ. Үнэн цаг хугацааны баримжаагүй дарж өгч байх чинь. 11 сарын 4 болоод 3 дахь өдөр болж байхад 10 сарын 29-ны Баасан гараг байгаа юм шиг санагдаад болдоггүй ээ. Үнэн зугаа цэнгээнд дуртай гар юм уу хаашаа юм бэ? Би нээрээ "...чоно махнаас гарах..."-ын үлгэрийг биеэрээ үзүүлэх шиг болж байна. Сүүлийн 3 долоо хоногт нэг ч лааз пиав уугаагүй. Архийг бол бараг харсан ч танихгүй болтлоо төсөөрцөн байгаа яанаа. Өдөр нэг хампаантайгаа буу халаад сууж байсан чинь нөгөө шарил шатаадаг газарт тэр хампаан маань ажиллах шахсан тухайгаа ярьлаа. Тэгсэн чинь миний толгойд шал донгио бодол харван орж ирлээ. Хэрвээ би тэндэхийн дарга нь болох юм бол аймаар хэнхэг гар болноо. Зурагтын хүн ирвэл малийж байгаад л "...манай хамт олон энэ оныхоо төлөвлөгөөг 130 хувиар давуулан биелүүлж төсөвт баахан төгрөг төлсөн амжилттайгаар шинэ оноо угтаж байна...". Хүний амьд явах хүртэл төлөвлөөд наацан гар болох нь байна ш дээ. За маргааш нэг өдөр ажлаад нөгөөдөр гот гараад гишгэнээ. Уг нь ниснэ л дээ. Гэхдээ далавч байхгүй юм чинь гишгэнэ л гэж ярихаас. Хэрвээ далавчтай байсан бол гот гараад дэвнээ гэх нь байна ш дээ. Гот ороод шууд 2 хоног ойд унтана. Тэгээд сэрж босож ирээд баахан гэр хоол идэж байснаа, шүдээ чигчилж дуусаад хаагуур тэнэхээ тооцоолно. Гол нь гахайн ханиадны тэнэмэл вирустай тааралдаж болохгүй. 14 хоног хөл хорино гэсэн болохоор хорионд орж болохгүй, 21 цагаас баар савнууд хаадаг болсон гэсэн болохоор эртхэн орж хурдтай татаж аваад замаараа халуурч, толгой нь өвдсөн хүнтэй тааралдахгүйг хичээж явж байгаад гэртээ орох хэрэгтэй. Хэд хоногийн өмнө гадаад доктороор вакцин тариулсан. Яг монгол сувилагч шиг тарьдаг юм билээ. Вакцин нь 33 $ үнэтэй мөртлөө аягүй жаахан савтай, бас пенницелин шиг үнэргүй байсан. Амралтаараа Ф.Достоевскийн "Гэм зэм"-ийг авч уншина. Ном уншихаар нойр сайн хүрээд байдаг юм. Гэрт хүн амьтан ирвэл нэг их ном уншсан гар харагдах санаатай. Бас сонин уншиж байгаа юм шиг харагдвал цаг үетэйгээ зэрэгцэн алхдаг гар шиг харагддаг юм. За тэгээд болж өгвөл гадаад сэтгүүл олдвол гамтай үзэж байгаад энэ тэнд машинтайгаа түгжрээнд орох юм бол лаг гаргаад аймаар мэддэг хүн шиг дэлгэж байгаад дүрийг ид исгээд өгвөл үнэн какарч байгаа хэрэг болно ш дээ. Гэхдээ навсайж салбарсан юм гаргавал какрах биш бүр баларсан юм болно шүү. Тийм болохоор л гамтай гэж хэлээд байгаа юм. Гэхдээ бас бүр 1999-2007 он хүртэлх дугаарын сэтгүүл бол хамаагүй гаргаад хэрэггүй. За та нарт хэрхэн ном, сонин, сэтгүүл барьж какрахыг зах зухаас нь хэлж өглөө. Би аймаар чанга найтаадаг болохоороо хүмүүсээс ичдэг байлаа. Тэгсэн чинь гахайн ханиад хүрсэн хүн найтаахаа больдог гэдгийг дуулаад хаа явсан газраа хамаагүй найтааж гайхуулж байгаа ш дээ. Гахайн ханиадтай гарууд хүртэл надаас жаахан найтаалганаасаа өгөөч гэж гуйсан, хүссэн, заналхийлсэн захидлууд э майл дүүртэл ирүүлж байна. Тэднийг өрөвдөөд найталгаанаасаа өгөх юм бол өөрөө хоосон хоцрох гээд байдаг. Ер нь хот орж байгаад хүн амьтнаас далдхан найтааж байхаас. Нээрээ африк гарууд багадсан хувцас өмсөөд чихэлдсэн юмнууд яваад байдгийн учрыг эртээд ориг африк хүнээс асуулаа. Юу гэж байна вэ гэсэн чинь ДОХтой хүмүүс турж эцээд нүднээс гардаг бол тэднээс ялгарч эрүүл хүн гэдгээ олонд мэдүүлэх гэж багадсан хувцас өмсдөг гэнээ. Би ч гэсэн тэд нар шиг найталгаж ялгарнаааа.

Донтон донтоно, донтож байна, донтсоор байх болно, бусдыг ч бас донтуулна

Зиак, би сүүлийн үед энэ өвсөнд асар их донтоод байх боллоо. Уг нь хэзээ ч өвсөнд донтохгүй харин архи уусаар байх болно гэж, яг коммунист хүн шиг эргэлтгүй шийдээд байтал том Туяа гэж нэг гайхал Хятадаас оруулж ирсэн өвсөөр намайг дайлаад би тэрэнд нь дороо донтоод эхэлдэг юм байна. Юун архи, юун виски хавьгүй илүү. Хичнээн ч хэрэглэсэн шартахгүй, маргааш нь босоход толгой сэргэлэн, талинол нтр хүнээс сураад гүйгээд байх хэрэггүй гэж байгаа. Бас хаана ч хэрэглэсэн болно. Хүн амьтнаас айж, нуух ямар ч шаардлагагүй. Бүр боссынхоо өөдөөс харж байгаад хэрэглэсэн ч босс чинь боль моль гэж хэлж чадахгүй ш дээ. Өдөрт хэдийг л бол хэдийг хэрэглэж болдог давуу талтай. Нэг удаагийн цэнэгээр хоёр удаа угзарахад хангалттай болдог юм билээ. Гэхдээ хэрэглэх хүний өөрийн онцлог бас хамаарна. Би өглөөнөөс өдрийн 14 цаг хүртэл тасралтгүй угзардаг. Орой угзараад үзвэл юу болохыг хэлж мэдэхгүй байна. Аягүй бол кайф авсаар байгаад унтаж чадахгүй юм болох байх. Бас энэ өвс их хямдхан үнэтэй. Ердөө л 4000 төгрөгөөр 100 граммыг нь Номин их дэлгүүрээс авч болно. Мэдээж энэ бол ногоон цай ...

Миний бие 80+ настайдаа

Хампаан 80 нас хүрэхээрээ нэг ийм малин татсан гар болно гэж боддог юм. Харахад нэг их сайхан инээд алдсан амьтан, яг цаг дээрээ болохоор аймаар хажиг, хөгийн өвгөн. Хүн хаалга тогших юм бол хэнийг нь ч асуухгүй тийм хүн байхгүй гээд л. Ач гуч нартайгаа доошоо орж тоглоод л, буу халах юм бол дандаа овгор, атаман байсан гэж какраад л, эмгэнээ ороод ирэнгүүт нь худлаа мултарч байгааг нь хэлчих байх гэж гөлөлзөөд л. Эмгэн юмны наадах цаадахыг ойлгох чадалтайгаа байгаасай. Бас маньтайгаа адилхан атаман хүүхэн болох гээд ч юм уу эсвэл овгор өвгөнийг яаж дээрэлхэдэг байснаа ярих гээд байвал эвгүйтнэ ш дээ. Өвгөрсөнөө мэдэхгүй таягаа эргүүлж хүнтэй үзэлцэх баахан техник боловсруулж өвлийн урт шөнийг бараад, өглөө сэрэнгүүтээ тэр боловсруулсан техникээ эмгэн дээрээ чадвал нэг турших гэж үзнээ. Нөгөө эмгэн гарын ая даадаг болов уу яадаг бол гэж бодохгүй тэнэгтэх байхдаа. Эмгэн нь уцаарлангуут Салалт хийх юм болж тунирхаж бас үзнээ. Гэхдээ явж зүрхлэхгүй л дээ хашир юм чинь. Баахан алт олоод тэрнийгээ нэг газар зад сожсон гээд хүүхдүүддээ худлаа гөрөөд итгүүлсэн гээд өөрөө итгээд наачихсан байх вийдээ. Тэгж байснаа улам мунхраад ирэхээрээ тэр худлаа юмандаа өөрөө итгэж балраад булсан алтаа ухдаг хэрэг гэж өвчигнөөд яаанаа аайн. Бас тэгж байгаад шар сэмжлэх гэж үзнээ. 60 настай залуухан чавка нар тааралдвал бас аальгүйтэх гэж оролдож энэ тэр. Эмгэн хардаастай байвал аргалах аргаа олохгүй паакталнаа. Сардаа хааяа эмгэнээ ноолж магадгүй гээд сожоомныхоо хайрцаганд Виагра дарнаа бас. Аягүй бол эмгэн нь цэвэршээгүй наачихсан. Маань уншдаг эрхийг харин ч нэг ёооз ёоозоор нь хүзүүнээсээ зүүгээд нэг их номтой царай гаргаж, имижийг тэрүүхэндээ бүрдүүлнэ гэж байгаа. Хажуугаар тэр зоос, шоо хаяж мэргэлэх гэж үзнэ гэж байгаа. Гаанс, хөөрөг баахныг цуглуулаад, баяр наадамд алийг нь барьж гангарааск болох вэ гээд баахан толгойн өвчинтэй. Завтай цагтаа Levi's жийнс, саравчтай малгай өмсөөд гарч өгнө ш дээ.

Оройн хоолон дээрх яриа

Өчигдөр оройн хоолон дээр надтай нэг ширээнд суусан залуус ийн хөөрөлдөв. Шилээ дарсан халимагтай, харааны шилтэй 1-р залуу: -Миний цүнхэнд хулгана орохоор нь цүнхээ газар шидэж, шидэж аллаа. Өндөр нуруутай богино үстэй 2-р залуу: - Би тэрнийг хараад дотор эвгүйцэж, сандал дээр гарч зогсоод болиоч ээ гэж хичнээн хашгирсан гээч. Хар нялхаараа бууралтаж яваа 3-р залуу:- Аалзны бүх хөлийг нь таслаад харсан чинь бөв бөөрөнхий юм болсон. Урт эрүүтэй 4-р залуу: - Мөсөнд хавчуулагдаад, хөлдөж үхсэн царцаа тасалгааны температурт гэсээд эргэж амилж байхыг зурагтаар харсан. Шилээ дарсан халимагтай, харааны шилтэй залуу 1-р залуу: - Намар гадаа явж байхдаа үхсэн зөгий олоод дулаан газар оруулсан чинь хэсэг байж байгаад хартал амь ороод нисэж байлаа.

Ямар хүмүүстэй нэг ширээнд суучихав даа??? Буг чөтгөрүүд үү эсвэл бурхад архадууд байна уу гэж бодсоор би бослоо.

Punk Эмгэн

Саяхан нэг панк америк эмгэнтэй танилцлаа. Танилцлаа гэхээр та нар намайг эсрэг хүйснийхээ настангуудыг сонирхдог болсон байна гэж бодож болохгүй шүү. Би яг л хуучнаараа 30+ бүсгүйчүүддээ дээ анхаарал тавьсан хэвээрээ байгаа. За энэ ч яахав.

Панк эмгэн 7 давхарт байдаг гэртээ лифт хэрэглэхгүй гүйгээд л гардаг. Гарах гарахдаа хоосон гарахгүй нэг гартаа 8 кг мах, нөгөө гартаа 5 л пиво барьж гардаг юм байна. Овоолсон их хувцсаа угаалгын машин байсаар байхад гараараа угаагаад, үлээж хатаадаг гэнээ. Та нар тэр хошуу амыг нь хар л даа. Ийм амаар агаар хүчтэй сорж байгаад сийгтэл нь үлээгээд хатаана ш дээ. 50 орчим настай байхдаа идэр есийн хүйтэнд давхар өмд өмсөлгүй бүтэн өдөржин Америкийн дэнжийн 1000-ын зах дээгүүр өдөржин тэнэдэг байсан гэсэн. Хамгийн тасархай нь мань эмгэн 60 настай байхдаа 240 тоннын даацтай өөрөө буулгагч машин жолооддог байсан гэж байгаа. Тэгээд бас аймаар эршүүд. Ганцаараа өвлийн идэш хийх ухааны юм л мултраад сууна ш дээ. Тамхийг яг л гуталчин шиг татна. (Курить как сапожник). Улаан Марлборог өдөрт 2 хайрцгийг өлхөн татна. Ямар нэг хоолны дэглэм энэ тэр гэхгүй, өөхтэй махыг улай үзсэн хэрээ шиг л зулгаана гэж боддоо. За тэгээд орой 20 цаг болонгуут гангарч аваад л гарна. 50 грамм виски, 2 шил пиво уухгүй бол нойр нь хүрдэггүй гэсэн. Тэрнийгээ гэртээ дэлгүүрээс аваад уухгүй, заавал бааранд ууж байж уусан болдог гэж байгаа. Бас зүгээргүй баарнаас мөнгөө төлөлгүй бултах боломж гарах юм бол шууд ашиглана. Баар гэснээс нэг тасрах юм бол заавал агсам тавьж байж санаа нь амардаг. Баранд ороод үеийн эмээ нартай сууна гэдэг бол түүнд байж боломгүй доромжлол. 50 настай хөгшчүүлтэй тоож ярихгүй 20-30 насны залуусын дэргэд л саваад байна ш дээ. За шал худлаа огт байхгүй хүний тухай худлаа юм бичлээ. Худлаа ярихгүй бол сэтгэл амар байж болохгүй болохоор нь нэг иймэрхүү юм бичиж өөрийгөө баясгав. Одоо ажилаа хийдэг хэргээ...

Алив наашаа сууцгаа

Сая хэд хоног Ерөнхий сайдын бие чилээрхээд, А хүрээний янз янзын нэртэй ханиад гарч хүн нас бараад, тэрнийг дагаж миний сэтгэл тавгүйрхээд блог млогоо хаадаг юм уу гэж хүртэл бодлоо. Баар хүртэл 21 цагт хаалгаа бариад байхад миний блогоор олон хүмүүс орж гарч байгаад энэ нүдэнд дулаахан бондгор эрд хүргэчихвэл яах юм бэ гэж хүртэл бодов. Тэгснээ энэ блогоороо дамжуулаад тэр ханиадтай нь тэмцэхээр шийдлээ. Яаж тэмцэх вэ гэвэл эхлээд орноосоо зөв хөл дээрээ босох хэрэгтэй гэж байгаа. Буруу хөл дээрээ эхэлж босвол хөл чинь тэр өдөржингөө буруу газраар авч давхиж байгаад бөөн ханиадны үүрэнд орвол баларлаа л гэсэн үг. Нэгэнт буруу хөл дээрээ боссон юм чинь яаж ч хурдан зугтаах гэсэн буруу хурдаар зугтаагаад дорхноо баригдах аюултай. Хэрэв буруу хөл дээрээ боссоноо мэдэх л юм бол алхаж байгаад халахаас нь өмнө эргээд орондоо ороод тэр өдөртөө битгий бос, амраг ханиа ч босгох хэрэггүй, хамт л хэвтээд байх хэрэгтэй. Тэр өдөр юу хийх вэ гэвэл аан хүүхдүүд хичээлдээ явахгүй юм чинь маш болгоомжтой юу яагаарай за юу. Энэ бол гахайн ханиаднаас сэргийлж байгаа нэг арга. Өөр нэг арга бол өөрийнхөө байгаа газар таних танихгүй хүн бүү оруул. Оруулах юм бол эхлээд ариутгах арга хэмжээг хангалттай ав. Хамаг хувцсыг нь метроэкспрэсс дуудаж угаалгаад өөрийг нь ваннтай хлормины уусмалд булхуулж гаргаад зөвхөн коридортоо л тэр хүнийг хэн ч байсан хүлээж ав. Ирсэн зочныхоо хувцсыг орцонд тайлуулж меторэкспрэсст өгөх өө мартаваа. Бас метро экспрээсийнх нь мөнгийг ирсэн зочноороо гаргуулаарай. Би лав сая 2-3 удаа ингэсэн чинь манайхаар хүн шагайхгүй амар байгаа ш дээ. Ядаж байхад хажуу айлын хүн давс энэ тэр гуйгаад ядаргаатайхгүй, ядахад тэр давс нь надад байхгүй. Байхгүй гээд үнэнээ хэлэхээр харамч марамч гээд орцоор нэг цуураад байдаг юм. Ханиаднаас сэргийлэх биш, ханиадыг айлгах бас нэг онцгой арга байгаа. Тэр юу вэ гэхээр Барс зах дээр очоод 1000 төгрөгнөөс доош үнэтэй архи уух гэж байгаа. Нарийлаад 1-3 шил уувал хангаллтай биш шүү. Болж өгвөл өдөрт 5 шил байхаар бодоод 7 хоногоос дээш хугацаагаар уу. Хар аяндаа Гомбоо гэгч сайхан юмны үнэр өөрөөс чинь ханхлаад эхлэхээр тэр муу ханиад байтугай, ханиадны вирустай хүн ч айна. Амар арга байгаа биз дээ??? Өөрөө сайхан кайфтай, бас мөнгөнд хэмнэлттэй тэгээд өвчин тусахгүй гэж байгаа. Хамгийн найдвартай бас сүүлийн арга бол өрхийн эмнэлэг дээрээ очоод "Дархлаа мээтр" гэдэг багажаар нь хэмжүүлэх гэж байгаа. Хэрвээ дархлаа чинь 100000000000000.05-аас дээш дархлаа/амьд явах цаг гэж байвал хөнгөн хэлбэрээр төрсөн өдөр мөдөр тэмдэглээд явж болно. Нэг зүйл анхааруулахад зарим өрхийн эмнэлэгийн эмч нар дархлаамээтр багажаараа бизнес хийгээд байна гэсэн шүү, үнэгүй үзүүлэх эрхтэй гэдгээ санаарай. Бас эвдэрхий дархлаамээтрийн худлаа заалтыг үнэн гэж хулхидаад эрүүл мэндээр чинь хохироож ч магадгүй шүү. За тэгээд төрсөн өдрөө хүндээр тэмдэглэе гэсэн ч баар сав чинь 21 цагт хаах болохоор яахав дээ. Бас нялх нойтон хүүхэдтэй хүмүүс бол хүний хөлөөс хол Хандгайт арай хүрэлгүйхэн шиг (Хандгайтад хаус маань байгаа) хүүхдээ салхинд гаргаарай. Онцын шаардлагагүй бол ер нь гадуур, дотуур тэнэж байснаас гэртээ өвдгөө тэвэрч хэвтээд, дүнсэн тамхи ороож татаад, гарсан цэрээ салпетканд нулимаад 00-доо хийж усыг нь татаад л сууж байвал болоо. Ламбаа, Цолмон хоёрт миний энэ аргуудыг хэлж өгвөл ТВ-ээр олон хүнд хэлээд хүмүүсийг өвчлөлөөс сэргийлж болно гэж бодож байна дамжуулаарай.

Амар байна уу гэсэн биш гай болов...

Энэ хүмүүстэй мэндлэхэд хүртэл эргээд хариу мэндэлж чадахаа больжээ. Ёстой амар байна уу гэсэн биш гай болов. Хүний үгийг шууд хүлээж авдаг тэнэгдүү хүмүүс байдаг. Тэдэнд ямар нэгэн ёгт үг хэлбэл хэлснээсээ илүү гай дагуулдаг. Мөн таны хэлсэн үг бүрийг далд санаатай гэж сэжиглээд тэр утгыг нь олох гээд ургуулан бодох ухааныг уралдуулдаг "гэгээрэлд" хүрэх дөхсөн бүлэг хүмүүс ч бас байна. Тэд үг шууд хүлээж авдаг улсуудаас ч илүү хортой. Тэдэнд тохирох ажлын байр гэвэл тагнуул, туршуул, мэдээлэл цуглуулагч, цуглуулсан мэдээллээ өөртөө ашигтайгаар олон нийтэд түгээгч, нам олон нийтийн байгуулагын гишүүн, сайн дурын уран сайханч, Пи Арчин гээд зөндөө л олон юм байна. Тийм болохоор дээрх 2 бүлэгт хамаарах хүмүүсийг аль нь таны өмгөөлөгч, аль таны дайсан бэ гэдгийг тогтооход үнэхээр эргэлзээ төрмөөр ажээ. Үүгээр "Some One In My Head But It Is Not Me" гэсэн нэртэй блогоо төгсгөн, Интэрнэт хэмээх Виртуал ертөнцөд үлдээлээ.

Та бүхэнд аз жаргал хүсэн ерөөе.

Цокцок харагдана уу та минь ээ

Та минь ээ энэ Цокцок хаачив??? Нөхөр нь хандгай гэдэг инээхээс өөр юм мэддэггүй амьтны анд явлаа, юу ч агнаагүй байна гэж дуулдсан. Тэрнээс хойш бүр таг боллоо. Цаад Цокцокыгоо харагдвал ах дүүс чинь харж байна гэж хэлээрэй. За Цокцок чи хэрэв энийг өөрөө уншдаг юм бол алга болсон тухайгаа нэг ойлгогдохоор тайлбарлаарай. Skype-д хүртэл орж ирэхгүй биеэ тоогоод байгаа шүү. Олигтойхон тайлбарлахгүй бол сайхан мэдээрэй гээд хэлчихье.... Аймаар какарч байна уу???

Өвгөн партизаны яриа

Өвгөн партизан би залуус та нарыг харахаар л юм хэлэхгүй бол болохгүй санагдаад байх юм аа. Та нарт л гэж хэлэхэд одоо ингэж сайхан сэтгэлээр үг хэлэх хүн олдохгүй шүү гэдгийг дээрээс нь хэлчихье. Жишээ нь сая Халх голын 70 жилийн ой боллоо. Гэтэл яав? Энгэр дүүрэн төмөр зүүсэн өвгөчүүд гарч ирээд л Рэмбо хүү шиг аашилж, японы муусайн самуурайнуудыг цупаридаж өгсөн гээд л авч өгч байнаа. 30-40 жилийн өмнө бол энэ Рэмбо нар чинь Ардын хувьсгалын партизан гэдэг цолтой жанжин малгай, монгол хантаазаар гангарч, какарсан хэдэн өвгөчүүлийн өмнө жинхэнэ амьтан болдог байлаа. Саяын Халх голын 70 жилээр нэг бээцийсэн өвгөнийг баатар цолоор шагнаж байх юм аа. Би тэр хөгшин хонины насгүй болсон баатар өвгөнийг, цолныхоо найрыг хийж байгаад бурханы оронд явчих бий дээ гэж хичнээн санаа зовсон гээч??? Харин миний аз, түүний заяа түшсэнийх үү яасан айхтар эмгэнэлтэй юм болсонгүй. Холуур, холуур. Уг нь тэр хөгшинд баатар цолыг ид хийж бүтээдэг насанд нь өгсөн бол АН-24 онгоцоороо Бээжин, Нью-Йоркийг зад бөмбөгдөх ч байсан юм би лүү хэн мэдэхэв тээ??? За энэ ч яахав миний ярих сэдэв үүнээс тэс анги юм байгаа. Эрчүүд бидний амьдралыг анхааралтайхан шиг харах юм бол эмэгтэйчүүдтэй явуулж буй мөнхийн дайн гэж болно. Тийм учраас та нар хэн нэгэн эмэгтэйн зүрх сэтгэлийг байлдан дагуулахыг хүсэж байгаа бол наашаа суугаад анхааралтай уншаарай. Залуу чи нэг сайхан хүүхэнтэй танилцаад учирлаа гэж бодьё. Гэтэл тэр хүүхэн чинь яриандаа "Гоо сайхан гол нь биш сэтгэл чухал" ч гэх юм уу "Мөнгө юу юм бэ гол нь сэтгэл" ч гэх шиг нэг их сэтгэлийн амтанд орсон амьтан шиг загнаад эхлэх юм бол хэдхэн хоногийн өмнө ямар нэг чинээлэг эрийг зад мулзалсан эсвэл чамайг дараагийнхаа мулзлах төлөвлөгөөнд оруулаад байна гэж ойлгох хэрэгтэй. Ер нь ямар ч эмэгтэй хүн суудлын тэрэгний урд сандал дээр тухлаж яваад сурсан бол хэзээ ч халаас хоосон хүнтэй микронд чихэлддэггүй гэж байгаа. Тийм болохоор сэтгэл, мэтгэл гэсэн үг хэлээд эхлэвэл та тэр үгийг нь "Эр хүн чи баян, сайхан болох хэрээрээ эмэгтэй хүний хэрэгцээг ойлгодог байх ёстой" гэж хэлээ хэмээн ойлгоорой. XXI зуун бол мэдээллийн асар хурдтай зуун билээ. Хаа байсан далайн цаанаас кармаанаасаа гар утсаа гаргаад л залгаад, хэнтэй ч хамаагүй ярьдаг болоод байгааг бидний хэн хэн маань мэдэж байгаа. Мань ч гэсэн дээ хотын нэг захад байгаа хүүхэнтэй гар утсаараа залгаад л яриад болзоонд урьдаг гэж байгаа. Гэтэл залуу чиний ярьж байгаа хүүхэн чинь чиний урдаас "Тэгж байгаад над руу яриарай" гэх юм бол өнгөрлөө л гэсэн үг. Энэ үгийг юу гэж хөрвүүлж болох вэ гэвэл "... надад чамтай дэмий чалчихаас илүү чухал ажил байна..." гэхэд л болно. Мэдээжийн хэрэг хүнд хийх ажил байлгүй л яахав, харин ийм үг хэлж байгаа бол чи тэр хүүхнийхээ сонирхолыг татахаа больжээ гэж ойлгоход нэг их зөрөөд байхгүй болов уу. Надад нэг удаа энэ үгийг хэлээд, дараа нь бүх насаараа харамсаад, амаа барьж байгаа тухайгаа нэг эмэгтэй халамцуухан байхдаа ам алдаж билээ хөөрхий. Залуу чиний байлдан дагуулалт гадна өнгөн дээрээ амжилттай байгаа мэт боловч цаашаа ахих аргагүй болж мухардалд орох шиг болдог тийм үе тохиолдно гэдэгтэй би мөрийцөхөд ч бэлэн байна. Ялангуяа аймаар армаантаг оройн зоогны дараа ч юм уу, асар том цэцгийн баглаа бэлэглээд дараа нь үнсэх гэтэл чиний сонгож авсан обьект чинь хөнгөхөн бултангуутаа "Чи надад найзын хувьд таалагддаг..." гэж хэлэх юм бол "Чи надад тохирох эр биш ээ" гэж хэллээ хэмээн ойлго. Хүнд ганцаардах үе байдаг. Ганцаардаж, ганихараад хэн нэгнээс халамж, анхаарал авах хэрэгтэй болсон тэр үед нь чиний гай таарч түүнтэй учирсан болохоор энэ үгийг хэлж байгаа юм. Ялангуяа найз залуугаасаа харилцаагаа таслаад удаагүй байгаа эсвэл нөхөртэйгээ хурцадмал байдалд ортлоо муудалцсан хүүхнүүдэд олзлогдвол ийм үгийг сонсох болно шүү гээд хэлчихье. Хэрвээ чиний уулздаг хүүхэн чинь "Би одоохондоо илүү гүнзгий харьцаанд ороход бэлэн биш байна..." гэж хэлвэл ямар сайхан сэтгэлтэй эмэгтэй вэ гэж бодож тэнэгтээд унав даа!!! Энэ бол асар муухай утгатай үг шүү. Энэ үгийг хэлэнгүүт нь харьцаагаа гүнзгийрүүлэх гээд ч хэрэггүй шууд орхи. Энэ үгийг хэлсэн эмэгтэй тун удалгүй чамд "... гадуур санаанд таарах хүн олдохоо больж..." гэж хэлэх болно. Дээр хэлсэн үгийг хөрвүүлэх юм бол "Чи царай муутай, мөнгөгүй залуу, тийм болохоор бид дотносох хэрэггүй..." ойлгоно биз. За тэгээд ийм үг сонссон бол яахыг чинь би дээр хэлсэн битгий мартаарай.

"Уучлаарай өнөөдөр гэнэт биеийн юм ирчихээд хэцүү байна ..." гэвэл чамайг уулзья гэж хэлэхэд наад хүүхэнд чинь үүнээс өөр хэлэх үг олдоогүй гэсэн үг. Ер бол жаахан дүнхүүдүү, сэтгэх хурдны потециал багатай хүүхнүүд энэ үгийг хэлж эргүүтээт байдаг юм. Байгалын хуулийг өмнөө барьж, асуудлыг шийдэх гэж оролдож байгаа дээр нь ийм эмэгтэйгээс харилцаагаа шууд таслах нь чамд өлзийтэй. Гэхдээ үнэхээр биеийн юм ирсэн болохоо нотлох гээд ч юм уу эсвэл өөр арга хэрэглэн таныг "цэнгэн баясуулахыг" санаачилж байгаа бол тэр хүүхэн чинь жинхэнэ найз чинь шүү. Битгий алмайраад, энэ хоёрыг ялгахгүй тэнэгтээд байгаарай.

Чиний найз эмэгтэй чинь чамд "...Ямар хэмжээтэй байх нь хамаагүй, гол нь яаж "АШИГЛАЖ" байгаа нь л чухал..." гэх л юм бол балраа гэсэн үг. Чи зүгээр л лам болдог юм уу яадаг юм нэг арга бодохгүй бол болохгүй шүү. Энэ бол чиний эрхтний хэмжээ миний урьд унтаж байсан эрчүүдийнхээс жижигхэн байна гэж хэлж байгаа хэрэг. Иймэрхүү үгийг хүүхнүүд амжилтгүй сексийн дараа хашгирч, цухалдаж, бачуурсандаа хэлдэг юм. Шууд хөрвүүлэх юм бол "... наад хачин юмаа хүний зэрэгт хүргэчихээд уулзаарай..." гэсэн тохуурхал, доромжлол шүү. Гэхдээ мөнгөлөг эрчүүдэд ухаалаг хүүхнүүд энэ үгийг хэлдэггүй гэдгийг санаж яваарай. Аз болоход надад Бурхан их хайртай Ум сарваа мангаалам...

Зарим хүүхнүүд хаа ч явсан чамайг ноолж, яг ноолж байх үедээ хүртэл "Надад байгаа юм бүхэн чинийх..." гэж чихэн дээр чинь халуу оргиулан шивнэдэг. Энэ бол тэр хүүхэн чиний түрүүвчийг уудалж үзэхийг асар их хүсэж байна гэсэн үг. Тэд хичнээн ч чанга, хичнээн олон ингэж хашгирсан цагаа болоход түүний юм түүнд бас чиний олсон юм бас түүнийх болсон байдаг. Ер нь бол мөнгөлөг хүүхнүүд энэ үгийг их хэлдэг бөгөөд хэрэв ийм хүүхэнтэй танилцаж дотно харьцаанд орсон бол өөрөө ч гэсэн мөнгөний машин болох гэж оролдохгүй бол хэдхэн сарын дараа залуу чамайг гөлөгөө л гэж үзэх болно. Энэ үгийг хөрвүүлвэл "Чиний гэсэн юм бүхэн ч бас минийх шүү..." гэсэн макро эдийн засгийн агуулгатай болж харагдна. Чиний хайртай хүүхэн чинь чамд "Би ганцхан чамайг л аз жаргалтай болгомоор байна ..." гэх юм бол энэ үгийг шууд утгаар хүлээж аваад, ТВ-ийнхээ өмнө хэд хэдэн лаазтай беер өрөөд мангартаж болохгүй. Аз жаргал гэдгийг наад хүүхэн чинь өөрийнхөөрөө хэлээд байна ш дээ. Тэр нь өндөр үнэтэй дэлгүүр, булган шуба, тансаг ресторан гээд ер нь юу л бол юу байж болно. Гол нь тэр аз жаргал гэж бодож байгаа юмаа чамтай хамт эдэлмээр байна гэсэн санаа цухалзаж байгаа ч жинхэнээрээ бол "...Миний хэлснийг л хий. Тэгвэл бүх юм зүгээр болно..." гэсэн үг юм шүү. Танил эмэгтэй чинь хэрвээ "...Хүн бүр өөрийн гэсэн "хувийн" амьдралтай байдаг ш дээ..." гэх юм бол та хоёрын хамтын амьдрал төгсгөлдөө хүрчээ гэсэн үг. Харин чи андуураад энэ үгийг хэлэх юм бол бүх хүн төрлөхтний дундаас өөрийгөө хамгийн адаг нь гэдгээ 100 % нотолсон хэрэг болно. Хэрвээ чи энэ үгийг сонссон бол "Миний асуудал чамд падгүй, Bye - bye..." гэж ойлгоорой. за өвгөн партизан би энэ бүхний заримыг нь өөрийнхөө амьдралаас, заримыг нь бусдын амьдрал дээрээс цуглуулан босголоо. Зарим нэг блогчид өөр дээрээ тусгаж аваад халуураад эсвэл намайг өөрийнхөө тухай бичлээ гээд хадуураад байдаг шүү. Зүгээр мөрөөрөө л уншвал барав биз ...

АС/DC аврага акулууд

Энэ хэдэн үл бүтэх царай зүстэй этгээдүүд бол нөгөө миний өглөө босонгуутаа үхтэл нь чарлуулдаг АС/ДС гэж байгаа. Тархиных нь эд, эсүүд зохиолын дуунд бүүвэйлэгдсээр байгаад ямар ч үрчлээсгүй болсон хүмүүс эдний дууг сонсонгуутаа царцаа ногоон онгоцоор би нисэхдээ бөөлждөг шиг болдог юм. Тэгж байхыг хараад "... Иш хөөрхий, ийм дуу сонсолгүй нарт хорвоод хаагуур явж байсан юм бол доо..." гэсэн бодол миний толгойд харван орж ирдэгийг нуух юун билээ.

Шотландад төрсөн ах дүү Ангус, Малколм Янг нар 1973 онд Австралийн Сидней хотод уг хамтлагийг үүсгэн байгуулжээ. Тэд анхны тоглолтоо 1973 оны шинэ жилийн орой Сидней хотын Чикуерс клубт Дейв Эванс, Ларри ван Криедет, Коллин Бургис нарын бүрэлдэхүүнтэй тоглосон ажээ. Гэвч удалгүй гоцлол дуучин Дейв Эвансын ур чадвар, гадаад төрх хэви метал рок урсгалын анхдагч нүүр царайг илэрхийлж чадахгүй байгааг ах дүү нар анзаараад түүнийг Бон Скотоор сольсон нь тэдний хөгжил цэцэглэлт, мандан бадралыг илүү хурдасгажээ. Дэйв Эванс хамтлагаа шууд орхилгүй анхны менежерээр ажиллах болсон байна. Та бүхэн зураг дээрх ногоон шоорттой, зангиа зүүсэн хачин царайтай хүнийг харж байгаа байх (харахгүй байгаа бол өөрийнхөө бэлгийн мэлмийг сохорсонд тооцно биз). Энэ бол нөгөө гайхал Ангус Янг бөгөөд энэ зурган дээр тэр өөрийн тайзныхаа имижийг ид бүрдүүлээд байгаагаар зогсож байна. Түүний энэ хувцаслалтыг трөсөн эгч нь зөвлөсөн гэдэг юм билээ. (Харин монгол эгч нар бол дүүгээ тайзан дээр гоонж моонж, торгон дээл мээл гээд үнэн хачин юмтай гаргах байх) Сургуулийн хүүхдийн формоор тайзан дээр гангардаг энэ эр заримдаа хүн аалз, Зорро, Суперманы хувцас өмсөхөөс гадна ихэнх амьд тоглолтууд дээрээ Jack дууг дуулах үед гаагаа тайлж үзүүлдэг билээ. 1974-1977 онд Бон Скот хамтлагт гоцлон дуулах үед TNT (ой, ой, ой гэж эхэлдэг дуутай) цомог гаргасан бөгөөд гадаадад уг цомог нь High Voltage нэрээр тархсан билээ. Мөн тэр үеэс хойш одоо хүртэл хамтлагийн бөмбөрчнөөр тоглож байгаа Фил Радд нэг гишүүн нь болжээ. 1976 онд Атлантик рекордстай байгуулсан гэрээний дагуу АС/ДС Европын орнуудаах аялан тоглолт хийж эхэлсэн бөгөөд энэ үед тэд задгай стадионд тоглох асар их туршлага хуримтлуулж Блак Саббат, Кисс, Аэросмитээс дутахгүй хамтлаг болж чаджээ. 1977-1980 онуудыг АС/ДС дэлхийд өөрийгөө таниулах үе боллоо. Асар богинохон хугацаанд тэд Dirty deeds Done Dirt Cheap, Jailbreak, let There Be Rock зэрэг цомгуудыг гаргажээ. Харамсалтай нь хамтлагийн гоцлол дуучин Бон Скот 1980 оны 2 сарын 19 өдөр архины хордлогоор А.Киннаэр гэгчийн машинд нас баржээ. АС/ДС-ийн уй гашуу удаан үргэлжилсэнгүй. Тэд хамтлагтаа Брайн Жонсоныг гоцлол дуучнаар авангуутаа талийгаач Бон Скотын дурсгалд зориулан Back in Black (Эргэн гашуудацгаая) цомогийг гаргав. Мэдээж нэр алдарт хүрсэн дуучны хэмжээнд хүртэл дуулна гэдэг бол Б.Жонсоны хувьд хэцүү байсан биз гэвч тэр тун богино хугацаанд АС/ДС-ийн шүтэн бишрэгч нарын хайрыг татаж чадсан юм. За тэгээд АС/ДС шиг хамтлагийн цомгуудыг ирийтэл нь бичнэ гэвэл би тэднийг үл хүндэтгэсэн хэрэг болох бөгөөд та бүхэнд Thunderstrike, Dirty Deeds Done Dirt Cheap, Who Made Who, Highway to Hell, Hell's Bell зэрэг дуунуудыг сонсоорой гэж хэлмээр байна. Хэрэв сонсоод ойлгохгүй бол 36-24-36* утсаар залгаад талийгаач Бон Скотын сүнсээс асуугаад үзээрэй, тэр нэг юм хэлэх байх.

* 36-24-36 Dirty Deeds Done Dirt Cheap -дуун дээр энэ утсаар над руу залга би чамд хэлээд өгье гэж хэлдэг юм.

PINK FLOYD

Хампаандаа дуртай хамтлагуудынхаа тухай товчхон ч гэсэн танилцуулахгүй бол захаар дүүрэн фентэй Жавхлангийн дууг сонсох гээд байж магадгүй санагдаад уналаа. Жавка бас тэгж байгаад зальтай дөрвөд шүү, их хурлын нөхөн сонгуульд нэр дэвшдэг нь хэрэв дараагийн сонгуульд өрсөлдвөл хэр зэрэг ард түмэн дэмжих нь вэ гэдэг өөрийнхөө прогнозыг хийж байгаа хэрэг шүү дээ. Хэн нэгнийг муу хэлж кайф авахгүй болохоор ажил хүртэл бүтэхгүй байгаа юм шиг санагдаад байх юм. За энэ ч яахав... Зураг дээрх нүдэнд дулаахан англи залуучууд бол домогт Пинк Флойд хамтлагийн гишүүд болох Ричард Райт, Дэйвид Гилмор, Ник Мэйсон, Рожер Уотерс (зүүнээс баруун тийш)нар юм. Пинк-Флойд хамтлаг 1965 онд Англид байгуулагдан эхэн үедээ сансарын болон сэтгэл зүйн рок урсгалаар тоглож байгаад аажмаар дэвшилтэт рок урсгалыг бий болгожээ. хамтлагийн анхны бүрэлдэхүүнд байсан Сид Баррет хар тамхинд донтон улмаар хамтлагаасаа гарсаны дараа түүний байрыг бусдаасаа царайлаг Дэйвид Гилмор эзэлсэн явдал нь тэдний имижийг дээш гаргахад хувь нэмрээ оруулсан явдал болжээ. Пинк Флойд хэдэн арван цомог гаргасан бөгөөд тэднийг дурьдвал:

The Piper at the Gates of Dawn (1967),

A Saucerful of Secrets (1968),

Ummagumma (1969),

More(1969),

Atom Heart Mother (1970),

Meddle (1971)

Obsecured by Clouds (1972)

Dark Side of the Moon (1973)

Wish You Were Here (1975)

Animals (1977)

The Wall (1979)

The Final Cut (1983)

A Momentary Lapse of Reason (1987)*

Delicate Sound of Thunder (1988)**

Division Bell (1994)*

P.U.L.S.E. (1995)**

Is There Anybody Out There-The Wall (2000) зэрэг цомгуудыг гаргасан бөгөөд зарим цомгуудынх нь 15, 20, 30 жилийн ойд зориулж дахин хэвлэн худалдаанд гаргажээ. 1979 онд Ричард Райт хамтлагаасаа гарсан боловч Пинк Флойдын тоглолтуудад хөлслөгдөн оролцдог байжээ. 1985 онд хамтлагийн гишүүн Рожер Уотерс хамтлагаасаа гарсан нь багагүй шуугиан тарьсан бөгөөд үлдсэн гишүүд нь түүнтэй хамтлагийн нэрийн өмчлөлийн асуудлаар шүүхээр заргалдан Дэйвид Гилмор тэргүүтэй бусад гишүүд нь хамтлагийн нэрийг эзэмших эрхийг авчээ. Тийм ч учраас 1985 оноос хойш гаргасан цомгуудад Рожер Уотерсийн зохиосон дуу байдаггүй ажээ.

Пинк Флойд хэдэн видео концерт хийсэн бөгөөд тэдгээр нь:

London 66-67

Live at the Pompeii (1973)

The Wall (1982)

Delicate Sound of Thunder (1985)

La Carrera Pan Americana (1991)

PULSE (1995) юм. Эдний дундаас английн нэрт кино найруулагч Алан Паркерийн найруулсан The Wall нь шүүмжлэгч, сонсогч, үзэгчидийн анхаарлын төвд одоо хүртэл байгаа нь тэдний уран бүтээл хэр зэрэг мэргэжлийн түвшинд хийгддэг болох нь харагдаж байна.

Сонирхуулж хэлэхэд 1971 онд гаргасан Meddle цомогт орсон Echoes дуу нь Пинк Флойд хамтлагийн хамгийн шилдэг дуугаар шалгарсан бөгөөд 1971-1985 он хүртэл Британын болон АНУ-ын хит парадуудын эхний 10 байрнаас огт бууж байгаагүйгээрээ бас нэг амжилтыг тогтоожээ. 2005 оны 7 сарын 2 өдөр хамтлаг тарсанаасаа хойш анх удаа дахин цуглаж бүрэн бүрэлдэхүүнээрээ Live 8 тоглолтонд оролцсон бөгөөд Speak to Me/Breath, Money, Wish You Were Here, Comfortably Numb дуунуудаа сонордуулжээ. Үүнээс хойш 2007 онд Рожер Уотерс " 1985 оноос хойш бидний хэн нь ч гэсэн нэр төртэй байсан гэж үзэхгүй байна. Энэ бол тун муухай явдал. Энэ бүхэнд миний оролцоо ч байсанд харамсаж явдаг..." гэж хэлжээ. 2008 оны намар хамтлагийн гишүүн, даралтат хөгжмийн агуу их мастер Ричард Райт 65 насандаа хорт хавдраар нас эцэслэсэн нь тун харамсалтай явдал болсон бөгөөд өчүүхэн миний бие хүртэл нэн гашуудаж 7 хоног зөвхөн Пинк Флойд хамтлагийн бичлэгийг тасралтгүй тоглуулсан нь Гиннесийн номонд орох нэгэн амжилт гэж болох бүлгээ.

Хамтлагийн оршин тогтнох хугацаанд гишүүд тус тусын соло цомгуудыг гаргаж байсан бөгөөд хамгийн олдоц муутай нь Ник Майсоны бүтээлүүд бөгөөд яагаад гэвэл тэр нэг ч соло цомог гаргаагүй юм.

Пинк Флойдын МП3 CD болон цомгуудыг дуртай хөгжмийн дэлгүүрээс худалдан авах боломжтой. Харин надаас 1963 оны The Pink Floyd Sound гэдэг нэртэй байх үеийнх нь клип (Сид Баррет оролцсон), 1966 oны See Emily Play, Live 8 зэрэг тоглолтуудын клипийг авч болно гэдгийг нэмж хэлье. Эцэст нь хэлэхэд миний блогийн толгой болгож бичсэн "Someone in my head but it is not me" гэсэн үг бол Пинк Флойдын "Сарны харанхуй тал" цомгийн "Согогтой тархи" (Brain damage) дууны үг байгаа юм. Намайг нэг өдөр алсын алсад одох үед би энэ цомгийг тасралтгүй тоглуулж өгөөрэй гэж хамгийн хайртай нэгэн дүүдээ хэлсэн бөгөөд бүх дуутай МП3 -ийг нь өөрийнхөө хайрцагт хийхийг гэрээсэлсэн гэхээр Пинк Флойд бид хоёр хичнээн ойр болох нь харагдаж буй хэрэг болох байх.

LED ZEPPELIN

Ер нь өнөөдөр босоод байж байсан чинь хампааныхаа тархийг эртний рок хамтлагуудаар бага зэрэг угаамаар санагдлаа. Бас дөнгөж түрүүхэн Дип Перпл-ын тухай бичсэн чинь түүндээ халуурав уу яав Лед Зеппелин, Пинк Флойд, АС/DC тухай бичмээр боллоо.За та бүхний зургийг нь харж байгаа үс ноосондоо дарагдсан алмас маягийн хүмүүс бол ойд мод, чулуу хийж байгаад ирсэн улсууд биш харин нөгөө ярих гээд байгаа Лед Зеппелин-чүүд гэж байгаа. Энэ хамтлаг 1968 онд (бас л 1968 он) англид (Баруун Германд биш) байгуулагджээ. Англид байгуулагдсан гэхээр английн л хамтлаг гэж ойлгоорой. Хамтлагийн бүрэлдэхүүнд Jimmy Page (гитарыг уйлуулагч), Robert Plant (наадмаар бөх, морины цол дуудуулвал галзуу чадах байх), John Paul Jones, John Bonham нар багтана. Лед Зеппелин-чууд бусад хамтлагууд шиг олон цомог гаргаагүй бөгөөд ердөө л 9 цомог гаргасан бөгөөд тэднийг дурьдвал:

Led Zeppelin I (1969), Led Zeppelin II (1969), Led Zeppelin III (1970), Led Zeppelin IV (1971), House of the Holy (1973), Physical Graffiti (1975), Presence (1976), In Through the out Door (1979), Coda (1982) байдаг юм байна. Гэхдээ тооноос чанар гэгчээр 1971-1977 онд Лед Зеппелинг дэлхийн хамгийн лаг хамтлаг гэж тооцож байв. Дээр жагсаасан цомогууд нь "Чиний үхэхээсээ өмнө амжиж сонсох 1001 цомог" (1001 Albums You Must Hear Before You Die)-т бүгд орсон байдаг онцлогтой. 1995 онд хэсэг нэрд гарсан дуучид хамтлагууд Рокын түүхэнд Лед Зеппелины оруулсан хувь нэмрийг үнэлэн Encomium гэдэг цомог гаргасан бөгөөд энэ цомогт тэд өөр өөрийн төрөл жанраар Лед Зеппелины дуунууд дуулсан байна. Хампаандаа болон бусад таних танихгүй хампаанууддаа дараахь дуунуудыг сонсохыг зөвлөж байна: Black Dog, Moby Dick, Whola Lotta Love, Stairway to Heaven, Achilles Last Stand, Immigrant Song ингээд бичээд байвал бүх дууг нь бичих гээд байна. Хаанаас энэ хамтлагийн СД авч болох вэ гэвэл Encomium альбомноос бусдыг нь хаа дуртай газраасаа авч болно. Харин Encomium -ыг нэг бол интернэтээс үгүй бол надаас аваарай.

DEEP PURPLE

Би нэг хампааныгаа гоё дуу сонсмоор байнаа гээд байхаар нь хэд хэдэн удаа Дип Перпл хамтлагийн дууг сонс гэж санал болгосон юм. Тэгсэн чинь манай хампаан санал болгосон хамтлагийн маань улаан фен нь болоод байгаа юм байх аа. Тэгээд тэр хампаандаа зориулж домогт Deep Purple хамтлагийн тухай товчхон танилцуулмаар гэнэт санагдав.

Английн алдарт хард рок жанраар тоглодог Дип Перпл хамтлаг нь 1968 онд англид биш харин Баруун Германд байгуулагджээ. Нутаг орондоо байгуулагдаж хэвтэхгүй ямар юм аа хийж тэнд байгуулагдсан юм бол бүү мэд. Бас тэгээд анх байгуулагдахдаа Дип Перпл ч биш бүр шал өөр Turnaround бил үү гэдэг нэртэй байгуулагдсан гэнээ. Хамтлаг анх 1940-өөд онд төрсөн (одоо бол бүгдээрээ өвөө) Rod Evans, Richie Blackmore, Jon Lord, Nick Simper, Ian Paice нарын бүрэлдэхүүнтэй байгуулагдаж байсан бөгөөд сүүлд Ian Gillan, Roger Glover нар шинээр оржээ. Оршин тогтнох хугацаандаа нийтдээ 27 магадгүй 28 эсвэл бүр 29,30 цомог гаргасан юм байна. Хампаандаа сонирхуулахын тулд тэр цомгуудынх нь нэрийг дурьдвал:

THE BOOK OF TALIESYN (1968)

SHADES OF DEEP PURPLE (1ST LP) (1968)

DEEP PURPLE (1969)

IN ROCK (1970)

FIREBALL (1971)

MACHINE HEAD (1972)

MADE IN JAPAN (1972)

WHO DO WE THINK WE ARE? (1973)

BURN (1974)

MADE IN EUROPE (1974)

STORMBRINGER (1974)

COME TASTE THE BAND (1975)

WHEN WE ROCK WE ROCK AND WHEN WE ROLL WE ROLL (1978)

DEEPEST PURPLE (1980)

PERFECT STRANGERS (1984)

THE HOUSE OF BLUE LIGHT (1987)

NOBODY"S PERFECT (1988)

SLAVES AND MASTERS (1990)

KNOCKING AT YOUR BACK DOOR: THE BEST OF DEEP PURPLE IN THE 80"S (1992)

THE BATTLE RAGES ON (1993)

IN CONCERT (1995)

LIVE AT THE CALIFORNIA JAM (1996)

BEST ON STAGE 1970-1985 [BOX] (1996)

PURPENDICULAR (1996)

ABANDON (1998)

LIVE AND RAREMACHINE HEAD/WHO DO WE THINK WE ARE!

RAPTOR OF THE DEEP (2005) зэрэг болно.

Дип Перпл хамтлагын эхэн үеийн бүтээлүүд нь нэн сонирхолтой бөгөөд ялангуяа April, Strange Way, Highway Star, Black Night, Smoke on the Water гэх мэт дуунуудыг сонсохыг зөвлөж байна. За тэгээд хүсэх юм бол Ачлал их дэлгүүрийн нэг давхарт байдаг CD дэлгүүрээс тэдний МР3 CD авах юм бол бараг бүх альбомуудынх нь дуу байгаа даа. Цаг алдаад л youtube энэ тэр дээрээс татаж авах гэж үйлээ үзэж байхаар нэг мөсөн тэр CD-г нь аваад сонсвол амар даа. Яг одоо би Space Trucking гэдэг дууных нь бөмбөрийн цохилтыг Ian Paice-тоглож байгаагаар сонсож байна. Үнэн Саак юун Болд, Сарантуяа, юун Харанга, тэр Хурд вэ???

Лого, туг, флаг, дарцаг

Эрхэм хүндэт ах дүү нар аа. Өчүүхэн миний би та бүхний өмнө толилуулан буй энэхүү тэмдэг нь асар гүн утга агуулгатай бөгөөд Египетийн пирамидууд, Английн Стоунхэдж, Цогтын хадны бичээс, Гамбиногийн шилбэний шивээсийг бүх насаараа оролдож байж арай гэж тайлсан эрдэмтэд хүртэл мангартаж, мангартаж байгаад юу болохыг нь мэдээгүй ш дээ. Нэг тэнэг эрдэмтэн энэ тэмдгийг хараад Ромын эзэнт гүрний хаан агуу их Нероны тамга байна гэж солиорсон гэж байгаа. Тэгсэн чинь манай байрны "цохио" Даваа 6-р орцны Туяагийн бандаашан дээр байдаг зураг байна гэсэн. Харин хажуу байрны хамар Волоож болохоор "Хатуу самар-3" дээр хамгийн сүүлд нь гардаг нисдэг тэрэгний сүүлэн дээр энэ тэмдгийг усан будгаар арай муухай зурсан байдаг юм гэж мэдэмхийрч байна. Гэхдээ утгыг нь сайн мэдэхгүй юм байх аа. Хүмүүст харуулаад байх юм бол янз янзын юм хэлээд байх бололтой шүү. Бас нэг гар болохоор "хүн төрлөхтөн үүсэн бий болсон цагаасаа эхлэн зөвхөн энэ тэмдгийг дотоод сэтгэлдээ шүтэн биширч ирсэн боловч өөрөө харин шүтдэггүй муу ёрын зүйл гэж байх юм". Өөр нэг хампаан болохоор Чингис хаан Богд уулын орой дээр гараад тамхиа асаах гэсэн чинь шүдэнз олдохгүй болохоор Төв аймаг ороод хамгийн эхний ТҮЦ-ээс авсан шүдэнзний хайрцаг дээр энэ зураг байсан ч гэх шиг, Сүхбаатар жанжин 100 төгрөг дээр зургаа авахуулах гээд сууж байтал энэ тэмдэг үзэгдсэн ч гэх шиг маш олон юм гарсаар байлаа. За тэгээд энэ юуны зураг болохыг би мэднэ гэхдээ уншигч авгай та мэдээд үнэн зөв хариулт өгөх юм бол шагнана гэж мэдээрэй.

Picture of the Boy

Just picture of the boy.

Цус ойртолт буюу вампир, паразитуудад хэлэх хэдэн үг.

Цус ойртолт гэсэн гарчиг харангуутаа "Өө үзсэн кино байна" гэдэг шиг битгий улгасаад унаарай. Харин томоотой сууж байгаад уншихыг бодоорой.

Миний ярих гэж байгаа цус ойртолт бол та нарын бодож байгаа шиг ч биш бас "Бүлээн нурам" кинон дээр үзүүлдэгээс шаал өөр бүр кимчинээс ч өөр юм байх болно.

Цус ойртолтыг агуу их биологч Франкенштэйн гуай тодорхойлохдоо ... за юун агуу их худлаа какрах гэж байна.

Нэг байгууллагад ажилладаг хүмүүс хоорондоо дасах, дурлах, хайртай болж улмаар гэрлэхийг цус ойртолт гэнээ. Маш энгийн, товчхон тодорхойлолт. Бүсгүй та ажлын газрынхаа нэг залууд дурлалаа гэж бодьё. Энэ мөчөөс эхлэн таны амьдрал өнгөц харахад жаргалтай мэт боловч үнэн хэрэг дээрээ өмхөрч эхлэх болно. Дурлалт залуу чинь таны найз хүүхнүүдтэйгээ чалчих цагт хяналт тавьж эхлэхээс авахуулаад аажмаар ажил төрлийн шугамаар уулзсан харчууд, таны хувцаслалт, хоололт зэргийг чинь хоногийн 24 цагийн турш (хэрэв хамт амьдардаг бол) харах болно. Таны эрх чөлөө нэг л мэдэхэд хумигдаж өөрийн эрхгүй ажлаасаа гарах уу эсвэл амрагаасаа хагацах уу гэсэн асуулт таныг байнга дагалдах болно. Дурлалт залуу чинь мангас биш байсан ч гэсэн танд дээрх асуудлууд үүсэх болно.

Залуу чамд ч гэсэн ажил тараад бааранд орж беер уун Атрын 3-р аян, Цунами, дэлхийн дулаарал, агаарын наймаа хийж бүлтрэх цаг хомсдож эхлэнэ ш дээ. Аймаар байгаа биз??? Харин дурлалт бүсгүй, найз охин, эхнэр чинь өөр газарт ажилладаг (хэрэв түүндээ атгуулаагүй бол) бол ажлаа тараад дуртай барандаа орж ууж, идэж, хүн дайлж, хүнээр дайлуулах боломж чинь хэвээрээ л байх болно. Цус ойртолтын нэг эмгэнэлтэй зүйл бол нэг гэр бүлийн хоёр хүн хоюулаа байгууллагынхаа удирдлага нь байх явдал юм. Ялангуяа хувийн компанийн захирлаар нөхөр нь дэд захирлаар эхнэр ажилладаг бол хэн нь жинхэнэ босс болохыг ажилтнууд нь мэдэхгүй үнэн мангуурах шиг болно. Түүнээс гадна танай гэр бүл доторх хувийн асуудлууд хичнээн нууцалсан ч ажилтнуудын чинь өмнө ил байна. Дарга нарт жолооч, нарийн бичиг- туслах гээд харахад хаалттай авдар шиг мөртлөө цагаа болоход хэнийг ч аяга хоолоор худалдаж мэдэх цус сорогчид байдгийг санах хэрэгтэй. Хувийн компаний чинь бизнес эхнэрийн чинь эцэг эхийн мөнгөөр явдаг бол нөхөр гэдэг этгээд зүгээр л зүйл төрөл нь мэдэгдэхгүй амьтан болно ш дээ. Хичнээн ганган хувцаслаад, үнэтэй машин унаад босс шиг загнисан ч гэсэн ердөө л утсан хүүхэлдэй болох нь мэдэгдээд л байна гэж мэд. Тийм болохоор баян авгайтай залуусаа та нар эхнэртэйгээ хамт нэг компанид ажиллах буюу гэр бүлгүй бол боссынхоо охинтой сууж амьдрах талаар бодоод ч хэрэггүй. Хэрэв хүүхний тэнгэр чинь чамайг тас мартаж чи боссынхоо охинд дурлааский л бол зүгээр л ажлаасаа гарч өөр ажил хий, архи уу, тамхи тат, харин өөр хүүхэнтэй л битгий дурлалаар тогло. Тэгэх юм бол чиний паразит амьдралын төгсгөл ойртлоо гэсэн үг ш дээ.

Баян айлын хүргэн болох гэсэн паразит шимэгчид газар сайгүй чиний байрыг эзэлж, дурлалт хүүхнийг чинь өвөртөлж, хэзээ ч юм нэг сайхан нартай өдөр чиний үрэх ёстой мөнгийг чинь булааж авах гээд анаад зогсож байгаа гэдгийг алхам тутамдаа санаж яв. Захиад байхад зарим нэг залуус гоомойтоод байдаг шүү.

За тэгээд аргагүйн эрхэнд эхнэртэйгээ хувийн байгууллага удирдах (эхнэрийн эцэг эхийн хөрөнгөөр боссон) бол өөрийгөө зүгээр л хэзээ нэгэн цагт хоёр хөгшнийг өнхөрөөд өгөхөөр эзэн нь болж сууна гэсэн бодлоо тархиныхаа хамгийн мухарт далд хийгээд наанаа бол грушик, манаач, цэвэрлэгч, үүдний нохой шиг аашлаад л тэсээд л бай. Тэгж байтал хүссэн чинь биелэнэ гэсэн үг. За за залууст аймаар юм заах нь байна. Болж өгвөл цус ойртож байгууллагын босс болсоноос больсон нь дээр бөгөөд хэрэв аргагүйд хүрвэл зүгээр л тодорч гайхуулалгүй паразит болох нь дээр дээ. Болдогсон бол би паразит болохсон даанч нас яваад намайг тоох баян айлын охин олдохгүй биз дээ. Олдсон ч харь гаригийн царайтай, ааштай амьтан байвал бүх насаараа Ромбу гаригийн хэлээр ярьж сурах гэж ядаргаа болох байх.

Хампааныг нь бас хүмүүс үгүйлдэг юм байна (какрав)

Хампаан амралтаараа ЮБИ-д ирцэн байдаг. За тэгээд ирчээд хурим найранд орж, заавал ордог уушын газар, найт клаб , ресторан мөн бас бус саун маун, массаж зассаж гээд олон газраар дарж өгч байгаа гэдэгт итгэж байнаа. Нүдэнд харагдаж байгаа юм чинь. Төсөөлөл гэж аймаар ажиллаж байнаа. Өнөөдөр харин юу хийж байгаа бол. Явах дөхөж байгаа болохоор биеэ энхрийлэж, ажлын эрч хүчээ нөөцөлж байгаа байхдаа. Бичиж барих юмаа бичиж, номоо уншиж дуусах тухайгаа бичсэн байсан. Хэлэх юм зөндөө л байхын даанч манай хампаан эгдүүцэн уурлаад байвал өөөөөөөөөөөө яршиг болно. Хампааныгаа санаж байнааа. Сайн найз шүү.Хампаан гэхээс өөрөөр дуудах юм бол намайг хэлэх хэлэхгүй үгээр хэлээд сүйд болно. Тиймээс хампаан гэж дуудаж байнаа яаадийн.